Yoˇhaˬ 5:16 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Heu-euq baqda’nae, Yurdav tsawrhaq, Yeqsur-anr khaeq-eu ardanq bae-awr Yeqsur-anr saef-eu laer sharpov-eu mae. Aqjeq mirnae aernar-aq, Yeqsur, landaw jawrnan ngae nan khoerlof-aer ghae-eu jeq mr-euq mae.

Akha

¹⁶ Kʼoeˇ ngeh neh naˇ, aˬ yawꞈ maꞈ Yeˬsuˇ-ahˇ laˆ shaˬ-eu jeˬ aˇ dahˬ beh-euˬ meh. Aˬ jeˬ miˇ neh ehˇ naˇ, Jawˇ nah ngeh nah aˬ yawꞈ aˬ cawˬ-ahˇ naˇ gawˇ laˆ taˬ nehˬ-euˬ meh.

Yoˇhaˬ 5:16 Referans Kwoze

Yoˇhaˬ 15:20

‘Zaqkhav-aq, yawqha-euq yawsanr navmaqtser maq huiqdzaeq-a’ laer ngaq nae nawmaf-anr aernaeq-euq dawq-anr taqngaer. Aqyawfmaf, ngaq-anr khaeqlar khavlar nar-aq, nawmaf-anr khawf khaeqlar khavlar taef-a. Aqyawfmaf, ngaq-euq dawq-anr mrcaw nar-aq, nawmaf-euq dawq-anr khawf mrcaw taef-a.

Yoˇhaˬ 10:39

Khoerngae, aqyawfmaf, aqyawf-anr nyaef-eu laer parghae-eu mae. Aerkhawf, aqyawf, aqyawf maf-euq aqlaf-anr nae dzeur-ir-euq mae.

Yoˇhaˬ 7:25

Yeqlursaqlaeq-anr jawr-eu tsawrhaq tiqpavnav deuq heulof-aer aer-eu mae, “Aqyawfmaf saef-eu laer jawqluf-eu khoerghaq, teughaq maqngeur-a lor?

Yoˇhaˬ 5:13

Khoergar tsawrhaq ghawqmya’ni jawr-awr, Yeqsur can’yawq ghae-euq mirnae, taqler-euq khoerghaq, Yeqsur-anr aqsur ghaq la laer maq siqnya-a.

Luˇkaꞈ 6:11

Aqyawfmaf nuima paer duidui lar-awr, aqyawfmaf, Yeqsur-anr aqjox-aer janrnaeq-eu paq nga laer aqyawf maf-euq yawkaq bawqdzaq-eu mae.

Maˬkuˆ 3:6

Khoerngae, Paqliqsaer deuq dov-ir-awr, aqjox-aer ghae-awr nae Yeqsur-anr lavsaef-eu paq nga laer, tiqpov taef-aer Heqlor-euq tsawrhaq deuq naeq-aer bawqdzaq-ir-euq mae.

Maꞈtehˬ 12:13

Khoernar-aq, Yeqsur lafshir khoerghaq-anr aernaeq-eu, “Nawq-euq aqlaf cawqja-awq.” Aqyawf, aqlaf cawqja ngae, muiqkhof lar-awr, yawqlafyawq lof-aer muiqlar-euq mae.

Yoˇhaˬ 1:19

Heu-aq, Yorhaq nae kamq-euq sarkir deuq mae. Khoerngae, Yeqlursaqlaeq-anr jawr-eu Yurdav tsawrhaq nae, Yorhaq jawr-eu gar pirma deuq hawr-eu Leqbir tsawrhaq deuq-anr khaerghae-awr, aqyawf-anr heulof-aer bi narhaq-ir-euq mae, “Nawr aqsur ghaq le?”

Yoˇhaˬ 5:10

Khoermirnae, Yurdav tsawrhaq, taqler-euq khoerghaq-anr aernaeq-eu, “Iqnan-aq, landaw jawrnan mae. Nawr yufzar baf-awr maq cankhmq-a.”

Yoˇhaˬ 5:15

Khoernar-aq, khoerghaq, Yurdav tsawrhaq jawr-eu gar ir-awr aer-eu, “Ngaq-anr bi taqler-euq khoerghaq-aq Yeqsur mae.”

Yoˇhaˬ 5:17

Khoerngae, Yeqsur, aqyawf maf-anr aernaeq-eu, “Nymq-mr keuvni ngaqDa gar mrluf-eu mae. Ngar khawf mrluf-eu ma.”

Yoˇhaˬ 5:18

Khoermirnae, yawbae navmaqtser, Yurdav tsawrhaq, Yeqsur-anr saef-eu laer tov-eu mae. Aqjeq mirnae aernar-aq, aqyawf-aq, landaw jawrnan-anr maq mrkhmq-eu jeq mr-euq uqtaf, Miqyaer-aq, aqyawf-euq Aqda ma laer aer-awr, aqyawf, Miqyaer naeq-aer tiqkawv dini taq-eu mae.

Yoˇhaˬ 7:21

Yeqsur, aqyawf maf-anr heulof-aer aerkhof naeq-euq mae, “Ngar tiq jeq mr-euq gar, nawmaf dawqtawvluf zanqler-eu mae.