Yoˇhaˬ 3:32 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³² Aqyawf nae yagaq ya’mawr-euq deuq aqyawf sarkir kamq-eu mae. Aerkhawf, aqyawf nae sarkir kamq-euq gar tiqghaq-iq maq hageuf-a.

Akha

³² Aˬ yawꞈ neh ya gaˬ ya mawˇ-euˬ jeˬ aˬ yawꞈ ja mehˬ-eu meh. Ehˇ kʼawꞈ, aˬ yawꞈ ehˇ gaˇ tiˬ gʼaˬ-iˬ maˬ jah-a.

Yoˇhaˬ 3:32 Referans Kwoze

Yoˇhaˬ 3:11

Ngar, nawq-anr aqdir aqmar aernaeq nyar, nga’maf siqluf-eu garkawv nga’maf ja-awr, nga’maf mawrluf-eu garkawv nga’maf sarkir kamq-eu ma. Aerkhawf, nga’maf sarkir kamq-eu gar nawmaf maq hageuf-a.

Yoˇhaˬ 15:15

Aqkar nar-aq, ngar, nawmaf-anr zaqkhav laer maqpar kur ma. Aqjeq mirnae aernar-aq, zaqkhav-aq, yawsanr aqjeq mrluf-eu la laer maq siqnya-a. Aerkhawf, ngar, nawmaf-anr cawq laer kur ma. Aqjeq mirnae aernar-aq, ngar, ngaqDa-anr nae kharya gaq-euq yawqjeq navluf nawmaf-anr aernaeq-eu ma.

Yoˇhaˬ 1:11

Aqyawf, aqyawf nae baetaq-euq mirtsaq-anr oe-euq khawf, aqyawf-euq tsawrhaq deuq, aqyawf-anr maq hageuf-a.

Yoˇhaˬ 8:26

Ngar, nawmaf-euq garkawv ja-awr, yarkhaqdar paq-aer ghae-eu ghawqmya jeq jav-eu ma. Aerkhawf, ngaq-anr khaerghae lef-euq ghaq tsaq-awr dawr-eu mae. Ngar, aqyawf-anr nae yagaq-euq deuq mirtsaqzaq-anr ja’maeq naeq-eu ma.”

Yoˇhaˬ 5:20

Aqda-aq, Zaqyo-anr gaq-awr, aqyawf kharmr-eu dawqtawvluf Zaqyo-anr bimawr-eu mae. Nawmaf bi zanqler paq-aer heudeuq navmaqtser huiq-eu jeq khawf, aqyawf, Zaqyo-anr bimawr taef-a.

Yoˇhaˬ 3:33

Aqyawf nae sarkir kamq-euq gar hageuf-eu tsawrhaq-aq, Miqyaer-aq, tsaq-awr dawr-eu mae laer jmq diq-eu mae.

Yoˇhaˬ 3:26

Aqyawfmaf, Yorhaq jawr-eu gar lar-awr aer-eu, “Laqbir-or! Hawsher-eq. Yawrdaq lawrbaq-euq nanrma dovkhaeq paw nawq naeq-aer jawr ngae, aqyawf-euq garkawv nawr sarkir kamq-euq khoerghaq, nymq-mr aqcawq-anr bartirsaq mrnaeq luf-eu mae. Tsawrhaq dawqtawvluf, aqyawf jawr-eu gar irluf-eu mae.”

Maꞈtehˬ 7:8

Aqjeq mirnae aernar-aq, kharshar-eu tsawrhaq-aq za-awr, pov-eu tsawrhaq ya’mawr-eu uqtaf, larghov-anr khov-eu tsawrhaq-anr khawf pannaeq taef-a.

Yoˇhaˬ 18:37

Khoermirnae, Pirlav, aqyawf-anr narhaq-eu, “Tox-aer mar-iq, nawr sanqpaq le lor?” Yeqsur aerkhof naeq-eu, “Nawr, ngaq-anr sanqpaq laer aer-eu tsaq mae. Ngar yawtsaq yawdawr-euq gharduq sarkir kamqni daefle-awr, ngar heu-euq gharduq mirtsaq-euq khoertav oe-euq ma. Yawtsaq yawdawr-anr khartaf-eu tsawrhaq-aq, ngaq-euq tersar-anr narhaq-eu mae.”