Yoˇhaˬ 5:19 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Khoernar-aq, Yeqsur, aqyawf maf-anr heulof-aer aerkhof naeq-euq mae, “Ngar, nawmaf-anr aqdir aqmar aernaeq nyar, Zaqyo-aq, yawqha yawqha tiqjeq-iq maq mrnya-a. Aqda mr-eu gar mawr-awr, aqyawf mr-eu taef mae. Aqda kharmr-eu yawqjeq navluf Zaqyo khawf mrluf-eu mae.

Akha

¹⁹ Kʼoeˇ miˇ neh, aˬ yawꞈ maꞈ-ahˇ Yeˬsuˇ heu loꞈ-ehˇ ehˇ kʼoꞈ nehˬ-euˬ meh. “Ngaˇ naw maꞈ-ahˇ maˇ jawˆ ni ehˇ-eu ma. Aˬda kʼaˇ mˇ-eu jeˬ Zaˬmaˇ mˇ nya-eu meh.

Yoˇhaˬ 5:19 Referans Kwoze

Yoˇhaˬ 12:49

Aqjeq mirnae aernar-aq, ngar, ngaq-euq aryaq nae tiqjeq-iq maqngaeq-aq. Ngaq-anr khaerghae lef-euq Aqda-aq, ngar aqjeq ya’ngaeq-awr ngar aqjeq yatmr-eu la laer aqyawf, ngaq-anr dawq biflaf-euq mae.

Yoˇhaˬ 8:28

Khoermirnae, Yeqsur, aqyawf maf-anr heulof-aer aernaeq-euq mae: “Nawmaf, Tsawrhaq-euq Zaqyo-anr khanqtur ngae, ngar-aq, khoerghaq ngar-a laer siqnya-eu uqtaf, ngar-aq, yawqha yawqha taef-aer tiqjeq-iq maqmr-aer, ngaqDa nae ngaq-anr maeq-euq lof-aer ngar heudeuq aer-eu ngar-a laer nawmaf yasiq taef-a.

Yoˇhaˬ 14:10

Ngar, Aqda-euq lafkhoer jawr-awr, Aqda, ngaq-euq lafkhoer jawr-eu mae laer nawr maqjan-eu le lor? Ngar, nawmaf-anr aernaeq-eu dawqdeuq-aq, ngaq-euq aryaq zmq-awr aer-eu maqngeur. Aerkhawf, ngaq-euq lafkhoer jawr-eu Aqda, aqyawf-euq gar heudeuq mrluf-eu mae.

Yoˇhaˬ 10:18

Ngaq-anr tiqghaq-iq maq lavsaef nya-a. Aerkhawf, ngar, yawqha yawqha shirdan-eu ma. Ngar shirdan-eu baoq jav-awr, ngar ghofdaef lar-eu baoq khawf jav-eu ma. Biftaq-euq dawq heudawq-aq, ngar, ngaqDa-anr nae za-euq ma.”

Lormav 8:11

Khoeruqtaf, Yeqsur-anr shir-euq gar nae bi ghofdaef lar-euq ghaq-euq Saflar, nawmaf-euq lafkhoer jawr nar-aq, Yeqsur Kali-anr shir-euq gar nae bi ghofdaef lar-euq ghaq, nawmaf-euq lafkhoer jawr-eu aqyawf-euq Saflar-anr ghoe-awr, nawmaf-euq shirnya-eu mawrdo-anr khawf bi ghofdaeflar taef-a.

Yoˇhaˬ 9:4

Nan’ghanr paw, ngar, ngaq-anr khaerghae lef-euq ghaq-euq gardeuq ya’mr-eu mae. Mq cifle nar-aq, tsawrhaq tiqghaq-iq gar maq mrnya-a.

Luˇkaꞈ 21:15

Aqjeq mirnae aernar-aq, nawmaf-anr muir-eu tsawrhaq dawqtawvluf pyaer-eu khawf maq pyaernya-aer, lavtsoeq-eu khawf maq lavtsoeq nya-eu dawq hawr-eu zaqsiq tsawrganr, ngar, nawmaf-anr bifnaeq ma.

Yoˇhaˬ 5:21

“Aqda, shir-euq tsawrhaq-anr bi ghofdaef lar-awr, daef-eu jeq bif-euq lof-aer, Zaqyo khawf, aqyawf nuima tsaq-eu tsawrhaq-anr daef-eu jeq bif-eu mae.

