Yoˇhaˬ 5:18 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Khoermirnae, yawbae navmaqtser, Yurdav tsawrhaq, Yeqsur-anr saef-eu laer tov-eu mae. Aqjeq mirnae aernar-aq, aqyawf-aq, landaw jawrnan-anr maq mrkhmq-eu jeq mr-euq uqtaf, Miqyaer-aq, aqyawf-euq Aqda ma laer aer-awr, aqyawf, Miqyaer naeq-aer tiqkawv dini taq-eu mae.

Akha

¹⁸ Aˬ yawꞈ kʼoeˇ loꞈ-ehˇ ehˇ-eu miˇ neh, Yuˇdaˆ tsawˇ haˬ aˬ yuiꞈ aˬ tsu deuˬ aˬ yawꞈ-ahˇ sehꞈ-eu gʼaˇ duˬ noeˬ tsehˆ-euˬ meh. Aˬ jeˬ miˇ neh ehˇ naˇ, aˬ yawꞈ-aˬ, Jawˇ nah-ahˇ maˬ mˇ kʼmˬ-eu jeˬ mˇ-eu tehꞈ-ehˇ maˬ loꞈ ni, Miˬyehˇ-aˬ aˬ yawꞈ-euˬ Aˬ da ma lehˇ ehˇ-eu laꞈ kʼoeˇ, Miˬyehˇ hawˇ-eu aˬ yawꞈ tiˬ kawˆ ma lehˇ ehˇ gaˇ duˇ leˇ-euˬ meh.

Yoˇhaˬ 5:18 Referans Kwoze

Yoˇhaˬ 10:33

Yurdav tsawrhaq, aqyawf-anr aerkhof naeq-eu, “Nga’maf, nawr gar yawmuiq jeq mr-euq baqda’nae nawq-anr khaqlo biq-eu laer ghae-eu maqngeur. Nawr, tsawrhaqzaq pyeuf-eu taef khawf yaeqbawq saerlu-aer Miqyaer ma laer aer-eu mirnae, biqsaef-eu laer ghae-eu ma.”

Yoˇhaˬ 10:30

Ngar hawr-eu ngaqDa-aq, tiq ghaq taef ma.”

Yoˇhaˬ 19:7

Yurdav tsawrhaq aerkhof naeq-eu, “Nga’maf zanrdawq jav-eu ma. Nga’maf-euq zanrdawq jav-eu lof-aer nar-aq, aqyawf shir-eu tsaq mae. Aqjeq mirnae aernar-aq, aqyawf-aq, Miqyaer-euq Zaqyo ma laer aer-eu mae.”

Yoˇhaˬ 8:58

Yeqsur, aqyawf maf-anr aernaeq-eu, “Ngar, nawmaf-anr aqdir aqmar aernaeq nyar, Aqbyaqhaq maq daefle-euq minav-aer ngar-aq, jawrluf-eu ma.”

Yoˇhaˬ 14:23

Yeqsur, aqyawf-anr heulof-aer aerkhof naeq-euq mae, “Aqgeu ghaq maqkaq, ngaq-anr gaq nar-aq, ngaq-euq dawq-anr mrcaw taef-a. Khoeruqtaf, ngaqDa khawf aqyawf-anr gaq-awr, nga’nyaf Dazaq, aqyawf jawr-eu gar oe-awr, aqyawf naeq-aer jawr ma.

Yoˇhaˬ 5:23

Khoer-aq, tsawrhaq dawqtawvluf, Aqda Miqyaer-anr yawzeu baw-eu lof-aer, Zaqyo-anr khawf yawzeu bi bawlar-eu gharduq mae. Zaqyo-anr yawzeu maqbaw-eu tsawrhaq-aq, Zaqyo-anr khaerghae lef-euq Aqda Miqyaer-anr khawf yawzeu maqbaw-a.

Piˇliˇpiˆ 2:6

Aqyawf, Miqyaer pyeuf-eu khawf, Miqyaer lof-aer pyeuf-awr di-eu jeq-anr ya nyaeftaeq taq-eu mae laer maqnoeq-aq.

