Yoˇhaˬ 6:27 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁷ Buf-ir cawv-ir nya-eu dzaqdzaq dawrdawr za’ni taq laejae. Aerkhawf, Tsawrhaq-euq Zaqyo bifnaeq nya-eu mqmaq maqbyav yarzir zif-eu dzaqdzaq dawrdawr za’ni laejae-awq. Aqjeq mirnae aernar-aq, Aqda Miqyaer nae Tsawrhaq-euq Zaqyo-anr jmq diqtaq-euq mae.”

Akha

²⁷ Buꞈ-iˇ cehˇ-iˇ nya-eu dzaˬ dzaˬ dawˇ dawˇ gʼaˇ duˬ maˬ leh jeh ni, mˬ maˬ maˬ byaˆ zaˇ ziˇ bi dehꞈ-eu dzaˬ dzaˬ dawˇ dawˇ gʼaˇ duˬ leh jeh-awˬ. Tsawˇ haˬ-euˬ Zaˬmaˇ pyeuꞈ-eu ngaˇ naw maꞈ-ahˇ dzaˬ dzaˬ dawˇ dawˇ kʼoeˇ jeˬ biꞈ ma. Aˬ jeˬ miˇ neh ehˇ naˇ, Aˬda Miˬyehˇ ngaˬ-ahˇ nui ma tsaˬ-awˇ juˬ diˬ taˬ-euˬ meh.”

Yoˇhaˬ 6:27 Referans Kwoze

Gawˇlawˇsehˇ 3:2

Nawmaf-euq nuinoeq, mirtsaq-euq khoertav jav-eu jeq-anr maqngeur-eu, mq-euq khoertav jav-eu jeq-anr noeqtsov taq-awq.

Yoˇhaˬ 6:54

Ngaq-euq shaqjir dzaq-awr, ngaq-euq shiq dawr-eu aqsur ghaq maqkaq, mqmaq maqbyav yarzir daef-eu jeq za-eu mae. Arsaqsaq ngae nan, ngar, aqyawf-anr bi ghofdaeflar ma.

2 Tiˆmoˇseˬ 2:19

Aerkhawf, Miqyaer nae zeurdanr danrtaq-euq jeq-aq, zifdanni javluf-eu mae. Zeurdanr-euq khoertav jmq heulof-aer diqtaq-euq mae: “Sanqpaq Miqyaer-aq, aqyawf-euq tsawrhaq deuq-anr siqnya-eu mae,” (Bts 16:5) hawr-eu, “Kali-euq tsawrmyanr-anr kharkur-eu tsawrhaq yawqghaq navluf, maqtsaq maqdawr-eu jeq-anr aqdir byaerdzae-awq” laer boftaq-euq mae.

Yoˇhaˬ 6:40

Zaqyo-anr mawr-awr aqyawf-anr kharjan-eu tsawrhaq yawqghaq navluf-anr, mqmaq maqbyav yarzir daef-eu jeq bi za’ni, ngaq-anr khaerghae lef-euq ghaq nuima tsaq-eu mae. Khoeruqtaf, arsaqsaq ngae nan, ngar, aqyawf-anr bi ghofdaeflar ma.”

Lormav 6:23

Aqjeq mirnae aernar-aq, iqbax mr-eu mirnae za-eu arpoeq-aq yashir-eu mae. Aerkhawf, Miqyaer nae bifnaeq laf-euq lafsawq-aq, aqdui-euq Sanqpaq Yeqsur Kali-euq lafkhoer, mqmaq maqbyav yarzir yadaef-eu mae.

Yoˇhaˬ 10:28

Khoeruqtaf, ngar, aqyawf maf-anr mqmaq maqbyav yarzir daef-eu jeq bif-awr, aqyawfmaf tiqjawr-iq maqya cawv-ir-ar. Ngaq-euq aqlaf-anr nae tiqghaq-iq yawr khoerdeuq-anr maq ludov nya-ar.

