Yoˇhaˬ 4:24 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ Miqyaer-aq, Saflar mae. Khoermirnae, aqyawf-anr uqduq khartanq-eu tsawrhaq, saflar-euq lafkhoer hawr-eu yawtsaq yawdawr-euq lafkhoer uqduq yatanq-eu mae.”

Akha

²⁴ Miˬyehˇ-aˬ, Yaw sahˇ meh. Aˬ yawꞈ-euˬ Yaw sahˇ-euˬ baoˬ baˬ da neh tehꞈ-ehˇ, aˬ yawꞈ-ahˇ siˬ duˬ-awˇ uˬ duˬ tahˬ nya-eu meh.”

Yoˇhaˬ 4:24 Referans Kwoze

2 Gawˇliˬtu 3:17

Sanqpaq Miqyaer-aq, muiq-eu Saflar pyeuf-eu mae. Sanqpaq Miqyaer-euq Saflar aqgeugar jawr-eu ngeur nar-aq, khoergar buq-ir-eu jeq jav-eu mae.

Piˇliˇpiˆ 3:3

Aqdui-aq, aqdir aqmar bawkhov maeqdzaq yaeq-awr, muiq-eu Saflar-euq lafkhoer Miqyaer-anr uqduq tanq-eu tsawrhaq ma. Shiqshaq-euq lafkhoer yawduq baw-eu maqngeur, Yeqsur Kali-euq lafkhoer laqkhaq caer-eu tsawrhaq ma.

Jaceuq 51:17

Yawpav yawshav-aer ghae-eu saflar, lawrnaeq lar-eu gar, Miqyaer hageuf-eu mae. Miqyaer-or! Yawpav yawshav-aer ghae-awr laeqbymr tawv-eu nuima-anr, Nawr maq hawdoer naeqlaf-a.

1 Tiˆmoˇseˬ 1:17

Tsawrhaqzaq-anr maq mawrlar-aer, maq shirnya-eu, mqmaq maqbyav yarzir-euq Sanqpaq pyeuf-awr, aqyawf tiq ghaq taef-aer zaqsiq tsawrganr byan-eu Miqyaer-anr, li-eu maqbawni yawzeu baw-awr, aqyawf-euq yawshaef khanqsaer-anr jaceuq kar-eur. Aqmeq.

Jaceuq 66:18

Ngar, ngaq-euq nuima-euq lafkhoer yawlaeq yawca jeq bijav nar-aq, Sanqpaq Miqyaer, ngaq-anr maq narhaq naeqlaf-a.

2 Gawˇliˬtu 1:12

Nga’maf heulof-aer khanqsaer jaev-eu ma. Nga’maf, mirtsaqzaq-euq maeqshi khawf, khoernav maqtser nawmaf-euq maeqshi khawf, Miqyaer-anr yawzeu baw-awr nuima shawrjaevni taq-awr, Miqyaer-euq lafkhoer dawrcoeni daef-euq ma laer, nga’maf-euq zaqsiq nuisiq sarkir kamqluf-eu mae. Nga’maf shiqshaq-euq zaqsiq tsawrganr-anr ghoe-awr nae maqngeur-eu, Miqyaer-euq guiqlanq yawdzanr-anr ghoe-awr khoerlof-aer mr-euq ma.

Jaceuq 50:23

Jaceuq-eu jeq kharlawr-eu ghaq-aq, Ngaq-anr ciqhuiq ciqmanr-eu mae; Yawqha yawmuiq-aer daefni laeqhmq-awr daeftsaq daeftsanr-eu tsawrhaq-anr, Miqyaer-euq kakhof-eu jeq-anr ngar bimawr ma.”

Jaceuq 145:18

Ya’we Miqyaer-aq, aqyawf-anr kharkur-eu tsawrhaq deuq-euq dawqpae jawr-eu mae. Yawtsaq yawdawr-euq lafkhoer kharkur-eu tsawrhaq-euq dawqpae jawr-eu mae.

Yoˇhaˬ 4:23

Aqda-anr aqdirma-aer uqduq tanq-eu tsawrhaq-aq, saflar-euq lafkhoer hawr-eu yawtsaq yawdawr-euq lafkhoer uqduq tanq-eu aryamq keuvle luf-eu mae. Nymq-mr keuvle taq-euq mae. Aqjeq mirnae aernar-aq, Aqda-aq, aqyawf-anr khoerlof-aer uqduq tanq-eu tsawrhaq-anr povluf-eu mae.