Yoˇhaˬ 5:30 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁰ “Ngar-aq, yawqha yawqha tiqjeq-iq maq mrnya nya. Ngaq nae yagaq-euq lof-aer ngar yarkhaq dar-eu ma. Ngaq nae yarkhaq dar-euq-aq, tsaq-awr dawr-eu ma. Aqjeq mirnae aernar-aq, ngar-aq, ngar nuima tsaq-eu lof-aer mr-eu maqngeur, ngaq-anr khaerghae lef-euq Aqda nuima tsaq-eu lof-aer mr-eu ma.

Akha

³⁰ “Ngaˬ-euˬ baoˬ-ahˇ ngaˇ gʼoe-awˇ yawˬ haˇ yawˬ ha tiˬ jeˬ-iˬ maˬ mˇ nya-a. Miˬyehˇ ngaˬ-ahˇ ehˇ nehˬ laꞈ-euˬ loꞈ-ehˇ ngaˇ yaˇ kʼaˬ daˇ-eu ma. Kʼoeˇ miˇ neh, ngaˬ neh yaˇ kʼaˬ daˇ-euˬ-aˬ, tsaˬ-eu dawˇ-eu meh. Aˬ jeˬ miˇ neh ehˇ naˇ, ngaˬ-euˬ nui kʼahˇ ngaˇ maˬ mˇ-ehˇ, ngaˬ-ahˇ kʼehˇ gʼeh leꞈ-euˬ gʼaˬ-euˬ nui kʼahˇ mˇ-eu ma.

Yoˇhaˬ 5:30 Referans Kwoze

Yoˇhaˬ 6:38

Aqjeq mirnae aernar-aq, ngar mq-anr nae oe-euq-aq, ngaq-euq nuima tsaq-eu lof-aer mr-eu laer oe-euq maqngeur, ngaq-anr khaerghae lef-euq ghaq nuima tsaqni mr-eu laer oe-euq ma.

Yoˇhaˬ 5:19

Khoernar-aq, Yeqsur, aqyawf maf-anr heulof-aer aerkhof naeq-euq mae, “Ngar, nawmaf-anr aqdir aqmar aernaeq nyar, Zaqyo-aq, yawqha yawqha tiqjeq-iq maq mrnya-a. Aqda mr-eu gar mawr-awr, aqyawf mr-eu taef mae. Aqda kharmr-eu yawqjeq navluf Zaqyo khawf mrluf-eu mae.

Yoˇhaˬ 4:34

Yeqsur, aqyawf maf-anr heulof-aer aernaeq-euq mae, “Ngaq-anr khaerghae lef-euq ghaq-euq nuima tsaqni mr-awr, aqyawf-euq gar mrluiv-eu heu-aq, ngaq-euq dzaqdzaq dawrdawr ma.

Yoˇhaˬ 14:10

Ngar, Aqda-euq lafkhoer jawr-awr, Aqda, ngaq-euq lafkhoer jawr-eu mae laer nawr maqjan-eu le lor? Ngar, nawmaf-anr aernaeq-eu dawqdeuq-aq, ngaq-euq aryaq zmq-awr aer-eu maqngeur. Aerkhawf, ngaq-euq lafkhoer jawr-eu Aqda, aqyawf-euq gar heudeuq mrluf-eu mae.

Maꞈtehˬ 26:39

Aqyawf maeqhu paw uicuiv irjiv-awr, mirtsa awbyav-awr nae guiqlanq shar-eu, “NgaqDa-or! Ghaenya nar-aq, khmqmaq heukhmq, ngaq-anr nae bidzeur-ir naeqlaf-awq. Aerkhawf, ngar nuima tsaq-eu lof-aer taqbi pyeuf. Nawr nuima tsaq-eu lof-aer bipyeuf law.”

Yoˇhaˬ 8:28

Khoermirnae, Yeqsur, aqyawf maf-anr heulof-aer aernaeq-euq mae: “Nawmaf, Tsawrhaq-euq Zaqyo-anr khanqtur ngae, ngar-aq, khoerghaq ngar-a laer siqnya-eu uqtaf, ngar-aq, yawqha yawqha taef-aer tiqjeq-iq maqmr-aer, ngaqDa nae ngaq-anr maeq-euq lof-aer ngar heudeuq aer-eu ngar-a laer nawmaf yasiq taef-a.

Lormav 15:3

Aqjeq mirnae aernar-aq, Kali khawf yawqha nuikhanr shirni maqmr-aq. Yaerbof-euq lafkhoer boftaq-euq lof-aer, “Aqcawq, nawq-anr yaeqbawq-aer aer-euq, Dawq khoerdeuq dawqtawvluf, ngaq-anr gadavle taq-euq mae.” (Jc 69:9)

Yoˇhaˬ 8:50

Ngar, ngaq-euq yawshaef khanqsaer za’ni maqpov. Aerkhawf, ngar yawshaef khanqsaer za’ni sharpov-awr yarkhaq dar-eu tiq ghaq jawr-eu mae.

Yoˇhaˬ 8:42

Khoerngae, Yeqsur, aqyawf maf-anr heulof-aer aernaeq-eu mae: “Miqyaer, nawmaf-euq Aqda ngeur nar-aq, nawmaf, ngaq-anr gaq taef-a. Aqjeq mirnae aernar-aq, ngar, Miqyaer-anr nae dovle-awr, Miqyaer jawr-eu gar nae oe-euq ma. Ngar, yawqha yawqha oe-euq maqngeur, aqyawf nae ngaq-anr khaerghae lef-euq mae.

Yoˇhaˬ 17:4

Ngar, nawq nae ngaq-anr bimr-euq gar-anr mrluiv-awr, ngar, mirtsaq-euq khoertav nawq-euq yawshaef khanqsaer dovlarni mr-euq ma.

Jaceuq 96:13

Aqjeq mirnae aernar-aq, aqyawf oeluf-eu mae. Aqjeq mirnae aernar-aq, aqyawf, mirtsaq-anr yarkhaq dar-eu laer oeluf-eu mae. Aqyawf, mirtsaq tanqkhawr-anr tsaq-awr dawr-eu lafkhoer yarkhaq dar-awr; Tsawrhaqzaq-anr aqyawf-euq yawtsaq yawdawr nae dar taef-a.

Yoˇhaˬ 18:11

Khoerngae, Yeqsur, Beqtuvluv-anr aernaeq-eu, “Nawq-euq micaer, tawvkhawv-anr soeqanr-awq. NgaqDa nae ngaq-anr bidawr-euq khmqmaq, ngar maqdawrni ghaenya taef-a lor?”

Lormav 2:5

Nawr nuima ghanr-awr nuima maq noeqpov maq noeqpar-eu mirnae, Miqyaer nuima paer-eu arnan khoernan-euq gharduq aqyawf nuima paer-eu jeq-anr nawr povuiq luf-eu mae. Khoernan keuvle ngae, Miqyaer tsaq-awr dawr-eu lafkhoer byacaevni yarkhaq dar-eu gar ya’mawr taef-a.

Lormav 2:2

Aerkhawf, Miqyaer khoerlof-aer ghae-eu tsawrhaq-anr yarkhaq darnaeq-eu-aq, yawtsaq yawdawr-euq lafkhoer dar-eu mae laer aqdui siqnya ma.