Yoˇhaˬ 6:51

Ngar-aq, mq-anr nae oe-euq daef-eu jeq bif-eu kaqmur ma. Kaqmur heu-anr khardzaq-eu tsawrhaq-aq, mqmaq maqbyav yarzir yadaef-eu mae. Mirtsaqzaq yadaefni ngar yabif-eu kaqmur-aq, ngaq-euq shiqshaq yabif-eu mae.”

Gʼaˬkʼehˇ 10:38

Miqyaer, Naqzaqlaer tsawrhaq Yeqsur-anr Yawshawr Saflar hawr-eu baoq nae tsaqtsov-awr, aqyawf doedoe-aer can ngae, Miqyaer, aqyawf naeq-aer jawr-eu mirnae, yawmuiq jeq mr-awr, naef sanqpaq khaeq-awr khav-eu gar daqluf-eu tsawrhaq dawqtawv luf-anr bi taqler-euq mae.

Yoˇhaˬ 17:2

Nawr, tsawrhaq dawqtawv luf-euq khoertav-euq aryaq aqyawf-anr biftaq-euq lof-aer, aqyawf-anr khar a’naeq taq-euq tsawrhaq dawqtawv luf-anr, aqyawf mqmaq maqbyav yarzir daef-eu jeq bifnaeq nya-eu mae.

Maꞈtehˬ 6:19

“Mirtsaq-euq khoertav yawqha-euq gharduq pyurshuir myawqganq taq povuiqtaq. Mirtsaq-euq khoertav povuiqtaq nar-aq, shmrkaw kawler nya-awr, boeq dzaqnya-eu uqtaf, smrkhoeq khawf daepavanr laf-awr khoeqlar nya-eu mae.

Yoˇhaˬ 6:58

Kaqmur heu-aq, nawmaf-euq aqpoeq deuq nae dzaq-euq maqnav kaqmur khoer-anr maqdur-a. Aqyawfmaf yadzaq-euq khawf shir-euq mae. Kaqmur heu-aq, mq-anr nae oe-euq mae. Kaqmur heu dzaq-eu tsawrhaq-aq, mqmaq maqbyav yarzir yadaef taef-a.”

2 Beˬtuˆluˆ 1:17

Byan duidui-eu yawshaef khanqsaer-euq lafkhoer nae, ngaeqdov lef-euq tersar aer-eu, “Heughaq-aq, ngar zawr gaq-eu ngaq-euq Zaqyo ma. Ngar, aqyawf-anr nuikhanrshir duidui ma.” Khoerngae, aqyawf, Aqda Miqyaer-euq taqhuiq taqmanr-eu jeq hawr-eu yawshaef khanqsaer-anr za-euq mae.

Piˇliˇpiˆ 2:13

Aqjeq mirnae aernar-aq, Miqyaer nuikhanr shir-eu lof-aer, nawmaf mrmawf-eu nuima anrlar-awr mrnya’ni, Miqyaer, nawmaf-euq lafkhoer gar mrluf-eu mae.

1 Beˬtuˆluˆ 1:24

Aqjeq mirnae aernar-aq, “Tsawrhaq dawqtawvluf yarmof lof-aer dur-awr, aqyawf maf-euq khanqsaer dawqtawvluf khawf, yarmof-euq aryaev lovni taef mae. Yarmof-aq, nyoeq-ir kov-ir-awr, aryaev khawf juq-ir ga-ir-eu mae.

Luˇkaꞈ 3:22

Khoerngae, Yawshawr Saflar, khaqkhoeq lof-aer dur-eu lafkhoer, aqyawf-euq khoertav zafka le-awr, mq-anr nae tersar ngaeqdov lef-eu, “Nawr-aq, ngar zawr gaq-eu ngaq-euq Zaqyo ma. Ngar, nawq-anr nuikhanrshir duidui ma.”