Panmaeq 22:3

Aqkar nar-aq, yaqkhaer yaq-eu jeq maqpar jav-eu mae. Miqyaer hawr-eu Yawrzaq-euq nuirmanq, meuq heumeuq-euq lafkhoer jav-awr, aqyawf-euq kuirlaf zaqkhav deuq, aqyawf-anr uqduqtanq taef-a.

Panmaeq 22:1

Khoerngae, mqtav ghaqkhaer khoerghaq, ngaq-anr daef-eu jeq bif-eu shawrjaevni ghae-eu ircuf lawrgawv bimawr naeqlaf-euq mae. Lawrgawv heugawv-aq, jeq-oq lof-aer shawr-awr, Miqyaer hawr-eu Yawrzaq-euq nuirmanq-anr nae yoerdov lef-eu mae.

Yoˇhaˬ 8:54

Khoerngae, Yeqsur heulof-aer aerkhof naeq-euq mae: “Ngar, yawqhar yawqha taqhuiq taqmanr nar-aq, ngaq-euq taqhuiq taqmanr-eu jeq-aq, gardanr tiqpawf-iq maqtsoeq-a. Ngaq-anr taqhuiq taqmanr naeqlaf-eu ghaq-aq, ngaqDa mae. Aqyawf-aq, nawmaf-euq Miqyaer ma laer nawmaf aer-eu khoerghaq mae.

Yoˇhaˬ 7:19

Morseq, nawmaf-anr zanrdawq bif-euq maqngeur-a lor? Aerkhawf, nawmaf tiqghaq-iq zanrdawq-euq maeqnan maq cantae-a. Ngaq-anr aqjeq mirnae saef-eu laer jawq-eu le?”

Yoˇhaˬ 7:1

Khoernar-aq, Yeqsur, Gaqliqlaer mirkhanq doedoe-aer can-euq mae. Yurdav tsawrhaq, aqyawf-anr saef-eu laer jawq-eu mirnae, aqyawf, Yurdav mirkhanq-anr maq canmawf-a.

Yoˇhaˬ 5:16

Heu-euq baqda’nae, Yurdav tsawrhaq, Yeqsur-anr khaeq-eu ardanq bae-awr Yeqsur-anr saef-eu laer sharpov-eu mae. Aqjeq mirnae aernar-aq, Yeqsur, landaw jawrnan ngae nan khoerlof-aer ghae-eu jeq mr-euq mae.

Yoˇhaˬ 14:9

Yeqsur, aqyawf-anr heulof-aer aernaeq-euq mae, “Pirlirpuv-or! Ngar, nawq naeq-aer heumyanni jawrlaf-euq khawf, nawr, ngaq-anr maq siqnya-eu le siq lor? Ngaq-anr mawr-euq tsawrhaq-aq, Aqda-anr mawr-euq mae. ‘Nga’maf-anr Aqda bimawr naeqlaf-awq’ laer nawr aqjox-aer aer-eu le?

Maꞈtehˬ 12:5

Khoeruqtaf, pirma deuq landaw jawrnan ngae nan uqduq tanqnymr nymrma-euq lafkhoer, landaw jawrnan-anr maq mrkhmq-eu jeq mr-euq khawf, aqyawf maf-euq khoertav iqbax taqkhar maqza-ar laer aertaq-euq zanrdawq-anr nawmaf maq guihaw-aq lor?

Yoˇhaˬ 1:19

Heu-aq, Yorhaq nae kamq-euq sarkir deuq mae. Khoerngae, Yeqlursaqlaeq-anr jawr-eu Yurdav tsawrhaq nae, Yorhaq jawr-eu gar pirma deuq hawr-eu Leqbir tsawrhaq deuq-anr khaerghae-awr, aqyawf-anr heulof-aer bi narhaq-ir-euq mae, “Nawr aqsur ghaq le?”

Yoˇhaˬ 5:15

Khoernar-aq, khoerghaq, Yurdav tsawrhaq jawr-eu gar ir-awr aer-eu, “Ngaq-anr bi taqler-euq khoerghaq-aq Yeqsur mae.”

Yoˇhaˬ 5:17

Khoerngae, Yeqsur, aqyawf maf-anr aernaeq-eu, “Nymq-mr keuvni ngaqDa gar mrluf-eu mae. Ngar khawf mrluf-eu ma.”