Yoˇhaˬ 5:27 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁷ Khoeruqtaf, aqyawf-aq, Tsawrhaq-euq Zaqyo pyeuf-eu mirnae, aqyawf-anr yarkhaq dar-eu aryaq biftaq-euq mae.

Akha

²⁷ Zaˬmaˇ-ahˇ yaˇ kʼaˬ daˇ-eu baoˬ biꞈ taˬ-euˬ meh. Aˬ jeˬ miˇ neh ehˇ naˇ, aˬ yawꞈ-aˬ Tsawˇhaˬ-euˬ Zaˬmaˇ meh.

Yoˇhaˬ 5:27 Referans Kwoze

Gʼaˬkʼehˇ 10:42

Aqcawq-anr dawqmaeq maeq-awr, daefluf-eu tsawrhaq-anr khawf, shir-euq tsawrhaq-anr khawf, yarkhaq dar-eu ghaq geufni, Miqyaer, Yeqsur-anr tserdov taq-euq mae laer, sarkir bikamq-eu gharduq, aqyawf, nga’maf-anr dawq bifyaf-euq mae.

Gʼaˬkʼehˇ 17:31

Aqjeq mirnae aernar-aq, aqyawf nae aryaq biftaq-euq ghaq-anr ghoe-awr, mirtsaqzaq-anr tsaq-awr dawr-eu lafkhoer aqyawf yarkhaq dar-eu laer nanpax paxtaq-euq mae. Aqyawf-anr shir-euq gar nae bi ghofdaef lar-euq gar ghoe-awr, Miqyaer nae khoerghaq-anr aryaq biftaq-euq mae laer tsawrhaqzaq dawqtawv luf-anr yawduq baw-eu jeq bifnaeq-euq mae.”

Yoˇhaˬ 5:22

Aqda tiqghaq-anr-iq yarkhaq maqdar-a. Yarkhaq dar-eu jeq dawqtawvluf Zaqyo-anr bifjir taq-euq mae.

1 Beˬtuˆluˆ 3:22

Yeqsur mq-euq khoertav ghofdav ler-awr, Miqyaer-euq armar paw nuirluf-eu mae. Mqtav ghaqkhaer deuq, aryaq jav-eu deuq, baoq huiq-eu deuq, dawqtawvluf, aqyawf-euq lafov jawrluf-eu mae.

1 Gawˇliˬtu 15:25

Miqyaer, muir-eu deuq dawqtawv luf-anr Kali-euq aqkuir-euq uqmov bi jawrlar ngae keuvni, Kali ya uvlanr taef-a.

Jaceuq 110:6

Aqyawf, tsawrjeuq tsawrca deuq-anr yarkhaq dar-awr; Aqyawf, guirdeuv deuvduq-anr tsawrhaq bi shirbyan-eu lafkhoer, Aqyawf, mirkhanq ghawqmya khanq-euq aqyuif deuq-anr nawqpyaevsaef taef-a.

Maꞈtehˬ 9:6

Tsawrhaq-euq Zaqyo-aq, mirtsaq-euq khoertav iqbax pyaeqnya-eu aryaq jav-eu ngar-a laer nawmaf-anr bisiq-eu ma.” Khoernar-aq, Yeqsur, kuirshir lafshir shir-eu khoerghaq-anr aernaeq-eu, “Tur-awr, nawq-euq yufzar baf-awr irkanr ghof-ir-awq.”

Yoˇhaˬ 9:39

Khoerngae, Yeqsur aer-eu, “Myavnuiv maq mawrnya-eu tsawrhaq myavnuiv mawrnya lar-awr, myavnuiv mawrnya-eu tsawrhaq-aq, myavbaef baef-ir ni, ngar yarkhaq dar-eu laer mirtsaq-euq khoertav oe-euq ma.”

HeˬByehˇ 1:2

Arsaq saq-eu arnan aryamq heu-anr-aq, aqyawf-euq Zaqyo-anr ghoe-awr, aqdui-anr ngaeqcawq-euq mae. Dawqtawvluf, aqyawf-euq jeqbir bipyeuf-eu laer, Miqyaer, aqyawf-anr tsaqtsov-awr, Miqyaer, aqyawf-anr ghoe-awr, mq hawr-eu mir-anr baetaq-euq mae.