1 Teˇsaˬloˇni 1:3

Nawmaf jan-eu lafkhoer gar mrluf sharluf-awr, gaq-eu baqda’nae mrdui shar duidui-eu uqtaf, aqdui-euq Sanqpaq Yeqsur Kali-anr noeqtmq-awr nuima zif-eu mirnae, Aqda Miqyaer-euq maeqshi aqmyanluf noeqkeuvluf ma.

Gawˇlawˇsehˇ 1:29

Kali, ngaq-euq lafkhoer baoq huiq duidui-eu jeq nae gar mrluf-eu gar ghoe-awr, teu-euq gharduq ngar khawf laejae-awr gar mrluf-eu ma.

Yoˇhaˬ 3:33

Aqyawf nae sarkir kamq-euq gar hageuf-eu tsawrhaq-aq, Miqyaer-aq, tsaq-awr dawr-eu mae laer jmq diq-eu mae.

Gʼaˬkʼehˇ 2:22

“Irsaqleqlav tsawrhaq deuq-or! Ngar aer-eu gar narhaq sher-eq. Miqyaer, Naqzaqlaer tsawrhaq Yeqsur-anr ghoe-awr, nawmaf-euq ghanrcae khavjeq-aer ghae-eu jeq, zanqler paq-aer ghae-eu jeq hawr-eu bisiq bimawr-eu jeq bimr-awr, Miqyaer nae nawmaf-euq gharduq sarkir bipyeuf-euq ghaq mae laer nawmaf yawqghaq navluf siqnya-eu lof-aer mae.

Yoˇhaˬ 6:68

Khoerngae, Sirmoq Beqtuvluv, aqyawf-anr heulof-aer aerkhof naeq-euq mae, “Sanqpaq-or! Nawq-euq lafkhoer mqmaq maqbyav yarzir daef-eu jeq bif-eu dawq anr-eu mae. Nga’maf aqsur ghaq-euq maeqnan par cantae-ir nmr-mq?

Luˇkaꞈ 9:35

Khoerngae, mqdmr-anr nae tersar ngaeqdov lef-eu, “Heughaq-aq, ngar zawr gaq-eu ngaq-euq Zaqyo ma. Nawmaf, aqyawf-euq dawq narhaq geuf-awq.”

Jaceuq 40:7

Khoermirnae, ngar heulof-aer aer-eu ma, “Haeq, ngar larkeuv-euq ma. Sanqbof paryov-euq lafkhoer, ngaq-euq garkawv boftaq-euq mae.

Jaceuq 2:7

Ngar, Ya’we Miqyaer-euq zanrtaq khoftaq bisiq bigaq ma. Ya’we Miqyaer, ngaq-anr heulof-aer aernaeq laf-euq mae, “Nawr-aq, ngaq-euq Zaqyo mae. Iqnan, ngar, nawq-euq Aqda pyeuflar-euq ma.

HeˬByehˇ 12:16

Nawmaf tiqghaq-iq banq-awr joe-eu jeq maqbi dovlarni yanr-awq. Irsawr lof-aer maqshawr-aer maqya ghae-ir ni khawf yanr-awq. Irsawr-aq, dzar tiq dzaq nae huqbaw zaqyo-euq aryaq pardzae-euq mae.

Gaˬlaˬtiˆ 5:6

Aqjeq mirnae aernar-aq, Yeqsur Kali-euq lafkhoer jawr-eu tsawrhaq deuq, bawkhov maeqdzaq yaeq-eu hawr-eu maqyaeq-eu-aq, tiqjeq-iq gardanr maqtsoeq-a. Aerkhawf, gaq-eu lafkhoer mrdov shardov laf-eu jan-eu jeq taef-aer gardanr tsoeq-eu mae.

HeˬByehˇ 4:11

Khoermirnae, Yaerdawq maq narhaq geuf-euq deuq coq-ir-euq lof-aer, aqdui khawf maqya coq-ir ni, ghaqnaq naqduq khoer-anr ya urlerni laejae kar-eur.

