Yoˇhaˬ 5:46 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁶ “Nawmaf, Morseq-anr jan-eu lawnmr-aq, ngaq-anr khawf jan taef-a. Aqjeq mirnae aernar-aq, aqyawf, ngaq-euq garkawv boftaq-euq mae.

Akha

⁴⁶ Naw maꞈ Moˇseˬ-ahˇ aˬ diˇ jah law nmˇ-aˬ, ngaˬ-ahˇ kʼawꞈ jah tehꞈ-a. Aˬ jeˬ miˇ neh ehˇ naˇ, aˬ yawꞈ ngaˬ-euˬ gaˇ kawˆ boꞈ-euˬ meh.

Yoˇhaˬ 5:46 Referans Kwoze

Yoˇhaˬ 1:45

Pirlirpuv, Naqdaqneqlar-anr povmawr-awr aqyawf-anr aernaeq-eu, “Morseq nae boftaq-euq zanrdawq-euq lafkhoer hawr-eu, Miqyaer gharduq ngaeqdan-eu deuq-euq sanqbof-euq lafkhoer boftaq-euq tsawrhaq khoerghaq-anr nga’maf ya’mawr-euq ma. Aqyawf-aq, Naqzaqlaer tsawrhaq Yorsaev-euq zaqyo Yeqsur mae.”

Luˇkaꞈ 24:27

Khoernar-aq, aqyawf-euq garkawv boftaq-euq Yaerbof dawqtawvluf, Morseq nae boftaq-euq gar nae danqbae-awr, Miqyaer gharduq ngaeqdan-eu tsawrhaq deuq nae boftaq-euq gar keuvni, aqyawf nyaf-anr dawqtsuif jashaw maeqnaeq-euq mae.

Gʼaˬkʼehˇ 26:22

Aerkhawf, Miqyaer, ngaq-anr cawba naeqlaf luf-eu mirnae, iqnan keuvni, ngar heugar yawf-awr, huiqzaq nyirzaq deuq-euq maeqshi, garkawv heudeuq sarkir kamqluf-eu ma. Ngar aerluf-eu heudeuq-aq, Miqyaer gharduq ngaeqdan-eu tsawrhaq deuq hawr-eu Morseq nae aqkar pyeuflar taef-a laer, aertaq-euq lof-aer taef-aer ngar aer-eu ma.

Gaˬlaˬtiˆ 3:24

Jan-eu mirnae, aqdui tsaq-awr dawr-eu tsawrhaq pyeuflarni, zanrdawq-aq, Kali oe ngae keuvni, aqdui-anr hawpir-eu ghaq lof-aer dur-eu mae.

Gaˬlaˬtiˆ 3:13

Kali-aq, aqdui-euq gharduq yaqkhaer yaqgar yadaq-euq mirnae, zanrdawq-euq lafkhoer boftaq-euq yaqkhaer yaq-eu jeq-anr nae aqdui-anr kakhof naeqlaf-euq mae. Aqjeq mirnae aernar-aq, “Arbawr-euq khoertav kharbi gheuceuq taq-euq tsawrhaq yawqghaq navluf yaqkhaer yaqgar daqluf-eu tsawrhaq mae,” (Dm 21:23) laer Yaerbof-euq lafkhoer boftaq-euq mae.

Gaˬlaˬtiˆ 3:10

Zanrdawq-euq maeqnan khar cantae-eu tsawrhaq-aq, yaqkhaer yaq-eu lafov jawrluf-eu mae. Aqjeq mirnae aernar-aq, “Zanrdawq-euq lafkhoer khar boftaq-euq yawqjeq navluf-anr aqmyanluf maqmr-eu tsawrhaq dawqtawvluf, yaqkhaer yaqgar yadaq mae,” (Dm 27:26) laer Yaerbof-euq lafkhoer boftaq-euq mae.

Gaˬlaˬtiˆ 2:19

Ngar, Miqyaer-euq paw daefnya’ni, zanrdawq-anr ghoe-awr, zanrdawq-euq paw shir-euq ma.

Lormav 10:4

Kali-aq, aqyawf-anr kharjan-eu tsawrhaq yawqghaq navluf, tsaq-awr dawr-eu tsawrhaq pyeuflarni, zanrdawq mrbyan-eu ghaq mae.

Yoˇhaˬ 5:47

Nawmaf, aqyawf nae boftaq-euq deuq-anr maqjan nar-aq, ngaq-euq dawq-anr aqjox-aer jan nmr-mq?”