Yoˇhaˬ 5:20 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Aqda-aq, Zaqyo-anr gaq-awr, aqyawf kharmr-eu dawqtawvluf Zaqyo-anr bimawr-eu mae. Nawmaf bi zanqler paq-aer heudeuq navmaqtser huiq-eu jeq khawf, aqyawf, Zaqyo-anr bimawr taef-a.

Akha

²⁰ Aˬ jeˬ miˇ neh ehˇ naˇ, Aˬda-aˬ, Zaˬmaˇ-ahˇ gaˬ-eu miˇ neh, aˬ yawꞈ kʼaˇ mˇ luꞈ-eu yawˬ jeˬ na luꞈ mehˬ -euˬ meh. Heu naˆ maˬ tseˇ huiˬ-eu deuˬ kʼawꞈ mˇ nya ni, aˬ yawꞈ mehˬ tehꞈ-a. Naw maꞈ dawˬ tawˆ luꞈ ya zahˬ leˇ dui dui tehꞈ-a.

Yoˇhaˬ 5:20 Referans Kwoze

Yoˇhaˬ 3:35

Aqda, Zaqyo-anr gaq-awr, yawqjeq navluf aqyawf-euq aqlaf-euq lafkhoer a’naeq jir-euq mae.

Maꞈtehˬ 3:17

Khoerngae, mq-anr nae tersar ngaeqdov lef-eu, “Heughaq-aq, ngar zawr gaq-eu ngaq-euq Zaqyo ma. Ngar, aqyawf-anr nuikhanrshir duidui ma.”

2 Beˬtuˆluˆ 1:17

Byan duidui-eu yawshaef khanqsaer-euq lafkhoer nae, ngaeqdov lef-euq tersar aer-eu, “Heughaq-aq, ngar zawr gaq-eu ngaq-euq Zaqyo ma. Ngar, aqyawf-anr nuikhanrshir duidui ma.” Khoerngae, aqyawf, Aqda Miqyaer-euq taqhuiq taqmanr-eu jeq hawr-eu yawshaef khanqsaer-anr za-euq mae.

Yoˇhaˬ 17:26

Nawq nae ngaq-anr gaqnaeq laf-euq, gaq-eu jeq khoer, aqyawf maf-euq lafkhoer anr-awr, ngar khawf aqyawf maf-euq lafkhoer yajawrni, ngar, aqyawf maf-anr nawq-euq tsawrmyanr dzawrmaeqnaeq dzeur-euq khawf, pardzawr maeqnaeq le siq.”

Yoˇhaˬ 15:15

Aqkar nar-aq, ngar, nawmaf-anr zaqkhav laer maqpar kur ma. Aqjeq mirnae aernar-aq, zaqkhav-aq, yawsanr aqjeq mrluf-eu la laer maq siqnya-a. Aerkhawf, ngar, nawmaf-anr cawq laer kur ma. Aqjeq mirnae aernar-aq, ngar, ngaqDa-anr nae kharya gaq-euq yawqjeq navluf nawmaf-anr aernaeq-eu ma.

Yoˇhaˬ 14:12

“Ngar, nawmaf-anr aqdirma-aer aernaeq nyar, ngaq-anr jan-eu tsawrhaq-aq, ngaq nae mr-euq gardeuq mr taef-a. Ngar, ngaqDa jawr-eu gar ghofler-eu mirnae, aqyawf heunav maqtser huiq-eu gardeuq mr taef-a.

Yoˇhaˬ 10:32

Yeqsur, aqyawf maf-anr aernaeq-eu, “Aqda-anr nae oe-euq gar yawmuiq ghawqmya jeq, ngar, nawmaf-anr bimawr-euq ma. Ngaq nae mr-euq aqgeu jeq-euq baqda’nae, nawmaf, ngaq-anr khaqlo nae biqsaef-eu laer ghae-eu le?”

Yoˇhaˬ 5:29

lmqbymr-anr nae dovlar taef-a. Yawmuiq jeq mr-euq tsawrhaq-aq, ghofdaef lar-awr daef-eu jeq za taef-a. Yawdoer jeq mr-euq tsawrhaq-aq, ghofdaef lar-awr yarkhaq dar-eu gar yadaq taef-a.”

Yoˇhaˬ 5:25

“Ngar, nawmaf-anr aqdir aqmar aernaeq nyar, shir-euq tsawrhaq deuq, Miqyaer-euq Zaqyo-euq tersar-anr yagaq-eu aryamq keuvle luf-eu mae. Nymq-mr nae keuvle-euq mae. Yagaq-euq tsawrhaq yadaef taef-a.

Yoˇhaˬ 5:21

“Aqda, shir-euq tsawrhaq-anr bi ghofdaef lar-awr, daef-eu jeq bif-euq lof-aer, Zaqyo khawf, aqyawf nuima tsaq-eu tsawrhaq-anr daef-eu jeq bif-eu mae.

Yoˇhaˬ 1:18

Tsawrhaq tiqghaq-iq tiqjawr-iq Miqyaer-anr maq mawrhaw-aq. Aqda-euq bawkhanr-euq lafkhoer jawr-eu Zaqyo tiq ghaq taef nae, Miqyaer-euq garkawv tsafgaq le-euq mae.

Luˇkaꞈ 10:22

Heudeuq dawqtawvluf ngaqDa nae, ngaq-anr bifnaeq laf-euq mae. Aqda maqngeur nar-aq, Zaqyo aqsur ghaq-a laer tiqghaq-iq maq siqnya-a. Zaqyo hawr-eu Zaqyo panmaeqnaeq mawf-eu tsawrhaq maqngeur nar-aq, Aqda aqsur ghaq-a laer tiqghaq-iq maq siqnya-a.”

Maꞈtehˬ 17:5

Beqtuvluv, dawq ngaeqluf ngae, yawshaef bya-eu mqdmr tiq tsanq aqyawf maf-anr uvtaeq le-awr, mqdmr-anr nae dawq ngaeqdov lef-eu, “Heughaq-aq, ngar zawr gaq-eu ngaq-euq Zaqyo ma. Ngar, aqyawf-anr nuikhanrshir duidui ma. Nawmaf, aqyawf-euq dawq narhaq geuf-awq.”

Maꞈtehˬ 11:27

Yawqjeq navluf ngaqDa nae ngaq-anr a’naeq laf-euq mae. Aqda Miqyaer maqngeur nar-aq, Zaqyo-anr tiqghaq-iq maq siqnya-a. Zaqyo hawr-eu Zaqyo panmaeqnaeq mawf-eu tsawrhaq maqngeur nar-aq, Aqda Miqyaer-anr tiqghaq-iq maq siqnya-a.

Maꞈtehˬ 4:8

Khoernar-aq, naef sanqpaq, aqyawf-anr gor duidui-eu gawqjawq-anr sheuqdav lef-awr, aqyawf-anr mirtsaq-euq khoertav kharjav-eu mirkhanq dawqtawvluf hawr-eu, mirkhanq khoerdeuq-euq yawshaef khanqsaer dawqtawv luf-anr bimawr-awr,