Yoˇhaˬ 5:39 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁹ “Yaerbof-euq lafkhoer mqmaq maqbyav yarzir daef-eu jeq anr-eu mae laer nawmaf noeq-eu mirnae, nawmaf, Yaerbof guigui-aer povtser luf-eu mae. Yaerbof khoer-aq, ngaq-euq garkawv sarkir kamq-eu mae.

Akha

³⁹ Jaˇ liꞈ laꞈ kʼoeˇ mˬ maˬ maˬ byaˆ zaˇ ziˇ dehꞈ-eu jeˬ-ahˇ poˆ mawˇ nya tehꞈ-a lehˇ naw maꞈ noeˬ-awˇ, Jaˇ liꞈ gui-eu meh. Naw maꞈ gui-eu Jaˇ liꞈ kʼoeˇ-euˬ laꞈ kʼoeˇ, ngaˬ-euˬ gaˇ kawˆ ehˇ taˬ-euˬ meh.

Yoˇhaˬ 5:39 Referans Kwoze

Luˇkaꞈ 24:27

Khoernar-aq, aqyawf-euq garkawv boftaq-euq Yaerbof dawqtawvluf, Morseq nae boftaq-euq gar nae danqbae-awr, Miqyaer gharduq ngaeqdan-eu tsawrhaq deuq nae boftaq-euq gar keuvni, aqyawf nyaf-anr dawqtsuif jashaw maeqnaeq-euq mae.

Luˇkaꞈ 24:44

Khoerngae, Yeqsur, aqyawf maf-anr aernaeq-eu, “Morseq-euq zanrdawq, Miqyaer gharduq ngaeqdan-eu deuq-euq sanqbof hawr-eu, Jaceuq-eu sanqbof-euq lafkhoer, ngaq-euq garkawv khar boftaq-euq dawqtawvluf ya byanlar taef-a laer, ngar, nawmaf naeq-aer jawr ngae, dawq heudeuq aernaeq dzeur-euq ma.”

Gʼaˬkʼehˇ 17:11

Khoergar jawr-eu tsawrhaq deuq-aq, Tersaqlorni meuq-anr jawr-eu tsawrhaq deuq navmaqtser sharnoeq nya-awr, aqyawfmaf laeqhmqdan taq-euq lafkhoer, Miqyaer-euq dawq-anr hageuf-eu mae. Garkawv khoerdeuq tsaq nga laq maqtsaq nga laq laer yasiqni, yawqnan navluf Yaerbof-anr povtserhaw luf-eu mae.

Maꞈtehˬ 22:29

Yeqsur heulof-aer aerkhof naeq-euq mae, “Nawmaf-aq, Yaerbof-anr khawf, Miqyaer-euq baoq-anr khawf maq siqnya-eu mirnae yawlaeq mae.

Gʼaˬkʼehˇ 13:27

Yeqlursaqlaeq-anr jawr-eu tsawrhaq hawr-eu aqyawf maf-euq sanqpaq deuq-aq, aqyawf-anr maq siqnya-eu uqtaf, landaw jawrnan yawqjaw navluf guiluf-eu, Miqyaer gharduq ngaeqdan-eu deuq nae boftaq-euq sanqbof-anr khawf, maq ghovshaw nya-eu mirnae, dawq khoerdeuq byanlarni aqyawf-anr yarkhaq dar-euq mae.

Yoˇhaˬ 5:46

“Nawmaf, Morseq-anr jan-eu lawnmr-aq, ngaq-anr khawf jan taef-a. Aqjeq mirnae aernar-aq, aqyawf, ngaq-euq garkawv boftaq-euq mae.

Lormav 3:2

Yawqdzer dzaq-anr navluf gardanr zawr tsoeq-eu mae. Uqdzan jeq-aq, Miqyaer-euq dawq aqyawf maf-anr a’naeq taq-euq mae.

Maˬkuˆ 12:10

Nawmaf, Yaerbof-euq lafkhoer heulof-aer boftaq-euq gar maq guihaw-aq lor? ‘Nymr tsov-eu deuq nae bafdzae taq-euq khaqlo khoersiq, Lafcoer-euq lozif pyeuflar-euq mae.

