Yoˇhaˬ 6:11 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Khoernar-aq, Yeqsur, kaqmur yur-awr, Miqyaer-euq guiqlanq-anr jaceuq-awr, kaqmur khoer zaqlanr deuq-anr bifnaeq-awr, zaqlanr deuq nae khoergar nuirluf-eu tsawrhaq-anr bi birnaeq-euq mae. Khoerlof-aer durni, aqyawfmaf khar geufmawf-eu lof-aer ngaqshaq khawf birnaeq-euq mae.

Akha

¹¹ Yeˬsuˇ kaˬ muˇ kʼoeˇ yuˇ-awˇ, Miˬyehˇ-euˬ guiˬ lahˬ-ahˇ ja ceuˬ-awˇ, kʼoeˇ gaˇ nuiˇ luꞈ-eu tsawˇ haˬ kʼoeˇ deuˬ-ahˇ bi biˇ nehˬ-euˬ meh. Ngaˬ shaˬ kʼoeˇ kʼawꞈ, kʼoeˇ loꞈ-ehˇ bi biˇ nehˬ-euˬ meh. Tsawˇ haˬ dawˬ tawˆ luꞈ tiˬ dehˆ dzaˬ-euˬ meh.

Yoˇhaˬ 6:11 Referans Kwoze

Yoˇhaˬ 6:23

Sanqpaq Yeqsur, Miqyaer-euq guiqlanq-anr jaceuq-awr, aqyawfmaf kaqmur yadzaq-euq jawrduq khoertsanr-euq dawqpae, Deqbeqlir meuq-anr nae lawq tiqdeuq larkeuv taq-euq mae.

1 Teˇsaˬloˇni 5:18

Yawqjeq navluf-euq lafkhoer Miqyaer-euq guiqlanq-anr jaceuq-awq. Aqjeq mirnae aernar-aq, nawmaf heulof-aer janr-eu-aq, Yeqsur Kali-euq lafkhoer Miqyaer nuima tsaq-eu mae.

Lormav 14:6

Arnan tiqnan nav-anr lan-eu tsawrhaq-aq, Sanqpaq Miqyaer-anr noeqkeuv-awr lan-eu mae. Maqlan-euq tsawrhaq khawf, Sanqpaq Miqyaer-anr noeqkeuv-eu lafkhoer maqlan-eu mae. Dzaq-eu tsawrhaq khawf, Sanqpaq Miqyaer-anr noeqkeuv-awr dzaq-eu mae. Aqjeq mirnae aernar-aq, aqyawf, Miqyaer-anr jaceuq-awr dzaq-eu mae. Maqdzaq-eu tsawrhaq khawf, Sanqpaq Miqyaer-anr noeqkeuv-eu lafkhoer maqdzaqni, Miqyaer-anr jaceuq-eu mae.

Maꞈtehˬ 15:36

Khoernar-aq, kaqmur khoer shif siq hawr-eu ngaqshaq khoermyav mawr yur-awr, Miqyaer-euq guiqlanq-anr jaceuq-awr, ngawqpyaeq-euq mae. Khoernar-aq, zaqlanr deuq-anr bifnaeq-awr zaqlanr deuq nae, tsawrhaq armaf mafma-anr birnaeq-euq mae.

Luˇkaꞈ 24:30

Khoerngae, heulof-aer pyeuflar-euq mae. Yeqsur, aqyawfnyaf naeq-aer jawq-awr dzaq-eu laer ghae ngae, Yeqsur kaqmur yur-awr jaceuq-euq mae. Khoernar-aq, ngawqpyaeq-awr aqyawf nyaf-anr bifnaeq-euq mae.

1 Gawˇliˬtu 10:31

Khoermirnae, nawmaf dzaq-awr dawr-eu maqaer, aqjeq mr-eu maqkaq, yawqjeq navluf-euq lafkhoer Miqyaer-euq yawshaef khanqsaer dovlarni mr-awq.

Gʼaˬkʼehˇ 27:35

Pawrluv khoerlof-aer aerghaq-euq nar-aq, kaqmur yur-awr, dawqtawv luf-euq maeqshi Miqyaer-anr jaceuq-awr, ngawqpyaeq-awr aqyawf dzaq-euq mae.

Yoˇhaˬ 6:9

“Heugar aqlizaq tiq ghaq lawqloer kaqmur ngaq siq hawr-eu ngaqshaq nyiq mawr anrluf ngar-a. Aerkhawf, tsawrhaq heumyav myav-aer ghae-eu gar aqjox-aer birlof naeqnya nmr-mq?”

Yoˇhaˬ 21:9

Aqyawfmaf landzer davdov ler-euq naeq-aer, khoergar khaqgheuq bawdof taq-euq gar ya’mawr-euq mae. Ngaqshaq taeqba taq-awr, kaqmur khawf jav-eu gar ya’mawr-euq mae.

Yoˇhaˬ 21:10

Yeqsur, aqyawf maf-anr aernaeq-eu, “Uqsoe nawmaf nae dzaemi-euq ngaqshaq heumyav mawr yurlaf-awq.”

Yoˇhaˬ 21:13

Khoernar-aq, Yeqsur oe-awr, kaqmur yur-awr aqyawf maf-anr bifnaeq-awr, ngaqshaq khawf yur-awr bifnaeq-euq mae.