Yoˇhaˬ 5:34 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁴ Aqdir aernar-aq, tsawrhaq kamq-eu sarkir-anr ngar maqghoe. Aerkhawf, nawmaf yabuq-ir ni ngar heulof-aer aer-eu ma.

Akha

³⁴ Ngaˬ-euˬ gaˇ kawˆ aˬ cawˬ saˇ kiˇ bi kamˬ-eu lehˇ ngaˇ heu loꞈ-ehˇ ehˇ-eu maˬ ngeuˇ. Naw maꞈ ka kʼoꞈ-eu jeˬ bi za ni ehˇ-eu ma.

Yoˇhaˬ 5:34 Referans Kwoze

1 Yoˇhaˬ 5:9

Tsawrhaq sarkir kamq-eu gar aqdui narhaq-eu ngeur nar-aq, Miqyaer sarkir kamq-eu gar ngeurdzaeq narhaq paq-aer ghae-eu mae. Aqjeq mirnae aernar-aq, Miqyaer sarkir kamq-eu-aq, aqyawf-euq Zaqyo-euq garkawv kamq-eu mae.

Yoˇhaˬ 20:31

Aerkhawf, Yeqsur-aq, Kali pyeuf-eu Miqyaer-euq Zaqyo ngar-a laer nawmaf jan-awr, aqyawf-anr jan-eu mirnae, aqyawf-euq tsawrmyanr-euq lafkhoer nawmaf daef-eu jeq za’ni garkawv heudeuq boftaq-euq ma.

1 Tiˆmoˇseˬ 4:16

Yawqha-euq dawqmaeq dawqtsov-anr yawmuiq-aer yanryanr-aer daef-awr, khoerdeuq-anr mrdavlef ngae, nawq-euq mawrdo hawr-eu nawq-euq dawq yagaq-euq tsawrhaq deuq khawf yabuq-ir taef-a.

1 Gawˇliˬtu 9:22

Ghaq baq-eu tsawrhaq, Kalizaq bi pyeuflarni, ngar, aqyawf maf-euq gharduq ghaq baq-eu tsawrhaq lof-aer pyeuf-eu ma. Aqjox-aer ghae-awr nae khawf, tsawrhaq tiqpavnav deuq kakhof-eu jeq bi za’ni, ngar, yawqghaq navluf-euq gharduq, yawqjeq navluf pyeuf-eu ma.

Lormav 10:1

Aqyuif aqnyir deuq-or! Irsaqleqlav tsawrhaq kakhof-eu jeq za’ni, ngaq-euq nuima geufmawf duidui-awr, aqyawf maf-euq gharduq Miqyaer-anr guiqlanq sharluf-eu ma.

Lormav 3:3

Aqyawfmaf tiqpavnav deuq maqjan-eu khawf aqjeq parngeur-eu? Aqyawfmaf maqjan-eu mirnae, Miqyaer-euq sarjax zif-eu jeq-anr lavcawv-eu la lor?

Yoˇhaˬ 8:54

Khoerngae, Yeqsur heulof-aer aerkhof naeq-euq mae: “Ngar, yawqhar yawqha taqhuiq taqmanr nar-aq, ngaq-euq taqhuiq taqmanr-eu jeq-aq, gardanr tiqpawf-iq maqtsoeq-a. Ngaq-anr taqhuiq taqmanr naeqlaf-eu ghaq-aq, ngaqDa mae. Aqyawf-aq, nawmaf-euq Miqyaer ma laer nawmaf aer-eu khoerghaq mae.

Yoˇhaˬ 5:41

“Ngar-aq, tsawrhaqzaq nae taqhuiq taqmanr-euq jeq-anr maq hageuf.

Luˇkaꞈ 24:47

Khoeruqtaf, nawmaf, aqyawf-euq tsawrmyanr-anr ghoe-awr, iqbax noeqpov-eu jeq hawr-eu iqbax pyaeqnaeq-eu garkawv, Yeqlursaqlaeq-anr nae mirkhanq-euq tsawrjeuq tsawrca dawqtawv luf-anr dawqmaeq ya’maeq-ir taef-a.

Lormav 12:21

Yawdoer jeq nae nawmaf-anr taqbi ghaqlar. Yawmuiq jeq nae yawdoer jeq-anr ghaqler-awq.

Lormav 10:21

Miqyaer, Irsaqleqlav tsawrhaq-anr aernaeq-eu, “Maq narhaq geuf-aer dawqpov povkhof lar-eu tsawrhaq-anr hageuf-eu laer, Ngar nan’ga-i aqlaf cawqja taq-euq ma.” (Isy 65:2)

Luˇkaꞈ 19:10

Tsawrhaq-euq Zaqyo-aq, byov-ir-euq tsawrhaq-anr pov-awr bibuq-ir-eu gharduq oe-euq ma.”

Luˇkaꞈ 13:34

“Yeqlursaqlaeq-or! Or, Yeqlursaqlaeq, nawr, Miqyaer gharduq ngaeqdan-eu tsawrhaq deuq-anr saef-awr, nawr jawr-eu gar bi’oe-euq deuq-anr khawf, khaqlo nae biqsaef-eu mae. Yaciv ya’ma, yazaq deuq-anr danrkhawv khawvuiq-eu lof-aer, ngar, nawq-euq zaqdeuq-anr armyav pov khawvuiq mawf-eu khawf, nawmaf maqbi khawvuiq naeqlaf-a.

Yoˇhaˬ 5:32

Ngaq-euq garkawv sarkir kamq-eu tiq ghaq jawr-eu mae. Ngaq-euq garkawv aqyawf kamq-eu khoer-aq, byan mae laer ngar siqnya-eu ma.