Gawˇlawˇsehˇ 2:22

Tsawrhaq-euq zanrdawq khofdawq hawr-eu dawqmaeq dawqtsov khoerdeuq dawqtawv luf-aq, zmq ngae cawv-ir byov-ir nya-eu jeq-anr taf-eu taef mae.

1 Gawˇliˬtu 9:2

Ngar, aqcawq-euq gharduq ghaqkhaer maqngeur-eu law-awr khawf, nawmaf-euq gharduq ghaqkhaer ma. Aqjeq mirnae aernar-aq, ngar, Sanqpaq Miqyaer-euq ghaqkhaer pyeuf-eu jmq-aq nawmaf mae.

1 Gawˇliˬtu 6:13

Dzaqdzaq dawrdawr-aq, uqmav-euq gharduq pyeuf-awr, uqmav-aq, dzaqdzaq dawrdawr-euq gharduq mae. Aerkhawf, Miqyaer heu nyiq jeq luf-anr lavcawv taef-a. Mawrdo-aq, banq-awr khaqmiq sheu-eu gharduq maqngeur-a, Sanqpaq Yeqsur-euq gharduq mae. Sanqpaq Yeqsur khawf mawrdo-euq gharduq mae.

Lormav 4:11

Aqyawf jan-eu mirnae, bawkhov maeqdzaq maqyaeq-euq minav-aer, tsaq-awr dawr-eu tsawrhaq pyeuflar-euq mae. Aqyawf tsaq-awr dawr-eu tsawrhaq pyeuflar-euq mae laer bi mawrlar-eu gharduq, tsaqtsov-eu tiqjeq lof-aer bawkhov maeqdzaq yaeq-euq mae. Bawkhov maeqdzaq maqyaeq-euq khawf jan-eu mirnae, tsaq-awr dawr-eu tsawrhaq pyeuflar-euq mae laer sawxnaeq taq-euq tsawrhaq dawqtawv luf-euq aqda yawdzanr khawf pyeuf-eu mae.

Yoˇhaˬ 15:24

Tsawrhaq tiqghaq nae-iq maq mrhaw-euq gardeuq, ngar, aqyawf maf-euq ghanrcae maqmr-euq lawnmr-aq, aqyawfmaf iqbax maqanr-ar. Aerkhawf, nymq-mr aqyawfmaf gar khoerdeuq-anr ya’mawr-awr, ngaq-anr khawf, ngaqDa-anr khawf byae-eu mae.

Yoˇhaˬ 14:6

Yeqsur, aqyawf-anr heulof-aer aernaeq-euq mae, “Ngar-aq, garma ma, yawtsaq yawdawr jeq hawr-eu daef-eu jeq khawf ngeur ma. Ngaq-anr maqghoe nar-aq, tsawrhaq tiqghaq-iq Aqda jawr-eu gar maq lekeuv nya-a.

Yoˇhaˬ 11:42

Nawr, ngaq-euq shardawq-anr aqmyanluf narhaq mae laer ngar siqnya ma. Aerkhawf, nawq nae ngaq-anr khaerghae lef-euq nga laer, heugar yawfluf-eu tsawrhaq deuq janlarni, aqyawf maf-euq gharduq ngar heulof-aer aer-eu ma.”

Yoˇhaˬ 8:18

Ngar, yawha-euq garkawv sarkir kamq-eu tiq ghaq ma. Ngaq-anr khaerghae lef-euq Aqda Miqyaer khawf, ngaq-euq garkawv sarkir kamq-eu mae.”

Maˬkuˆ 9:7

Khoerngae, jeqtmq tiq tsanq aqyawf maf-anr tanqtsanq le-awr, jeqtmq-anr nae dawq ngaeqdov lef-eu, “Heughaq-aq, ngar zawr gaq-eu ngaq-euq Zaqyo ma. Nawmaf, aqyawf-euq dawq narhaq geuf-awq.”

Maˬkuˆ 1:11

Khoernar-aq, mq-anr nae tersar ngaeqdov lef-eu, “Nawr-aq, ngar zawr gaq-eu ngaq-euq Zaqyo ma. Ngar, nawq-anr nuikhanrshir duidui ma.”