Panmaeq 19:10

Khoerngae, ngar awbyav ghae-awr aqyawf-euq aqkuir-anr uqduq tanq-eu laer ghae-euq ma. Aerkhawf, aqyawf, ngaq-anr aer-eu, “Hawsher-eq! Nawr teulof-aer taqpar janr de-eq. Ngar khawf, nawr hawr-eu Yeqsur-euq garkawv sarkir kamq-eu aqyuif aqnyir deuq lof-aer kuirlaf zaqkhav pyeuf-eu nawq-euq cawq ma. Miqyaer-anr uqduq tanq-awq. Aqjeq mirnae aernar-aq, Yeqsur-euq garkawv sarkir kamq-eu-aq, Miqyaer gharduq ngaeqdan-eu saflar mae.”

Lormav 1:2

Guiqlanqdawq heu-aq, dzeurlaf ngae aqyawf-euq gharduq ngaeqdan-eu deuq-anr ghoe-awr, Shawr-eu Yaerbof-euq lafkhoer sarjax dzaqtaq-euq mae.

Gʼaˬkʼehˇ 26:27

Sanqpaq Aqgirpav-or! Miqyaer gharduq ngaeqdan-eu tsawrhaq deuq-euq dawq-anr nawr jan ma lor? Nawr jan-eu mae laer ngar siqnya ma.”

Yoˇhaˬ 7:52

Aqyawfmaf, aqyawf-anr aerkhof naeq-eu, “Nawr khawf, Gaqliqlaer mirkhanq-anr nae oe-euq le lor? Nawr povtser haw-ir sher-eq. Gaqliqlaer mirkhanq-anr nae Miqyaer gharduq ngaeqdan-eu tsawrhaq tiqghaq-iq maq dovlar haw-aq.”

Yoˇhaˬ 5:32

Ngaq-euq garkawv sarkir kamq-eu tiq ghaq jawr-eu mae. Ngaq-euq garkawv aqyawf kamq-eu khoer-aq, byan mae laer ngar siqnya-eu ma.

Jaceuq 36:9

Aqjeq mirnae aernar-aq, nawr daef-eu jeq bif-eu cuq jav-awr; Nawq-euq yawshaef-euq lafkhoer, nga’maf yawshaef mawrnya-eu ma.

Yoˇhaˬ 5:36

“Aerkhawf, ngar-aq, Yorhaq-euq sarkir navmaqtser huiq-eu jeq jav-eu ma! Aqda nae ngaq-anr bifnaeq laf-euq gardeuq mrluivni, nymq-mr ngar mrluf-eu heu-aq, Aqda nae ngaq-anr khaerghae lef-euq mae laer sarkir kamq-eu mae.

Jaceuq 119:11

Ngar, nawq-anr iqbax maqya mrbanqni, Ngaq-euq nuima-euq lafkhoer, nawq-euq dawq shardawv taq-euq ma.

Jaceuq 16:11

Nawr, ngaq-anr daef-eu jeq bif-eu garma toeqmaeq naeqlaf-euq mae; Nawq-euq maeqshi laqkhaq caer-eu jeq byan-awr; Nawq-euq armar laf-anr, mqmaq maqbyav yarzir lurgha caergha-eu jeq jav-eu mae.

Luˇkaꞈ 16:31

Aqbyaqhaq, aqyawf-anr aernaeq-eu, ‘Aqyawfmaf, Morseq-euq dawq hawr-eu Miqyaer gharduq ngaeqdan-eu deuq-euq dawq-anr maq narhaq nar-aq, shir-euq tsawrhaq tiqghaqnav ghofdaef lar-euq khawf, aqyawf maf-anr maq lavjan nya-ar.’ ”

Dawqdaq 6:23

Aqjeq mirnae aernar-aq, zanrdawq khofdawq-aq, tsirkhmq pyeuf-awr, Zanrdawq-aq, yawshaef pyeuf-eu mae. Maeqpar naeqlaf-eu maeqdawq tsovdawq-aq, daef-eu jeq bif-eu garma mae.

