Yoˇhaˬ 4:14 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Aerkhawf, ngar bidawr-eu ircuf khardawr-euq tsawrhaq-aq, tiqjawr-iq maqpar maeflar-ar. Ngar bidawr-eu ircuf khoer, tsawrhaq khoerghaq-euq lafkhoer ircuf irbyoe pyeuf-awr, mqmaq maqbyav yarzir daef-eu jeq za-eu gar keuvni tanqdavlaf taef-a.”

Akha

¹⁴ Ehˇ kʼawꞈ, ngaˬ neh biꞈ-euˬ iˇ cuꞈ dawˇ-eu tsawˇ haˬ-aˬ, iˇ cuꞈ mehꞈ laˇ-eu maˬ paˇ baw-aˇ. Ngaˬ neh bi dawˇ-euˬ iˇ cuꞈ kʼoeˇ-aˬ, aˬ yawꞈ laꞈ kʼoeˇ dehꞈ-eu saꞈ laˇ biꞈ-eu iˇ cuꞈ yoeˇ doˆ-eu iˇ cuꞈ iˇ byoe pyeuꞈ-iˇ-awˇ, mˬ maˬ maˬ byaˆ zaˇ ziˇ dehꞈ-eu jeˬ aˬ yawꞈ-ahˇ biꞈ tehꞈ-a.”

Yoˇhaˬ 4:14 Referans Kwoze

Yoˇhaˬ 6:35

Yeqsur, aqyawf maf-anr heulof-aer aernaeq-euq mae: “Ngar-aq, daef-eu jeq bif-eu kaqmur ma. Ngar jawr-eu gar lar-eu tsawrhaq-aq, hawq maqpar maef-ar. Ngaq-anr jan-eu tsawrhaq-aq, ircuf tiqjawr-iq maqpar maef-ar.

Panmaeq 7:16

Aqyawf maf-aq, dzaqdzaq dawrdawr maqpar maef-aer, nanrma hawr-eu yawsaf yawlanr khawf, aqyawf maf-anr maqcoeq maqciv-ar.

Yoˇhaˬ 11:26

Ngaq-euq lafkhoer jawr-awr, ngaq-anr kharjan-eu tsawrhaq-aq, tiqjawr-iq maqya shir-ar. Nawr dawq heudawq-anr jan ma laq?”

Yoˇhaˬ 6:58

Kaqmur heu-aq, nawmaf-euq aqpoeq deuq nae dzaq-euq maqnav kaqmur khoer-anr maqdur-a. Aqyawfmaf yadzaq-euq khawf shir-euq mae. Kaqmur heu-aq, mq-anr nae oe-euq mae. Kaqmur heu dzaq-eu tsawrhaq-aq, mqmaq maqbyav yarzir yadaef taef-a.”

1 Yoˇhaˬ 5:20

Khoeruqtaf, aqdui, tsaq-awr dawr-eu ghaq-anr siqnya larni, Miqyaer-euq Zaqyo oe-awr, ghovsiq ghovshaw nya-eu jeq bifnaeq laf-euq mae laer siqnya ma. Aqdui, aqyawf-euq Zaqyo, Yeqsur Kali-euq lafkhoer jawrluf-eu mirnae, aqdui, tsaq-awr dawr-eu ghaq-euq lafkhoer jawrluf-awr, aqyawf-aq, aqdir Miqyaer hawr-eu mqmaq maqbyav yarzir daef-eu jeq khawf pyeuf-eu mae laer khawf siqnya-eu ma.

2 Gawˇliˬtu 1:22

Aqdui-aq, aqyawf-euq tsawrhaq ma laer kamq-eu gharduq, aqyawf, aqdui-euq nuima-euq lafkhoer muiq-eu Saflar bi jawrle-awr, aqdui-euq mawrdo-anr jmq diqtaq-euq mae.

Lormav 6:23

Aqjeq mirnae aernar-aq, iqbax mr-eu mirnae za-eu arpoeq-aq yashir-eu mae. Aerkhawf, Miqyaer nae bifnaeq laf-euq lafsawq-aq, aqdui-euq Sanqpaq Yeqsur Kali-euq lafkhoer, mqmaq maqbyav yarzir yadaef-eu mae.

1 Beˬtuˆluˆ 1:22

Nawmaf, muiq-eu Saflar baqda’nae yawtsaq yawdawr jeq-anr narhaq geuf-awr, nawmaf-euq nuima saflar muiqlar shawrlar-euq mirnae, aqyuif aqnyir yawkaq aqdir gaq-awr, nuima shawrjaevni zifdanni tiqghaq tirghaq gaq-awq.