Maꞈtehˬ 17:5

Beqtuvluv, dawq ngaeqluf ngae, yawshaef bya-eu mqdmr tiq tsanq aqyawf maf-anr uvtaeq le-awr, mqdmr-anr nae dawq ngaeqdov lef-eu, “Heughaq-aq, ngar zawr gaq-eu ngaq-euq Zaqyo ma. Ngar, aqyawf-anr nuikhanrshir duidui ma. Nawmaf, aqyawf-euq dawq narhaq geuf-awq.”

Maꞈtehˬ 3:17

Khoerngae, mq-anr nae tersar ngaeqdov lef-eu, “Heughaq-aq, ngar zawr gaq-eu ngaq-euq Zaqyo ma. Ngar, aqyawf-anr nuikhanrshir duidui ma.”

Yaˬkoˆ 1:11

Nanrma dovlar-awr, uqtsar khavlar-awr lanrlar ngae, yarmof khoer nyoeq-ir kov-ir-eu mae. Khoerngae jawr, aryaev khoer ga-ir-awr, hawmuiq-eu jeq cawv-ir jir-eu mae. Khoergar durni, smrmuiq muiq-eu tsawrhaq khawf, yawqha-euq gar-anr khofghaluf ngae byov-ir taef-a.

2 Gawˇliˬtu 4:18

Khoermirnae, nga’maf-aq, mawrlar-eu jeq-anr hawluf-eu maqngeur. Aerkhawf, maq mawrlar-eu jeq-anr hawluf-eu ma. Aqjeq mirnae aernar-aq, mawrlar-eu jeq-aq, tiqkhaeq larkhaeq taef-aer jav-awr, maq mawrlar-eu jeq-aq, mqmaq maqbyav yarzir gmq-eu mae.

Maꞈtehˬ 8:20

Khoer-anr Yeqsur aernaeq-eu, “Byaqhir-aq, khaeqbanq baw-awr, mqtav zaw-eu arjir khawf banq jav-eu mae. Aerkhawf, Tsawrhaq-euq Zaqyo-aq, uqduq bafdarduq khawf maqjav.”

Dawqdaq 9:5

“Lar-awq, ngaq-euq kaqmur dzaqlar-awr, Ngaq nae keuqtaq-euq aqgaf dzaruir dawrlar-awq.

Maꞈtehˬ 25:46

Aqyawf maf-aq, mqmaq maqbyav yarzir darnaeq-eu lafkhoer ya’ur-ir-awr, tsaq-awr dawr-eu tsawrhaq deuq-aq, mqmaq maqbyav yarzir daef-eu lafkhoer ya urler taef-a.”

Yoˇhaˬ 3:15

Khoer baqda’nae, aqyawf-anr kharjan-eu aqsur ghaq maqkaq, maqya cawv-ir-eu uqtaf, mqmaq maqbyav yarzir yadaef taef-a.”

Yoˇhaˬ 6:47

Ngar, nawmaf-anr aqdir aqmar aernaeq nyar, ngaq-anr jan-eu tsawrhaq-aq, mqmaq maqbyav yarzir daef-eu jeq za-eu mae.

Yoˇhaˬ 6:53

Khoerngae, Yeqsur, aqyawf maf-anr heulof-aer aernaeq-euq mae, “Ngar, nawmaf-anr aqdir aqmar aernaeq nyar, nawmaf, Tsawrhaq-euq Zaqyo-euq shaqjir maqdzaq-aer, aqyawf-euq shiq maqdawr nar-aq, nawmaf-euq lafkhoer daef-eu jeq maqanr-a.

Yoˇhaˬ 6:62

Tsawrhaq-euq Zaqyo, aqyawf-euq jawrduq-anr ghofdav ler-eu gar nawmaf ya’mawr nar-aq, aqjox-aer noeq nmr-mq?