Yoˇhaˬ 3:36 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁶ Zaqyo-anr jan-eu tsawrhaq-aq, mqmaq maqbyav yarzir daef-eu jeq za-eu mae. Zaqyo-anr maqjan-eu tsawrhaq-aq, daef-eu jeq-anr maqya mawr-eu uqtaf, Miqyaer nuima paer-eu jeq, yawqjawr navluf aqyawf-euq khoertav javluf-eu mae.”

Akha

³⁶ Zaˬmaˇ-ahˇ kʼaˇ jah-eu tsawˇ haˬ-aˬ, mˬ maˬ maˬ byaˆ zaˇ ziˇ dehꞈ-eu jeˬ za-eu meh. Zaˬmaˇ-ahˇ maˬ jah-eu tsawˇ haˬ-aˬ, dehꞈ-eu jeˬ maˬ za-ehˇ, Miˬyehˇ kʼehˬ nehˬ kʼaˆ nehˬ-eu uˬ moˆ ya jawˇ tehꞈ-a.

Yoˇhaˬ 3:36 Referans Kwoze

Yoˇhaˬ 5:24

“Ngar, nawmaf-anr aqdir aqmar aernaeq nyar, aqsur ghaq maqkaq, ngaq-euq dawq narhaq-awr, ngaq-anr khaerghae lef-euq ghaq-anr jan nar-aq, mqmaq maqbyav yarzir daef-eu jeq za-awr, yarkhaq dar-eu gar maqya daq-aer, shir-eu jeq-anr nae dovle ghaq-awr, daef-eu jeq-euq lafkhoer urler dzeur-euq mae.

Yoˇhaˬ 1:12

Aerkhawf, aqyawf-anr hageuf-awr, aqyawf-euq tsawrmyanr-anr kharjan-eu tsawrhaq-anr aqyawf, aqyawf maf-anr aryaq bif-awr, Miqyaer-euq zaq bi pyeuflar-eu mae.

1 Teˇsaˬloˇni 5:9

Aqjeq mirnae aernar-aq, Miqyaer, aqdui-anr aqyawf-euq nuima paer-eu jeq-anr bidaq-eu gharduq maqngeur-eu, aqdui, Sanqpaq Yeqsur Kali-anr ghoe-awr nae kakhof-eu jeq biza-eu gharduq tserdov taq-euq mae.

Eˇpeˇsu 5:6

Gardanr maqtsoeq-eu dawq zmq-awr tiqghaq nae-iq nawmaf-anr maershuir taqbi shuirtawvlar. Aqjeq mirnae aernar-aq, heudeuq-euq baqda’nae, Miqyaer nuima paer duidui-eu jeq, maq narhaq geuf-eu tsawrhaq-euq khoertav keuvle taef-a.

Lormav 5:9

Khoernav maqtser, nymq-mr Kali-euq shiq-euq baqda’nae, aqdui tsaq-awr dawr-eu tsawrhaq pyeuflar-euq ma. Khoeruqtaf, aqyawf-euq baqda’nae aqdui, Miqyaer nuima paer-eu jeq-anr nae yabuq-ir taef-a.

Yoˇhaˬ 8:51

Ngar, nawmaf-anr aqdir aqmar aernaeq nyar, ngaq-euq dawq-anr mrcaw-eu tsawrhaq aqsur ghaq maqkaq, shir-eu jeq-anr tiqjawr-iq maqya mawr-ar.”

Yoˇhaˬ 10:28

Khoeruqtaf, ngar, aqyawf maf-anr mqmaq maqbyav yarzir daef-eu jeq bif-awr, aqyawfmaf tiqjawr-iq maqya cawv-ir-ar. Ngaq-euq aqlaf-anr nae tiqghaq-iq yawr khoerdeuq-anr maq ludov nya-ar.

Yoˇhaˬ 3:3

Yeqsur aerkhof naeq-eu, “Ngar, nawq-anr aqdir aqmar aernaeq nyar, tsawrhaq tiq ghaq maq daefpov maq daefpar nar-aq, Miqyaer uvlanr-eu jeq-anr maqya mawr-ar.”

Panmaeq 21:8

Aerkhawf, guvcoer-eu, maqjan-eu, nuidav davlar paq-aer ghae-eu jeq mr-eu, tsawrhaq saef-eu, banq-awr khaqmiq sheu-eu, nyirpaq shavma geuf-eu, tanqpanq aqma mawrkawr-anr uqduq tanq-eu hawr-eu jaqmyawf myawf-eu tsawrhaq dawqtawvluf, tsawrhaq heudeuq-anr of-eu jawrduq-aq, miqdzar dzarshuir dofluf-eu miqdzaq-euq lan mae. Heu-aq, nyiq pov tiqpov shir-eu jeq pyeuf-eu mae.”

1 Teˇsaˬloˇni 1:10

Khoermirnae, shir-euq khawf Miqyaer nae bi ghofdaef lar-euq aqyawf-euq Zaqyo, mq-anr nae zafka le-eu gar nawmaf dawqluf-eu mae. Zaqyo khoerghaq-aq, aqkar keuvle-eu Miqyaer-euq nuima paer-eu jeq-anr nae aqdui-anr bibuq-ir naeqlaf-euq Yeqsur mae.

Gaˬlaˬtiˆ 3:10

Zanrdawq-euq maeqnan khar cantae-eu tsawrhaq-aq, yaqkhaer yaq-eu lafov jawrluf-eu mae. Aqjeq mirnae aernar-aq, “Zanrdawq-euq lafkhoer khar boftaq-euq yawqjeq navluf-anr aqmyanluf maqmr-eu tsawrhaq dawqtawvluf, yaqkhaer yaqgar yadaq mae,” (Dm 27:26) laer Yaerbof-euq lafkhoer boftaq-euq mae.

