Yoˇhaˬ 4:21 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Khoerngae, Yeqsur, aqyawf-anr heulof-aer aernaeq-euq mae, “Zaqmiq aqbur-or! Ngaq-anr jan-awq. Gawqjawq heujawq-euq khoertav maqaer, Yeqlursaqlaeq-anr maqaer, nawmaf, Aqda-anr uqduq maqya tanqler-eu aryamq keuvle luf-eu mae.

Akha

²¹ Yeˬsuˇ aˬ yawꞈ-ahˇ ehˇ nehˬ-eu, “Zaˬ miˬ aˬ buˇ-oˇ, ngaˇ ehˇ gaˇ jah-awˬ. Gawˬ jawˬ heu jawˬ kʼoeˇ taˆ maˬ ehˇ, Yeˬluˇsaˬlehˬ meuˬ-ahˇ maˬ ehˇ, Aˬda-ahˇ uˬ duˬ maˬ paˇ tahˬ-eu aˇ nah keuˆ le tehꞈ-a.

Yoˇhaˬ 4:21 Referans Kwoze

1 Tiˆmoˇseˬ 2:8

Khoermirnae, zaqyo aqli deuq aqgar jawr ngae maqkaq, nuima maqpaer-aer, tsawrpyaer maqpyaerni, shawr-eu aqlaf bafdir-awr guiqlanq shar-eu gar ngar geufmawf mir-a.

Eˇpeˇsu 2:18

Aqjeq mirnae aernar-aq, Kali-euq baqda’nae aqdui tsawrjeuq nyiq jeuqluf, muiq-eu Saflar, aqyawf tiqghaq-anr ghoe-awr, Aqda jawr-eu gar urlernya lar-euq ma.

Yoˇhaˬ 4:23

Aqda-anr aqdirma-aer uqduq tanq-eu tsawrhaq-aq, saflar-euq lafkhoer hawr-eu yawtsaq yawdawr-euq lafkhoer uqduq tanq-eu aryamq keuvle luf-eu mae. Nymq-mr keuvle taq-euq mae. Aqjeq mirnae aernar-aq, Aqda-aq, aqyawf-anr khoerlof-aer uqduq tanq-eu tsawrhaq-anr povluf-eu mae.

Maꞈtehˬ 18:20

Aqjeq mirnae aernar-aq, aqgeugar maqkaq, tsawrhaq nyiq ghaq smr ghaq, ngaq-euq tsawrmyanr-anr ghoe-awr uiqler nar-aq, ngar khoergar, aqyawf maf-euq ghanrcae jawr ma.”

Eˇpeˇsu 3:14

Garkawv heudeuq-euq baqda’nae, ngar, aqdui-euq Sanqpaq Yeqsur Kali-euq Aqda Miqyaer-euq maeqshi, pawqtsuif pawqdmq dmq-awr guiqlanq sharluf-eu ma.

Yoˇhaˬ 16:32

Nawmaf caevbyav jir-awr, yawqha-euq jawrduq-anr caevghof jir-awr, ngaq-anr taef-aer byaerdzae yaf-eu aryamq keuvle luf-eu mae. Nymq-mr nae keuvle-euq mae. Aerkhawf, ngar-aq, ngar tiq ghaq taef-aer jawr-eu maqngeur, Aqda, ngaq naeq-aer jawrluf-eu mae.

Yoˇhaˬ 16:2

Aqcawq, nawmaf-anr zanrdawq khawqnymr-anr nae taedov naeqlaf taef-a. Khoeruqtaf, nawmaf-anr saef-eu aqsur ghaq maqkaq, aqyawf, Miqyaer-euq gar mr-eu ma laer noeq-eu aryamq keuvle luf-eu mae.

Yoˇhaˬ 5:28

“Nawmaf garkawv heu-anr taq zanqler. Aqjeq mirnae aernar-aq, aryamq keuvlar ngae, lmqbymr-anr bafpanq taq-euq tsawrhaq dawqtawvluf, aqyawf-euq tersar yagaq-awr,

1 Beˬtuˆluˆ 1:17

Myavpyawq huiqnyir maqtserni tsawrhaqzaq yawqha nae kharmr kharshar-euq gar haw-awr, yarkhaq dar-eu khoerghaq-anr nawmaf, ‘Aqda’ laer kur-eu ngeur nar-aq, nawmaf khardaef-eu khoerkeuvni, aqyawf-anr guv-eu lafkhoer daef-awq.

Gʼaˬkʼehˇ 6:14

Naqzaqlaer tsawrhaq Yeqsur, uqduq tanqnymr nymrma heu-anr pyavdzae-awr, ‘Morseq nae aqdui-anr bi tawqka lef-euq zanr deuq-anr khawf lavpar taef-a’ laer aqyawf aer-eu gar nga’maf yagaq-euq ma.”

Yoˇhaˬ 14:6

Yeqsur, aqyawf-anr heulof-aer aernaeq-euq mae, “Ngar-aq, garma ma, yawtsaq yawdawr jeq hawr-eu daef-eu jeq khawf ngeur ma. Ngaq-anr maqghoe nar-aq, tsawrhaq tiqghaq-iq Aqda jawr-eu gar maq lekeuv nya-a.

Yoˇhaˬ 5:25

“Ngar, nawmaf-anr aqdir aqmar aernaeq nyar, shir-euq tsawrhaq deuq, Miqyaer-euq Zaqyo-euq tersar-anr yagaq-eu aryamq keuvle luf-eu mae. Nymq-mr nae keuvle-euq mae. Yagaq-euq tsawrhaq yadaef taef-a.

Luˇkaꞈ 21:24

Aqyawfmaf, micaer khaeq-anr yashir taef-a. Aqyawfmaf, mirkhanq yawqkhanq navluf-anr zaqkhav lof-aer yabi nyaefghae taef-a. Aqcawq tsawrjeuq tsawrca deuq, aqyawf maf-euq aryamq byanlar ngae keuvni, Yeqlursaqlaeq-anr nawqtaeqtaq taef-a.”

Maꞈtehˬ 28:19

Khoermirnae, nawmaf ir-awr, tsawrjeuq tsawrca dawqtawvluf, ngaq-euq zaqlanr pyeuflarni mr-ir-awq. Aqda, Zaqyo hawr-eu Yawshawr Saflar-euq tsawrmyanr-euq uqmov, aqyawf maf-anr bartirsaq mrnaeq-awq.

Panmaeq 21:22

Aerkhawf, ngar, meuq heumeuq-euq lafkhoer yawshawr lawv jav-eu maqmawr-aq. Aqjeq mirnae aernar-aq, baoq huiq duidui-eu Sanqpaq Miqyaer hawr-eu Yawrzaq-aq, meuq heumeuq-euq yawshawr lawv pyeuf-eu mae.