HeˬByehˇ 11:16

Aerkhawf, nymq-mr aqyawfmaf geufmawf-eu mirkhanq-aq, khoernav maqtser muiqdzaeq-eu mq-euq khoertav jav-eu mirkhanq mae. Khoermirnae, tsawrhaq khoerdeuq, Miqyaer-anr aqyawf maf-euq Miqyaer ma laer aer-eu gar Miqyaer maq shafdawr-a. Aqjeq mirnae aernar-aq, Miqyaer, aqyawf maf-euq gharduq meuq tiq meuq laeqhmq taq-euq mae.

Gawˇlawˇsehˇ 3:16

Kali-euq dawq nawmaf-euq lafkhoer tiqbyan tiqlof bi sanrlar-awq. Zaqsiq tsawrganr tiqbyanni anr-eu lafkhoer, jaceuq-eu dawq, jaceuq-eu cardawq hawr-eu saflar paw-euq cardawq-anr ghoeghoe-aer, tiqghaq tirghaq maeqnaeq tsovnaeq-awr ghaq bif-awq. Nawmaf-euq nuima-euq lafkhoer anr-eu guiqlanq yawdzanr nae Sanqpaq Miqyaer-anr carcar-aer jaceuq-awq.

Luˇkaꞈ 16:29

Aqbyaqhaq aer-eu, ‘Aqyawfmaf jawr-eu gar Morseq-euq dawq hawr-eu Miqyaer gharduq ngaeqdan-eu deuq-euq dawq jav mae. Aqyawfmaf dawq khoerdeuq-anr narhaq luf-ur.’

Yoˇhaˬ 1:45

Pirlirpuv, Naqdaqneqlar-anr povmawr-awr aqyawf-anr aernaeq-eu, “Morseq nae boftaq-euq zanrdawq-euq lafkhoer hawr-eu, Miqyaer gharduq ngaeqdan-eu deuq-euq sanqbof-euq lafkhoer boftaq-euq tsawrhaq khoerghaq-anr nga’maf ya’mawr-euq ma. Aqyawf-aq, Naqzaqlaer tsawrhaq Yorsaev-euq zaqyo Yeqsur mae.”

Jaceuq 21:4

Aqyawf, nawq-anr daefzir shar ngae, Nawr, aqyawf-anr bif-euq mae—li-eu maqbaw-eu mqmaq maqbyav yarzir, zirbaw zirza-eu jeq bif-euq mae.

Jaceuq 1:2

Aerkhawf, aqyawf, Ya’we Miqyaer -euq zanrdawq-anr laqkhaq caer-awr, Uqcif nan’ghanr maq tsaevlerni, aqyawf-euq zanrdawq-anr dzardziv dziv-eu mae.

Jaceuq 133:3

Heulof-aer gm-eu-aq, Heqlaqmoq gawqjawq-anr ga-eu ceuq, Ziroq gawqjawq-euq khoertav gale-euq gar dur-eu mae. Aqjeq mirnae aernar-aq, Nuima gm-eu gar, Ya’we Miqyaer guiqlanq-euq dzoeqdzaq mr-eu mae. Mqmaq maqbyav yarzir daef-eu guiqlanq bif-eu mae.

HeˬByehˇ 11:35

Zaqmiq aqbur deuq, yawqha-euq paeqzaq shir-euq gar nae ghofdaef lar-euq gar ya’mawr-euq mae. Tiqpavnav deuq-aq, muiqdzaeq-eu ghofdaef lar-eu jeq-anr za’ni, bibuq-ir-eu jeq-anr maq hageuf-aer, khaeq-awr khav-eu jeq-anr daq-euq mae.

Luˇkaꞈ 24:25

Khoerngae, Yeqsur, aqyawf nyaf-anr heulof-aer aernaeq-euq mae, “Aqdzawq argan deuq-or! Nawmaf-aq, Miqyaer gharduq ngaeqdan-eu tsawrhaq nae aertaq-euq dawqtawv luf-anr jan-eu gharduq, nawmaf-euq nuima zawr-aer myaf-eu nga!

Yoˇhaˬ 5:40

Aerkhawf, nawmaf saflar daef-eu jeq za’ni, ngar jawr-eu gar maq larmawf-a.

Maˬkuˆ 10:3

Yeqsur, aqyawf maf-anr aerkhof naeq-eu lafkhoer aer-eu, “Morseq nae nawmaf-anr dawq aqjox-aer biftaq-euq la?”