2 Gawˇliˬtu 5:10

Aqjeq mirnae aernar-aq, aqdui yawqghaq navluf yawqha-euq mawrdo-euq lafkhoer daef ngae, khar daefyaf-euq lof-aer, muiq nar-aq muiq-awr, doer nar-aq doer-aer za’ni, Kali-euq yarkhaq dar-eu nuirmanq-euq maeqshi ya yawfler-eu mae.

Yoˇhaˬ 3:3

Yeqsur aerkhof naeq-eu, “Ngar, nawq-anr aqdir aqmar aernaeq nyar, tsawrhaq tiq ghaq maq daefpov maq daefpar nar-aq, Miqyaer uvlanr-eu jeq-anr maqya mawr-ar.”

Dawqdaq 2:6

Aqjeq mirnae aernar-aq, Ya’we Miqyaer-aq, zaqsiq tsawrganr bif-awr, Aqyawf-euq khaqmae-anr nae siqnya-eu tsawrganr hawr-eu ghovshaw nya-eu jeq dovle-eu mae.

Jaceuq 138:3

Ngar, nawq-anr kur ngae nan-anr nawr, ngaq-euq dawq narhaq naeqlaf-awr, Ngaq-euq nuima saflar ghaq bi anrlar-awr khaqduqni bi ghaelar naeqlaf-euq mae.

Jaceuq 50:6

Mqdeuq, aqyawf-euq tsaq-awr dawr-eu jeq dawqdzawr bimr-awq; Aqjeq mirnae aernar-aq, Miqyaer-aq, yarkhaq dar-eu ghaq mae.

Panmaeq 2:23

Ngar, aqyawf-euq zaqdeuq-anr saef-awr bishir ma. Khoerngaejawr, ngar-aq, nuima hawr-eu nuinoeq nuidur-anr tsermr-eu ghaq ngar-a laer Kalizaq armur yawqmur navluf yasiq taef-a. Ngar, nawmaf yawqghaq navluf-anr yawqha nae mr-euq lof-aer geuxni bifnaeq ma.

1 Beˬtuˆluˆ 3:18

Aqjeq mirnae aernar-aq, Kali khawf iqbax-euq gharduq shaqzanq tiq pov daq-euq mae. Maqtsaq maqdawr-eu tsawrhaq-euq gharduq, tsaq-awr dawr-eu ghaq yadaq-euq mae. Aqyawf, aqdui-anr Miqyaer-euq maeqshi sheuqlef nya’ni, shiqshaq paw-aq, bi tafsaef-euq khawf, muiq-eu Saflar nae bi ghofdaef lar-euq mae.

Gawˇlawˇsehˇ 1:16

Aqjeq mirnae aernar-aq, mq-euq khoertav hawr-eu mirtsaq-euq khoertav kharjawr kharjav-eu mawrlar-eu jeq hawr-eu maq mawrlar-eu jeq, nuirmanq-anr nuir-eu deuq, sanqpaq deuq, mqsanr deuq, aryaq deuq, yawqjeq navluf aqyawf-anr ghoe-awr nae bae-awr, aqyawf-euq gharduq baetaq-euq mae.

Piˇliˇpiˆ 4:13

Ngaq-anr ghaq bifnaeq laf-eu Kali-anr ghoeghoe-aer, ngar dawqtawvluf mrnya sharnya ma.

Piˇliˇpiˆ 3:21

Aqyawf, yawqjeq navluf-anr aqyawf-euq uqmov bijawr bijav-eu baoq-anr ghoe-awr, yawshaef khanqsaer jav-eu aqyawf-euq mawrdo lof-aer pyeuflarni, aqdui-euq teq-eu mawrdo heu-anr janrpar naeqlaf taef-a.

Eˇpeˇsu 3:16

Ngar guiqlanq heulof-aer shar-eu ma: Miqyaer-euq yawshaef khanqsaer sanr duidui-eu gar geuxni, aqyawf-euq Saflar-anr ghoe-awr, nawmaf-euq nuima, ghaq bi anrlar-awr ghaq bi khavlar law.

Eˇpeˇsu 2:5

aqdui mrbanq lavbanq-euq lafkhoer shirdzeur-euq khawf, aqyawf, aqdui-anr Kali naeq-aer yawdaef bi daeflar naeqlaf-euq mae. Guiqlanq yawdzanr baqda’nae, nawmaf kakhof-eu jeq za-euq mae.

