Yoˇhaˬ 5:23 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Khoer-aq, tsawrhaq dawqtawvluf, Aqda Miqyaer-anr yawzeu baw-eu lof-aer, Zaqyo-anr khawf yawzeu bi bawlar-eu gharduq mae. Zaqyo-anr yawzeu maqbaw-eu tsawrhaq-aq, Zaqyo-anr khaerghae lef-euq Aqda Miqyaer-anr khawf yawzeu maqbaw-a.

Akha

²³ Kʼoeˇ miˇ neh, tsawˇ haˬ dawˬ tawˆ luꞈ Aˬda-ahˇ taˬ huiˬ taˬ mahˇ-eu loꞈ-ehˇ, Zaˬmaˇ-ahˇ taˬ huiˬ taˬ mahˇ tehꞈ-a. Zaˬ maˇ-ahˇ maˬ taˬ huiˬ-eu tsawˇ haˬ-aˬ, aˬ yawꞈ-ahˇ kʼehˇ gʼeh leꞈ-euˬ Aˬda-ahˇ maˬ taˬ huiˬ gaˇ duˇ-eu meh.

Yoˇhaˬ 5:23 Referans Kwoze

1 Yoˇhaˬ 2:23

Zaqyo-anr khar byaerdzae-eu ghaq-aq, Aqda Miqyaer-anr maqtaf-a. Ngar, Zaqyo-anr jan ma laer aer-eu ghaq-aq, Aqda Miqyaer-anr khawf taf-eu mae.

Luˇkaꞈ 10:16

Nawmaf-euq dawq narhaq geuf-eu tsawrhaq-aq, ngaq-euq dawq narhaq geuf-eu mae. Nawmaf-anr byaerdzae-eu tsawrhaq-aq, ngaq-anr byaerdzae-eu mae. Ngaq-anr byaerdzae-eu tsawrhaq-aq, ngaq-anr bi’oe-euq ghaq-anr byaerdzae-eu mae.”

2 Yoˇhaˬ 1:9

Kali-euq dawqmaeq dawqtsov-euq lafkhoer maqdaefni, daefbanq daeflaeq-eu aqsur ghaq maqkaq, aqyawf-euq lafkhoer Miqyaer maqjawr-a. Kali-euq dawqmaeq dawqtsov-euq lafkhoer daef-eu aqsur ghaq maqkaq, Aqda Miqyaer hawr-eu Zaqyo-anr taf-eu mae.

Maꞈtehˬ 11:27

Yawqjeq navluf ngaqDa nae ngaq-anr a’naeq laf-euq mae. Aqda Miqyaer maqngeur nar-aq, Zaqyo-anr tiqghaq-iq maq siqnya-a. Zaqyo hawr-eu Zaqyo panmaeqnaeq mawf-eu tsawrhaq maqngeur nar-aq, Aqda Miqyaer-anr tiqghaq-iq maq siqnya-a.

HeˬByehˇ 1:6

Aerkhawf, aqyawf-euq huqbaw zaqyo ghaq-anr mirtsaq-euq khoertav bi’oe ngae, aqyawf heulof-aer aer-eu mae, “Miqyaer-euq mqtav ghaqkhaer dawqtawvluf, aqyawf-anr uqduq tanq-awq.” (Dm 32:43)

Eˇpeˇsu 6:24

Aqdui-euq Sanqpaq Yeqsur Kali-anr maqbyov-ir ni gaq-eu tsawrhaq yawqghaq navluf-euq khoertav, guiqlanq yawdzanr jav luf-ur. Aqmeq.

2 Beˬtuˆluˆ 3:18

Aqdui-euq Sanqpaq hawr-eu Kakhof-eu ghaq pyeuf-eu Yeqsur Kali-euq guiqlanq yawdzanr hawr-eu aqyawf-anr siqnya-eu jeq-euq lafkhoer, huiqlar manrlar-awq. Nymq-mr nae arsaq saq-eu maqbawni, yawshaef khanqsaer aqyawf-anr damqnaeq kar-eur. Aqmeq.

