Yoˇhaˬ 4:48 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁸ Yeqsur, aqyawf-anr aernaeq-eu, “Bisiq bimawr-eu jeq hawr-eu zanqler paq-aer ghae-eu jeq-anr nawmaf maqya mawr-euq khoer-aq maqjan-a.”

Akha

⁴⁸ Yeˬsuˇ aˬ yawꞈ-ahˇ ehˇ nehˬ-eu, “Kʼaˆ jeˬ-ahˇ gʼeh-eu bi siˬ bi mawˇ-eu jeˬ hawˇ-eu zahˬ leˇ paˬ-ehˇ gʼeh-eu jeˬ maˬ ya mawˇ naˇ, naw maꞈ maˬ jah-a.”

Yoˇhaˬ 4:48 Referans Kwoze

Yoˇhaˬ 20:29

Yeqsur, aqyawf-anr aernaeq-eu, “Nawr-aq, ngaq-anr mawr-euq mirnae jan-eu ngar-a. Ngaq-anr maqya mawr-euq khawf jan-eu tsawrhaq-aq, guiqlanqhuiq taef-a.”

HeˬByehˇ 2:4

Miqyaer, aqyawf nuima tsaq-eu lof-aer bisiq bimawr-eu jeq, zanqler paq-aer ghae-eu jeq hawr-eu khavjeq-aer ghae-eu jeq ghawqmya jeq mr-awr, Yawshawr Saflar-euq lafsawq bizmq-eu lafkhoer sarkir kamqnaeq laf-euq mae.

1 Gawˇliˬtu 1:22

Aqjeq mirnae aernar-aq, Yurdav tsawrhaq-aq, bisiq bimawr-eu jeq mawrmawf-awr, Heqlaqsar tsawrhaq-aq, zaqsiq tsawrganr-anr sharpov-eu mae.

Gʼaˬkʼehˇ 2:22

“Irsaqleqlav tsawrhaq deuq-or! Ngar aer-eu gar narhaq sher-eq. Miqyaer, Naqzaqlaer tsawrhaq Yeqsur-anr ghoe-awr, nawmaf-euq ghanrcae khavjeq-aer ghae-eu jeq, zanqler paq-aer ghae-eu jeq hawr-eu bisiq bimawr-eu jeq bimr-awr, Miqyaer nae nawmaf-euq gharduq sarkir bipyeuf-euq ghaq mae laer nawmaf yawqghaq navluf siqnya-eu lof-aer mae.

Yoˇhaˬ 12:37

Yeqsur, aqyawf maf-euq maeqshi bisiq bimawr-eu jeq ghawqmya’ni janrmaeq-euq khawf, aqyawfmaf, aqyawf-anr maqjan-a.

2 Gawˇliˬtu 12:12

Ngar ghaqkhaer ngar-a laer aqdir bisiq bimawr-eu jeq-aq, nawmaf naeq-aer jawr ngae, yawqjeq navluf daq-awr or-eu, bisiq bimawr-eu jeq, zanqler paq-aer ghae-eu jeq hawr-eu, baoq huiq-eu deuq mr-euq ma.

Lormav 15:19

Baoq huiq-eu bisiq bimawr-eu jeq hawr-eu zanqler paq-aer ghae-eu jeq heudeuq, Miqyaer-euq Saflar-euq baoq-anr ghoe-awr mr-euq ma. Khoerlof-aer mrmr-aer, ngar, Yeqlursaqlaeq-anr nae Irlurliv-anr keuvni, Kali-euq garkawv guiqlanqdawq maeqdoe-euq ma.

Gʼaˬkʼehˇ 14:3

Aqyawfnyaf khoergar ghawqmyanrni jawr-awr, Sanqpaq Miqyaer-euq lafkhoer khaqduqni ngaeq-euq mae. Aqyawfnyaf ngaeqluf-eu aqyawf-euq guiqlanq yawdzanr-euq dawq khoer-anr sarkir bipyeuf-eu gharduq, aqyawf nyaf-euq aqlaf-anr ghoe-awr, bisiq bimawr-eu jeq hawr-eu zanqler paq-aer ghae-eu jeq ghawqmya jeq mr-euq mae.

Maˬkuˆ 13:22

Aqjeq mirnae aernar-aq, Kali jaqmyawf deuq hawr-eu Miqyaer gharduq ngaeqdan-eu jaqmyawf deuq dovle taef-a. Ghaenya nar-aq, tserdov taq-euq tsawrhaq deuq-anr khawf sheuqbanq ghaeni, bisiq bimawr-eu jeq hawr-eu zanqler paq-aer ghae-eu deuq aqyawfmaf janrmaeq taef-a.

Maꞈtehˬ 24:24

Aqjeq mirnae aernar-aq, Kali jaqmyawf deuq hawr-eu Miqyaer gharduq ngaeqdan-eu jaqmyawf deuq dovle-awr, ghaenya nar-aq, Miqyaer nae tserdov taq-euq tsawrhaq deuq-anr sheuqbanq ghaeni, huiq duidui-eu bisiq bimawr-eu jeq hawr-eu zanq duidui ler paq-aer ghae-eu jeq, aqyawfmaf janrmaeq taef-a.

Gʼaˬkʼehˇ 2:43

Khoernar-aq, guv-eu jeq yawqghaq navluf-euq khoertav keuvle-euq mae. Khoerngae, ghaqkhaer deuq zanqler paq-aer ghae-eu jeq hawr-eu bisiq bimawr-eu jeq ghawqmya jeq mrdov laf-euq mae.

