Yoˇhaˬ 5:6 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Yeqsur, khoerghaq yufluf-eu gar ya’mawr ngae, aqyawf khoerlof-aer pyeufluf-eu myanrlar-euq siqnya-awr aqyawf-anr narhaq-eu, “Nawr taqlermawf mir-a lor?”

Akha

⁶ Aˬ yawꞈ kʼoeˇ gaˇ yuꞈ luꞈ gaˇ Yeˬsuˇ mawˇ-awˇ, gʼawˬ mya kʼoꞈ naˇ keuˆ laꞈ-euˬ tsawˇ haˬ ngaˇ lehˇ siˬ nya-euˬ meh. Kʼoeˇ miˇneh, “Nawˬ-ahˇ naˇ gawˇ taˬ leˇ mawꞈ miˇ-a loˇ” lehˇ naˇ haˬ nehˬ-euˬ meh.

Yoˇhaˬ 5:6 Referans Kwoze

HeˬByehˇ 4:15

Aqjeq mirnae aernar-aq, aqdui-euq Pirma yawhuiq ghaq-aq, aqdui ghaq baq-eu jeq-anr ghawqshaq maq gaqnya-eu maqngeur-a. Aqyawf khawf, aqdui lof-aer yawqdzer dzaq-anr navluf murjur jur-eu gar yadaq haw-euq mae. Aerkhawf, aqyawf iqbax maqmr-aq.

Luˇkaꞈ 18:41

“Ngar, nawq-anr aqjeq bi janrnaeq mawf-eu nya?” Khoerngae, aqyawf aer-eu, “Sanqpaq-or! Ngaq-anr bi mawrnyalar naeqlaf-awq.”

HeˬByehˇ 4:13

Khar baetaq-euq yawqjeq navluf, aqyawf-euq maeqshi zaftaq-euq tiqjeq-iq maqjav-a. Yawqjeq navluf aqyawf-euq maeqshi byacaevni pandzae taq-euq mae. Aqkar, aqdui, aqyawf-anr dawqdzawr ya mrnaeq-eu mae.

Yoˇhaˬ 21:17

Yeqsur, aqyawf-anr smq pov tiqpov par narhaq-eu, “Yornav-euq zaqyo Sirmoq-or! Nawr, ngaq-anr gaq ma lor?” “Nawr, ngaq-anr gaq ma lor?” laer Yeqsur, aqyawf-anr smq pov narhaq keuvlaf-euq mirnae, Beqtuvluv noeqshaq lar-awr, aqyawf-anr aerkhof naeq-eu, “Sanqpaq-or! Nawr, yawqjeq navluf siqnya-eu mae. Ngar, nawq-anr gaq-eu nawr siqnya mae.” Yeqsur, aqyawf-anr heulof-aer aernaeq-euq mae, “Ngaq-euq yawrdeuq-anr bidzaq bidawr-awq.

Jaceuq 142:3

Ngaq-euq saflar, ngaq-euq lafkhoer ghawqshaq-aer ghae-ir-awr javluf ngae, Nawr, ngaq-euq cankawv siqnya-eu mae. Ngar can-eu garma-anr, aqyawfmaf nae lanrju khmrzaf taq-euq mae.

Yoˇhaˬ 5:5

Khoergar, 38 khof byanni narlaf-euq zaqyo aqli tiq ghaq jawr-eu mae.

Yoˇhaˬ 5:7

Nar-eu khoerghaq, aqyawf-anr aerkhof naeq-eu, “Saqlaq-or! Ircuf nyinyi-aer ghaelar ngae, ngaq-anr lan-euq lafkhoer ciqur naeqlaf-eu tiqghaq-iq maqjawr-a. Ngar ur-ir-eu laer ghae ngae, aqcawq, ngaq-euq maeqhu nae ur-ir dzeur-eu mae.”