Lormav 8:1

Khoermirnae, nymq-mr Yeqsur Kali-euq lafkhoer jawr-awr, shiqshaq-euq nuikhanr maeqnan maqcan-aer, muiq-eu Saflar-euq lafkhoer canluf-eu tsawrhaq deuq-aq, yarkhaq dar-eu gar maqpar yadaq-eu mae.

Luˇkaꞈ 3:6

Shiqshaq khar piluf-eu tsawrhaq dawqtawvluf, Miqyaer-euq kakhof-eu jeq-anr ya’mawr taef-a. Shiqshaq khar piluf-eu tsawrhaq dawqtawvluf Miqyaer-euq kakhof-eu jeq-anr ya’mawr taef-a.’ ” (Isy 40:3-5)

Jaceuq 49:19

Aqyawfmaf, yawshaef maqpar ya’mawr-eu mirkhanq-anr, Aqyawf, aqyawf-euq aqpoeq tsuifga deuq jawr-eu gar ya’ir taef-a.

Jaceuq 36:9

Aqjeq mirnae aernar-aq, nawr daef-eu jeq bif-eu cuq jav-awr; Nawq-euq yawshaef-euq lafkhoer, nga’maf yawshaef mawrnya-eu ma.

HeˬByehˇ 10:29

Sharnoeqhaw sher-eq. Miqyaer-euq Zaqyo-anr aqkuir-euq uqmov nawqtaeq taq-awr, yawqha-anr lavshawr-euq dawqma sarjax-euq shiq-anr, arpoeq maqbaw-eu lof-aer sawx-awr, guiqlanq yawdzanr bif-eu muiq-eu Saflar-anr yaeqbawq-aer ghae-eu tsawrhaq tiq ghaq, arnavni doerdzaeq-eu darnaeq-eu jeq-anr yadaq-eu jeq nya?

HeˬByehˇ 2:3

Aqdui heunav nav-aer huiq-eu kakhof-eu jeq heu-anr maq noeqpoeq nar-aq, aqjox-aer caevdzeurnya nmr-mq? Kakhof-eu jeq heu-anr, ardanqbae ngae-aq, Sanqpaq Yeqsur nae maeqnaeq laf-awr, yagaq-euq tsawrhaq deuq, aqdui-anr aerduq naeqlaf-euq mae.

Jaceuq 2:12

Zaqyo-anr maeqsaw saw-awq, maqngeur nar-aq, aqyawf nuima paerlar-awr, Nawr, garma-anr yacawv-ir-eu baw-mr. Aqjeq mirnae aernar-aq, aqyawf-euq nuipaer yawkawr-aer keuvle nya-eu mae. Aqyawf-anr ghoe-eu tsawrhaq dawqtawvluf, guiqlanq huiq-eu mae.

Lormav 4:15

Aqjeq mirnae aernar-aq, zanrdawq-aq, Miqyaer nuima paer-eu jeq bi keuvle-eu mae. Aerkhawf, zanrdawq maqjav-eu gar-aq, mrbanq-eu jeq khawf maqjav-a.

Luˇkaꞈ 2:30

Aqjeq mirnae aernar-aq, ngaq-euq myavnuiv nae nawq-euq kakhof-eu jeq-anr ya mawrghaq-euq ma.

Maꞈtehˬ 25:46

Aqyawf maf-aq, mqmaq maqbyav yarzir darnaeq-eu lafkhoer ya’ur-ir-awr, tsaq-awr dawr-eu tsawrhaq deuq-aq, mqmaq maqbyav yarzir daef-eu lafkhoer ya urler taef-a.”

Maˬkuˆ 16:16

Jan-awr bartirsaq hageuf-eu tsawrhaq-aq, kakhof-eu jeq za taef-a. Aerkhawf, maqjan-eu tsawrhaq-aq, yarkhaq dar-eu gar yadaq taef-a.

Yoˇhaˬ 4:36

Saeq-eu ghaq hawr-eu yaeq-eu ghaq tiqkawv lof-aer laqkhaq yacaerni, yaeq-eu ghaq arpoeq za-awr, mqmaq maqbyav yarzir bidaef-eu arsiq dae’uiq-eu mae.

Yoˇhaˬ 6:58

Kaqmur heu-aq, nawmaf-euq aqpoeq deuq nae dzaq-euq maqnav kaqmur khoer-anr maqdur-a. Aqyawfmaf yadzaq-euq khawf shir-euq mae. Kaqmur heu-aq, mq-anr nae oe-euq mae. Kaqmur heu dzaq-eu tsawrhaq-aq, mqmaq maqbyav yarzir yadaef taef-a.”

Gʼaˬkʼehˇ 14:2

Aerkhawf, aqyuif aqnyir deuq-anr muirni, maqjan-eu Yurdav tsawrhaq deuq-aq, aqcawq tsawrjeuq tsawrca-anr lavteuv-awr, aqyawf maf-euq nuinoeq-anr dzardof dawv-euq mae.

HeˬByehˇ 3:18

Miqyaer, aqyawf-euq ghaqnaq naqduq-anr maqbi urlar laer, aqsur ghaq-anr kamq-eu lafkhoer aernaeq-euq la? Aqyawf-euq dawq maq narhaq geuf-eu tsawrhaq khoerdeuq-anr maqngeur-a lor?

HeˬByehˇ 3:19

Khoermirnae, aqyawfmaf maq urler nya-euq khoer-aq, maqjan-euq mirnae nga laer aqdui-anr mawrlar-eu mae.