Lormav 8:9

Miqyaer-euq Saflar, nawmaf-euq lafkhoer aqdir jawr nar-aq, nawmaf shiqshaq-euq lafkhoer maqpar jawr-aer, muiq-eu Saflar-euq lafkhoer jawr-eu mae. Tsawrhaq tiq ghaq-euq lafkhoer Kali-euq Saflar maqjawr nar-aq, khoerghaq Kali-anr maqtaf-a.

1 Gawˇliˬtu 10:31

Khoermirnae, nawmaf dzaq-awr dawr-eu maqaer, aqjeq mr-eu maqkaq, yawqjeq navluf-euq lafkhoer Miqyaer-euq yawshaef khanqsaer dovlarni mr-awq.

Lormav 6:22

Aerkhawf, nymq-mr nawmaf iqbax-anr nae buq-ir-awr, Miqyaer-euq zaqkhav pyeuflar-euq mirnae, shawr-eu arsiq siqle luf-eu mae. Heu-euq arsaq saqduq-aq, mqmaq maqbyav yarzir daef-eu jeq za-eu mae.

Yoˇhaˬ 16:14

Aqyawf, ngar yawshaef khanqsaer za’ni mr taef-a. Aqjeq mirnae aernar-aq, aqyawf, ngaq-anr taf-eu deuq yur-awr nawmaf-anr dzawrnaeqlaf taef-a.

1 Gawˇliˬtu 6:19

Nawmaf-euq mawrdo-aq, Yawshawr Saflar-euq uqduq tanqnymr nymrma mae laer maq siqnya-eu le lor? Yawshawr Saflar-aq, Miqyaer-anr nae oe-awr, nawmaf-euq lafkhoer jawrluf-eu mae. Khoeruqtaf, nawmaf-euq mawrdo-aq, nawmaf-euq maqngeur-a.

Maꞈtehˬ 12:21

Aqcawq tsawrjeuq tsawrca, aqyawf-euq tsawrmyanr-anr noeqtmq taef-a.” (Isy 42:1-4)

2 Tiˆmoˇseˬ 1:12

Khoer baqda’nae, ngar khaeq-awr khav-eu heudeuq-anr ya daqluf-eu ma. Aerkhawf, ngar maq shafdawr. Aqjeq mirnae aernar-aq, ngar, aqsur ghaq-anr janluf-eu le laer ngar siqnya ma. Ngar, aqyawf-anr khar a’naeq-euq deuq, Arnan khoernan-anr keuvni, aqyawf hawlanr-awr hawpir mae laer ngar janduq taq-euq ma.

2 Gawˇliˬtu 13:14

Sanqpaq Yeqsur Kali-euq guiqlanq yawdzanr, Miqyaer-euq gaq-eu jeq hawr-eu Yawshawr Saflar-euq lafkhoer cawq cawqtaf-eu jeq, nawmaf yawqghaq navluf-euq khoertav jav luf-ur. Aqmeq.

2 Gawˇliˬtu 5:19

Khoer-aq, Miqyaer, Kali-anr ghoe-awr mirtsaqzaq, aqyawf-anr tsaqlar dzoerlarni mr-eu jeq pyeuf-eu mae. Miqyaer, aqyawfmaf nae mrbanq lavbanq-euq jeq-anr maq sawxtaq-aer, tsawrhaqzaq, Miqyaer-anr tsaqler dzoerler-eu gar taf-eu dawq, nga’maf-anr a’naeq laf-euq mae.

2 Gawˇliˬtu 1:9

Yashir mae laer nga’maf-euq khoertav dartsaev taq-euq jeq jav-eu khoer-aq, nga’maf yawqhar yawqha maqghoe-aer, shir-euq gar nae bi ghofdaef lar-eu Miqyaer-anr taef-aer bighoe-eu gharduq mae.

1 Gawˇliˬtu 1:3

Aqdui-euq Aqda Miqyaer hawr-eu Sanqpaq Yeqsur Kali-euq guiqlanq yawdzanr hawr-eu, nuisar of-eu jeq nawmaf-euq khoertav jav luf-ur.