Yoˇhaˬ 10:10

Smrkhoeq-aq, khoeq-eu, saef-eu, lavcawv-eu laer taef-aer lar-eu mae. Ngar-aq, aqyawfmaf daef-eu jeq biza-eu uqtaf, aqyawfmaf daef-eu khoer tiqbyan tiqlof biza-eu gharduq oe-euq ma.

Eˇpeˇsu 4:30

Miqyaer-euq Yawshawr Saflar nuima cawv paq-aer taqmr. Miqyaer, Yawshawr Saflar-anr ghoe-awr nawmaf-anr kakhof naeqlaf-eu arnan-euq gharduq, jmq diqtaq-euq mae.

Lormav 5:21

Iqbax uvlanr-eu baqda’nae shir-eu gar bikeuv-awr, tsaq-awr dawr-eu jeq-anr ghoe-awr guiqlanq yawdzanr uvlanr-eu baqda’nae, aqdui-euq Sanqpaq Yeqsur Kali-anr ghoe-awr, mqmaq maqbyav yarzir daef-eu lafkhoer sheuqkeuv lef-eu mae.

Maꞈtehˬ 25:46

Aqyawf maf-aq, mqmaq maqbyav yarzir darnaeq-eu lafkhoer ya’ur-ir-awr, tsaq-awr dawr-eu tsawrhaq deuq-aq, mqmaq maqbyav yarzir daef-eu lafkhoer ya urler taef-a.”

Maꞈtehˬ 5:6

“Tsaq-awr dawr-eu jeq-anr maef-awr shuf-eu tsawrhaq deuq-aq, guiqlanq huiq-eu mae. Aqjeq mirnae aernar-aq, aqyawfmaf ya dzaqdaev ya dawrdaev taef-a.

Yoˇhaˬ 4:10

Yeqsur, aqyawf-anr aerkhof naeq-eu, “Miqyaer nae bif-euq lafsawq hawr-eu, ‘Ngaq-anr ircuf bidawr naeqlaf-awq’ laer nawq-anr sharluf-eu ghaq aqsur ghaq la laer nawr siqnya lawnmr-aq, nawr, aqyawf-anr shar taef-a. Aqyawf khawf nawq-anr daef-eu jeq bif-eu ircuf bidawr naeqlaf taef-a.”

Yoˇhaˬ 4:11

Khoerngae, zaqmiq aqbur khoerghaq heulof-aer aer-eu mae: “Saqlaq-or! Nawr ircuf khawf-eu keuka maqanr-eu uqtaf, landuq heuduq yawnaf mae. Nawr, daef-eu jeq bif-eu ircuf aqgeugar nae khawflaq-ir-eu?

Yoˇhaˬ 4:13

Yeqsur, aqyawf-anr heulof-aer aerkhof naeq-euq mae, “Ircuf heu khardawr-eu tsawrhaq-aq, par maeflar-a siq.

Yoˇhaˬ 4:36

Saeq-eu ghaq hawr-eu yaeq-eu ghaq tiqkawv lof-aer laqkhaq yacaerni, yaeq-eu ghaq arpoeq za-awr, mqmaq maqbyav yarzir bidaef-eu arsiq dae’uiq-eu mae.

Yoˇhaˬ 6:27

Buf-ir cawv-ir nya-eu dzaqdzaq dawrdawr za’ni taq laejae. Aerkhawf, Tsawrhaq-euq Zaqyo bifnaeq nya-eu mqmaq maqbyav yarzir zif-eu dzaqdzaq dawrdawr za’ni laejae-awq. Aqjeq mirnae aernar-aq, Aqda Miqyaer nae Tsawrhaq-euq Zaqyo-anr jmq diqtaq-euq mae.”

Yoˇhaˬ 7:37

Yawbui bui-eu arsaqsaq ngae nan-aq, huiqdzaeq-eu nan mae. Yeqsur gawqyawf yawf-awr, tersar yawkhav-aer heulof-aer aer-eu mae, “Ircuf kharmaef-eu tsawrhaq, ngar jawr-eu gar lar-awr dawrlar-awq.

Panmaeq 7:17

Aqjeq mirnae aernar-aq, nuirmanq-euq ghanrcae jawr-eu Yawrzaq-aq, yawr-anr bo-eu lof-aer aqyawf maf-anr bosav taef-a. Daef-eu jeq bif-eu ircuf irbyoe jav-eu gar, aqyawf maf-anr sheuqghae taef-a. Miqyaer, aqyawf maf-euq myavnuiv-anr nae myavbir yawqdzuif navluf-anr sivdzaejir naeq taef-a.”