2 Gawˇliˬtu 4:14

Aqjeq mirnae aernar-aq, Sanqpaq Yeqsur-anr bi ghofdaef lar-euq khoerghaq, nga’maf-anr khawf Yeqsur naeq-aer tiqkawv lof-aer bi ghofdaef lar-awr, aqyawf-euq maeqshi, nga’maf-anr khawf nawmaf naeq-aer tiqkawv lof-aer yajawr taef-a laer siqnya ma.

1 Gawˇliˬtu 15:12

Kali shir-euq gar nae ghofdaef lar-euq mae laer nymq-mr dawqmaeq maeqnaeq luf-eu khawf, aqjeq mirnae nawmaf-euq lafkhoer tiqpavnav deuq shir-euq tsawrhaq ghofdaef lar-eu maqbaw-a laer aerluf-eu la?

Lormav 6:4

Khoermirnae, aqdui bartirsaq hageuf-eu lafkhoer, aqyawf shir-euq jeq-anr gawfler-awr, aqyawf naeq-aer tiqkawv lof-aer bi bafpanq-euq ma. Aqda Miqyaer-euq yawshaef khanqsaer-euq baqda’nae, Kali shir-euq gar nae ghofdaef lar-euq lof-aer, tsawrhaq yawshuif pyeuflar-eu lafkhoer yadaef-eu mae.

Gʼaˬkʼehˇ 2:24

Aerkhawf, Miqyaer, aqyawf-anr shir-eu jeq-euq shaqzanq-anr nae puirpyaeq naeq-awr, bi ghofdaef lar-euq mae. Aqjeq mirnae aernar-aq, shir-eu jeq aqyawf-anr maq paftawftaq nya-a.

Yoˇhaˬ 2:19

Yeqsur, aqyawf maf-anr aerkhof naeq-eu, “Nawmaf, uqduq tanqnymr nymrma heu pyavdzae-awq, ngar smq nan-euq lafkhoer tsovpar ma.”

1 Teˇsaˬloˇni 4:14

Yeqsur shir-awr ghofdaef lar-euq mae laer aqdui jan-eu ma. Khoermirnae, Yeqsur-euq lafkhoer yufkhav dzeur-euq tsawrhaq deuq-anr Yeqsur naeq-aer tiqkawv lof-aer Miqyaer sheuqlef taef-a.

Gawˇlawˇsehˇ 1:11

Aqyawf-euq yawshaef khanqsaer huiq-eu baoq baqda’nae, nawmaf laqkhaq caertavni yawqjeq navluf-euq lafkhoer, ornya-awr nuima ghawqmanrni taqnya’ni, baoq dawqtawvluf nae nawmaf-anr ghaq bi khavlar-awq laer sharluf-eu ma.

Jaceuq 27:14

Ya’we Miqyaer-anr dawq-awq. Yawmuiq-aer mrghanr-awq. Aqyawf, nawq-euq nuima-anr nuighaq bifnaeqlaf taef-a. Ya’we Miqyaer-anr dawq-awq.

Maꞈtehˬ 26:39

Aqyawf maeqhu paw uicuiv irjiv-awr, mirtsa awbyav-awr nae guiqlanq shar-eu, “NgaqDa-or! Ghaenya nar-aq, khmqmaq heukhmq, ngaq-anr nae bidzeur-ir naeqlaf-awq. Aerkhawf, ngar nuima tsaq-eu lof-aer taqbi pyeuf. Nawr nuima tsaq-eu lof-aer bipyeuf law.”

Yoˇhaˬ 6:38

Aqjeq mirnae aernar-aq, ngar mq-anr nae oe-euq-aq, ngaq-euq nuima tsaq-eu lof-aer mr-eu laer oe-euq maqngeur, ngaq-anr khaerghae lef-euq ghaq nuima tsaqni mr-eu laer oe-euq ma.

Yoˇhaˬ 12:50

Aqyawf nae biflaf-euq dawq-aq, mqmaq maqbyav yarzir daef-eu jeq pyeuf-eu mae laer ngar siqnya ma. Khoermirnae, ngar kharngaeq-eu deuq-aq, Aqda nae ngaq-anr aernaeq laf-euq lof-aer ngar ngaeq-eu ma.”