Yoˇhaˬ 5:42 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴² Aerkhawf, ngar, nawmaf-anr siqnya ma. Nawmaf-euq lafkhoer Miqyaer-anr gaq-eu jeq maqanr-a.

Akha

⁴² Ehˇ kʼawꞈ, naw maꞈ aˬ joˆ-ehˇ gʼeh-eu tsawˇ haˬ pyeuꞈ-eu ngaˇ siˬ nya-awˇ, naw maꞈ-euˬ nui ma laꞈ kʼoeˇ Miˬyehˇ-ahˇ gaˬ-eu nui ma maˬ ahˇ-eu ngaˇ siˬ nya ma.

Yoˇhaˬ 5:42 Referans Kwoze

1 Yoˇhaˬ 4:20

Aqsur ghaq maqkaq, “Ngar, Miqyaer-anr gaq ma” laer aer-eu khawf, yawqha-euq maernmr hawr-eu dmrma-anr byae nar-aq, aqyawf-aq, jaqmyawf myawf-eu tsawrhaq mae. Aqjeq mirnae aernar-aq, aqsur ghaq maqkaq mawrlar-eu maernmr-anr maqgaq nar-aq, maq mawrlar-eu Miqyaer-anr aqjox-aer gaqnya-eu?

1 Yoˇhaˬ 3:17

Aqsur ghaq maqkaq, mirtsaq-euq myawqganq jav-awr, yawqha-euq maernmr mawf-eu jeq-anr maq hawdov nya-aer, ghawqshaq gaq-eu nuima piqtaeq nar-aq, Miqyaer-euq gaq-eu jeq aqyawf-euq lafkhoer aqjox-aer anrnya nmr-mq?

1 Yoˇhaˬ 2:15

Mirtsaq-anr hawr-eu mirtsaq-euq khoertav jav-eu jeq-anr taqgaq. Tsawrhaq aqsur ghaq maqkaq mirtsaq-anr gaq nar-aq, aqyawf-euq lafkhoer Aqda Miqyaer-anr gaq-eu jeq maqanr-a.

Yoˇhaˬ 2:25

Aqcawq, aqyawf-anr tsawrhaq-euq garkawv sarkir kamqnaeq-eu laer maqya ghaeni, Yeqsur, tsawrhaq-euq lafkhoer aqjeq anr-eu la laer siqnya-eu mae.

Panmaeq 2:23

Ngar, aqyawf-euq zaqdeuq-anr saef-awr bishir ma. Khoerngaejawr, ngar-aq, nuima hawr-eu nuinoeq nuidur-anr tsermr-eu ghaq ngar-a laer Kalizaq armur yawqmur navluf yasiq taef-a. Ngar, nawmaf yawqghaq navluf-anr yawqha nae mr-euq lof-aer geuxni bifnaeq ma.

Lormav 8:7

Shiqshaq paw-euq garkawv-anr noeqtsov taq-eu-aq, Miqyaer-anr muir-eu jeq pyeuf-eu mae. Aqjeq mirnae aernar-aq, khoerlof-aer ghae-eu nuima-aq, Miqyaer-euq zanr-euq uqmov maqjawr-aer, jawr khawf maq jawrnya-a.

Yoˇhaˬ 21:17

Yeqsur, aqyawf-anr smq pov tiqpov par narhaq-eu, “Yornav-euq zaqyo Sirmoq-or! Nawr, ngaq-anr gaq ma lor?” “Nawr, ngaq-anr gaq ma lor?” laer Yeqsur, aqyawf-anr smq pov narhaq keuvlaf-euq mirnae, Beqtuvluv noeqshaq lar-awr, aqyawf-anr aerkhof naeq-eu, “Sanqpaq-or! Nawr, yawqjeq navluf siqnya-eu mae. Ngar, nawq-anr gaq-eu nawr siqnya mae.” Yeqsur, aqyawf-anr heulof-aer aernaeq-euq mae, “Ngaq-euq yawrdeuq-anr bidzaq bidawr-awq.

Yoˇhaˬ 8:55

Nawmaf, aqyawf-anr maq siqnya-aq. Aerkhawf, ngar, aqyawf-anr siqnya ma. ‘Ngar, aqyawf-anr maq siqnya nya’ laer aer lawnmr-aq, ngar khawf nawmaf lof-aer jaqmyawf myawf-eu tsawrhaq pyeuf-eu mae. Ngar, aqyawf-anr siqnya-awr, aqyawf-euq dawq-anr mrcaw-eu ma.

Yoˇhaˬ 8:47

Miqyaer-anr nae dovle-euq tsawrhaq-aq, Miqyaer-euq dawq narhaq taef-a. Nawmaf-aq, Miqyaer-anr nae dovle-euq maqngeur-eu mirnae maq narhaq-eu nga.”

Yoˇhaˬ 8:42

Khoerngae, Yeqsur, aqyawf maf-anr heulof-aer aernaeq-eu mae: “Miqyaer, nawmaf-euq Aqda ngeur nar-aq, nawmaf, ngaq-anr gaq taef-a. Aqjeq mirnae aernar-aq, ngar, Miqyaer-anr nae dovle-awr, Miqyaer jawr-eu gar nae oe-euq ma. Ngar, yawqha yawqha oe-euq maqngeur, aqyawf nae ngaq-anr khaerghae lef-euq mae.

Yoˇhaˬ 5:44

“Nawmaf-euq yawkaq tiqghaq tirghaq taqhuiq taqmanr-eu jeq povluf-awr, nawmaf, aqyawf tiq ghaq taef-aer Miqyaer pyeuf-eu ghaq-anr nae oe-euq taqhuiq taqmanr-eu jeq-anr maqpov-eu mirnae, nawmaf, ngaq-anr aqjox-aer jannya nmr-mq?

Luˇkaꞈ 16:15

Khoerngae, Yeqsur, aqyawf maf-anr heulof-aer aernaeq-euq mae, “Nawmaf-aq, tsawrhaq-euq maeqshi tsaq-awr dawr-eu janrgeuf-eu khawf, Miqyaer, nawmaf-euq nuima-anr siqnya mae. Aqjeq mirnae aernar-aq, tsawrhaq taqhuiq-eu jeq-anr Miqyaer nuidav dav-eu mae.

Yoˇhaˬ 5:41

“Ngar-aq, tsawrhaqzaq nae taqhuiq taqmanr-euq jeq-anr maq hageuf.

Yoˇhaˬ 5:43

“Ngar, ngaqDa-euq tsawrmyanr-euq uqmov oe-euq khawf, nawmaf, ngaq-anr maq hageuf-a. Aqcawq, yawqha-euq tsawrmyanr-euq uqmov oe-eu lawnmr-aq, nawmaf, aqyawf-anr hageuf taef-a.