Yoˇhaˬ 5:17 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Khoerngae, Yeqsur, aqyawf maf-anr aernaeq-eu, “Nymq-mr keuvni ngaqDa gar mrluf-eu mae. Ngar khawf mrluf-eu ma.”

Akha

¹⁷ Yeˬsuˇ aˬ yawꞈ maꞈ-ahˇ ehˇ nehˬ-eu, “Ngaˬ Da nymˬ-mˇ keuˆ ni maˬ tsehˆ leˇ ni gaˇ mˇ luꞈ-eu miˇ neh, ngaˇ kʼawꞈ ya mˇ meh.”

Yoˇhaˬ 5:17 Referans Kwoze

Yoˇhaˬ 14:10

Ngar, Aqda-euq lafkhoer jawr-awr, Aqda, ngaq-euq lafkhoer jawr-eu mae laer nawr maqjan-eu le lor? Ngar, nawmaf-anr aernaeq-eu dawqdeuq-aq, ngaq-euq aryaq zmq-awr aer-eu maqngeur. Aerkhawf, ngaq-euq lafkhoer jawr-eu Aqda, aqyawf-euq gar heudeuq mrluf-eu mae.

Yoˇhaˬ 9:4

Nan’ghanr paw, ngar, ngaq-anr khaerghae lef-euq ghaq-euq gardeuq ya’mr-eu mae. Mq cifle nar-aq, tsawrhaq tiqghaq-iq gar maq mrnya-a.

Gawˇlawˇsehˇ 1:16

Aqjeq mirnae aernar-aq, mq-euq khoertav hawr-eu mirtsaq-euq khoertav kharjawr kharjav-eu mawrlar-eu jeq hawr-eu maq mawrlar-eu jeq, nuirmanq-anr nuir-eu deuq, sanqpaq deuq, mqsanr deuq, aryaq deuq, yawqjeq navluf aqyawf-anr ghoe-awr nae bae-awr, aqyawf-euq gharduq baetaq-euq mae.

1 Gawˇliˬtu 12:6

Mrdov laf-eu jeq beugar-eu mae. Aerkhawf, tsawrhaq yawqghaq navluf-euq lafkhoer yawqjeq navluf mr-eu ghaq-aq, Miqyaer tiq ghaq taef mae.

HeˬByehˇ 1:3

Aqyawf-aq, Miqyaer-euq yawshaef khanqsaer-euq yawshaef pyeuf-awr, Miqyaer-euq shaevdzeuf byan-eu ghaq pyeuf-eu mae. Aqyawf, aqyawf-euq baoq anr-eu dawq-anr ghoe-awr, dawqtawv luf-anr hawlanr lavsav luf-eu mae. Aqyawf, aqyawf-euq mawrdo nae aqdui-euq iqbax-anr tsiqshawr ghaq-awr, yawgor-anr khanqsaer huiq-eu Ghaq-euq armar paw nuirluf-eu mae.

Gʼaˬkʼehˇ 17:28

Aqjeq mirnae aernar-aq, aqdui, aqyawf-euq lafkhoer daef-awr, luvlav mrluf-eu uqtaf, yawdaef daefluf-eu ma. Nawmaf-euq zaqnyiq zmqdawq siqzaq tiqghaqnav nae aertaq-euq lof-aer, ‘Aqdui khawf Miqyaer-anr nae jeuqle ovle-euq tsawrhaq ma.’

Gʼaˬkʼehˇ 14:17

Aqjox-aer law-awr khawf, aqyawf yawmuiq jeq mr-euq mae laer aqyawf-euq gharduq sarkir maqbi jawr-aer maqbyaerni, aqyawf, aqdui-anr mq-anr nae uqyaer bif-awr, yamqlaw tsaqni dzaqla ghovcaer bibaw bi zale-eu mae. Khoer-aq, aqdui-euq nuima-anr dzaqdzaq dawrdawr hawr-eu laqkhaq caer-eu jeq bibyan-eu gharduq mae.”

Maꞈtehˬ 10:29

Jartseuv nyiq mawr, guiqshuir paevsaq tiq paev nae anq-eu maqngeur-a lor? Nawmaf-euq Aqda Miqyaer nuima maqtsaq nar-aq, jartseuv tiqmawr-iq mirtsa maq gaka le-ar.

Jaceuq 65:6

Aqyawf-euq ghaq nae gawqjawq deuq-anr ciqtsaq taq-awr, baoq bidm-euq mae.

Yoˇhaˬ 5:16

Heu-euq baqda’nae, Yurdav tsawrhaq, Yeqsur-anr khaeq-eu ardanq bae-awr Yeqsur-anr saef-eu laer sharpov-eu mae. Aqjeq mirnae aernar-aq, Yeqsur, landaw jawrnan ngae nan khoerlof-aer ghae-eu jeq mr-euq mae.

Yoˇhaˬ 5:18

Khoermirnae, yawbae navmaqtser, Yurdav tsawrhaq, Yeqsur-anr saef-eu laer tov-eu mae. Aqjeq mirnae aernar-aq, aqyawf-aq, landaw jawrnan-anr maq mrkhmq-eu jeq mr-euq uqtaf, Miqyaer-aq, aqyawf-euq Aqda ma laer aer-awr, aqyawf, Miqyaer naeq-aer tiqkawv dini taq-eu mae.

Yoˇhaˬ 10:36

Aqda nae tserdov-awr, mirtsaq-euq khoertav bi’oe-euq khoerghaq, ‘Ngar-aq, Miqyaer-euq Zaqyo ma’ laer aer-eu mirnae, nawmaf, ‘Nawr, Miqyaer-anr yaeqbawq saerlu-aer aer-eu nga’ laer aer-eu le lor?

1 Teˇsaˬloˇni 2:13

Nawmaf, nga’maf nae maeq-euq Miqyaer-euq dawq yagaq ngae janlar-awr, nawmaf, dawq khoer-anr tsawrhaq-euq dawq laer maqsawx-aer, aqdir aqmar Miqyaer-euq dawq ngar-a laer hageuf-euq mae. Khoeruqtaf, dawq khoer-aq, Sanqpaq Yeqsur-anr jan-eu nawmaf-euq lafkhoer gar mrluf-eu mirnae, nga’maf aqmyanluf Miqyaer-anr jaceuq ma.