Yoˇhaˬ 2:18

Khoermirnae, Yurdav tsawrhaq-euq aqyuif aqtsu deuq, Yeqsur-anr narhaq-eu, “Nawr heudeuq janr-euq heu, nga’maf-anr aqgeu jeq bisiq bimawr-eu laer janr-eu le?”

Luˇkaꞈ 16:31

Aqbyaqhaq, aqyawf-anr aernaeq-eu, ‘Aqyawfmaf, Morseq-euq dawq hawr-eu Miqyaer gharduq ngaeqdan-eu deuq-euq dawq-anr maq narhaq nar-aq, shir-euq tsawrhaq tiqghaqnav ghofdaef lar-euq khawf, aqyawf maf-anr maq lavjan nya-ar.’ ”

2 Teˇsaˬloˇni 2:9

Naef Saqdaq gar mr-eu baqda’nae doer duidui-eu ghaq dovlar taef-a. Aqyawf dovlar ngae, aqcawq-anr myawfza nya’ni, baoq tiqbyanni anr-eu lafkhoer, bisiq bimawr-eu jeq hawr-eu zanqler paq-aer ghae-eu jeq janr taef-a.

Gʼaˬkʼehˇ 15:12

Khoerngae, uiqlar-euq tsawrhaq dawqtawvluf ciqcurni jawr-awr, Baqnaqbar hawr-eu Pawrluv dzawrnaeq-eu gar narhaq luf-eu mae. Miqyaer, aqyawf nyaf-anr ghoe-awr, aqcawq tsawrjeuq tsawrca-euq ghanrcae bisiq bimawr-eu jeq hawr-eu zanqler paq-aer ghae-eu jeq ghawqmya’ni mr-euq garkawv dzawrnaeq-euq mae.

Gʼaˬkʼehˇ 7:36

Morseq-aq, Irjirtuv-euq lafkhoer khawf, Irner iqmalavshav hawr-eu bawrtsanq bawrdanr-anr 40 khof byanni jawrluf ngae khawf, zanqler paq-aer ghae-eu jeq hawr-eu bisiq bimawr-eu jeq janr-awr, aqyawf maf-anr sheuqdov laf-euq mae.

Gʼaˬkʼehˇ 6:8

Saqteqpaq-aq, jan-eu jeq hawr-eu baoq tiqbyanni anr-awr, mirkhanqzaq-euq ghanrcae huiq duidui-eu zanqler paq-aer ghae-eu jeq hawr-eu bisiq bimawr-eu jeq mr-euq mae.

Gʼaˬkʼehˇ 5:12

Sanqpaq Miqyaer, ghaqkhaer deuq-euq aqlaf-anr ghoe-awr, tsawrhaq ghawqmya ni-euq ghanrcae, bisiq bimawr-eu jeq hawr-eu zanqler paq-aer ghae-eu jeq ghawqmya’ni mr-euq mae. Aqyawfmaf dawqtawvluf nuima tiqsiq taef-aer taq-awr, Sorlaqmoq-euq guirgaceuq-anr uiqler-awr jawr-eu mae.

Gʼaˬkʼehˇ 4:30

Nawq-euq aqlaf cawqja lef-awr nargawr lavtaq naeq-eu uqtaf, nawq-euq shawr-eu ghaqzaq ghaqkhaer Yeqsur-euq tsawrmyanr-anr ghoe-awr, bisiq bimawr-eu jeq hawr-eu zanqler paq-aer ghae-eu jeq mr-awq.”

Gʼaˬkʼehˇ 2:19

Mq-euq khoertav zanqler paq-aer ghae-eu jeq ngar bimawr-awr, Mirtsaq-euq khoertav-aq, bisiq bimawr-eu jeq: Shiq dov-awr miqdzaq dof-eu uqtaf, miqkhoeq uvghoeq taq-euq heudeuq-anr bimawr ma.

Yoˇhaˬ 15:24

Tsawrhaq tiqghaq nae-iq maq mrhaw-euq gardeuq, ngar, aqyawf maf-euq ghanrcae maqmr-euq lawnmr-aq, aqyawfmaf iqbax maqanr-ar. Aerkhawf, nymq-mr aqyawfmaf gar khoerdeuq-anr ya’mawr-awr, ngaq-anr khawf, ngaqDa-anr khawf byae-eu mae.

Luˇkaꞈ 10:18

Yeqsur, aqyawf maf-anr heulof-aer aernaeq-euq mae, “Ngar, naef Saqdaq mqmyawf myawf-eu lof-aer mq-anr nae gale-eu gar mawr-euq ma.

Maꞈtehˬ 27:42

“Aqyawf, aqcawq-anr bibuq-ir nya-eu khawf, yawqhar yawqha maqbi buq-ir nya nga-eq. Aqyawf, Irsaqleqlav tsawrhaq-euq Sanqpaq ngeur nar-aq, nymq-mr aqyawf, lafyaq-euq khoertav nae bi zafka le-awq, aqduimaf, aqyawf-anr jan ma.

Maꞈtehˬ 16:1

Paqliqsaer deuq hawr-eu Saqduqgaer deuq, Yeqsur-anr tsermrhaw mawf-eu mirnae, mq-anr bisiq bimawr-eu jeq janr-awr bimawr naeqlaf-awq laer shar-eu mae.

Yoˇhaˬ 4:49

Tsawrhuiq tsawrma khoerghaq aer-eu, “Sanqpaq-or! Ngaqli maqshir-euq minav-aer hawle naeqlaf-awq!”