Yoˇhaˬ 14:1

“Nawmaf-euq nuima maqsar-aer taqghae. Nawmaf, Miqyaer-anr jan-awr, ngaq-anr khawf jan-awq.

Maꞈtehˬ 10:37

“Ngaq-anr gaq-eu navmaqtser, aqma aqda-anr gaq-eu tsawrhaq-aq, ngaq-anr maqgeux-a. Ngaq-anr gaq-eu navmaqtser, zaq-anr gaq-eu tsawrhaq-aq, ngaq-anr maqgeux-a.

Jaceuq 2:12

Zaqyo-anr maeqsaw saw-awq, maqngeur nar-aq, aqyawf nuima paerlar-awr, Nawr, garma-anr yacawv-ir-eu baw-mr. Aqjeq mirnae aernar-aq, aqyawf-euq nuipaer yawkawr-aer keuvle nya-eu mae. Aqyawf-anr ghoe-eu tsawrhaq dawqtawvluf, guiqlanq huiq-eu mae.

2 Gawˇliˬtu 5:14

Kali-euq gaq-eu jeq nga’maf-anr katir luf-eu mae. Tsawrhaq tiq ghaq, tsawrhaq dawqtawv luf-euq gharduq shirdan-euq mirnae, tsawrhaq dawqtawvluf shir-euq mae laer nga’maf noeqduq taq-euq ma.

1 Gawˇliˬtu 16:22

Aqsur ghaq maqkaq, Sanqpaq Yeqsur Kali-anr maqgaq nar-aq, aqyawf-euq khoertav yaqkhaer yaq-eu jeq keuvle luf-ur. Sanqpaq Yeqsur-or, oe-awq!

Lormav 15:12

Irsaqyar khawf aer-eu, “Aqyawf, Yeqshaer-euq duqcir-anr nae dovlar-awr, tsawrjeuq tsawrca-anr uvlanr taef-a. Aqcawq tsawrjeuq tsawrca, aqyawf-euq lafkhoer noeqtmqkhar za taef-a.” (Isy 11:10)

Lormav 1:7

Miqyaer zawr gaq-awr, tsawrshawr pyeuflarni bi kurtaq-euq Lormav meuq-anr jawr-eu nawmaf dawqtawv luf-anr ngar sanqbof bofanr laf-euq ma. Aqdui-euq Aqda Miqyaer hawr-eu Sanqpaq Yeqsur Kali-euq guiqlanq yawdzanr hawr-eu nuisar of-eu jeq nawmaf-euq khoertav jav luf-ur.

Yoˇhaˬ 17:10

Ngaq-euq dawqtawvluf nawq-euq mae. Nawq-euq dawqtawvluf khawf ngaq-euq ma. Heudeuq-euq baqda’nae ngar yawshaef khanqsaer za-euq ma.

Maꞈtehˬ 28:19

Khoermirnae, nawmaf ir-awr, tsawrjeuq tsawrca dawqtawvluf, ngaq-euq zaqlanr pyeuflarni mr-ir-awq. Aqda, Zaqyo hawr-eu Yawshawr Saflar-euq tsawrmyanr-euq uqmov, aqyawf maf-anr bartirsaq mrnaeq-awq.

2 Beˬtuˆluˆ 1:1

Ngar-aq, Yeqsur Kali-euq kuirlaf zaqkhav hawr-eu ghaqkhaer Sirmoq Beqtuvluv ma. Aqdui-euq Miqyaer hawr-eu Kakhof-eu ghaq, Yeqsur Kali-euq tsaq-awr dawr-eu jeq-euq baqda’nae, nga’maf lof-aer zawr poeq-eu jan-eu jeq za-euq nawmaf-anr sanqbof bofanr lef-eu ma.

Maꞈtehˬ 15:8

‘Tsawrhaq heudeuq-aq, khaqmae nae ngar jawr-eu gar lar-awr, Maeqluq nae taqhuiq taqmanr-eu khawf, Aqyawf maf-euq nuima-aq, ngaq-anr nae garmanr kaq-eu gar javluf-eu mae.