Yoˇhaˬ 3:31 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³¹ “Mq-anr nae oe-euq ghaq-aq, dawqtawv luf-euq khoertav huiqdzaeq-eu ghaq mae. Mirtsaq-anr nae dovlar-euq ghaq-aq, mirtsaq-anr taf-awr, mirtsaq-euq garkawv taef-aer ngaeq-awr tmr-eu mae. Mq-anr nae oe-euq ghaq-aq, dawqtawv luf-euq khoertav huiqdzaeq-eu ghaq mae.

Akha

³¹ Mˬ-ahˇ neh oe-euˬ gʼaˬ-aˬ, dawˬ tawˆ kʼoeˇ taˆ huiˬ dzehˬ-eu meh. Miˇ tsaˬ kʼoeˇ taˆ jawˇ-eu gʼaˬ-aˬ, miˇ tsaˬ-ahˇ taꞈ-awˇ, miˇ tsaˬ kʼoeˇ taˆ-euˬ gaˇ kawˆ tehꞈ-ehˇ ngehˬ-eu tmˇ-eu meh. Ehˇ kʼawꞈ, mˬ-ahˇ neh oe-euˬ gʼaˬ-aˬ, dawˬ tawˆ luꞈ kʼoeˇ taˆ huiˬ dzehˬ-eu gʼaˬ meh.

Yoˇhaˬ 3:31 Referans Kwoze

Yoˇhaˬ 8:23

Khoerngae, Yeqsur, aqyawf maf-anr heulof-aer aernaeq-eu mae, “Nawmaf-aq, lafov paw nae lar-euq mae. Ngar-aq, laftav paw nae oe-euq ma. Nawmaf-aq, mirtsaq heu-anr taf-eu mae. Ngar-aq, mirtsaq heu-anr maqtaf.

Maꞈtehˬ 28:18

Yeqsur, aqyawf maf-euq dawqpae jivlar-awr heulof-aer aernaeq-euq mae: “Mq-euq khoertav hawr-eu mirtsaq-euq khoertav-euq aryaq dawqtawvluf, ngaq-anr bifnaeq laf-euq mae.

Lormav 9:5

Aqpoeq deuq-aq, aqyawf maf-euq aqpoeq mae. Shiqshaq paw aerlef nar-aq, Kali khawf aqyawf maf-euq arjeuq arca mae. Aqyawf-aq, dawqtawv luf-euq khoertav uvlanr-awr, arsaq saq-eu maqbawni jaceuq-eu geux-eu Miqyaer mae. Aqmeq.

Yoˇhaˬ 6:33

Aqjeq mirnae aernar-aq, Miqyaer-euq kaqmur-aq, mq-euq khoertav nae oe-awr, mirtsaqzaq-anr daef-eu jeq bif-eu khoerghaq mae.”

1 Yoˇhaˬ 4:5

Aqyawfmaf mirtsaq-anr taf-eu mirnae, mirtsaq-anr taf-eu garkawv ngaeq-eu mae. Mirtsaqzaq khawf aqyawf maf-euq dawq narhaq-eu mae.

Yoˇhaˬ 6:51

Ngar-aq, mq-anr nae oe-euq daef-eu jeq bif-eu kaqmur ma. Kaqmur heu-anr khardzaq-eu tsawrhaq-aq, mqmaq maqbyav yarzir yadaef-eu mae. Mirtsaqzaq yadaefni ngar yabif-eu kaqmur-aq, ngaq-euq shiqshaq yabif-eu mae.”

Panmaeq 19:16

Aqyawf-euq paerkhanq paermanr hawr-eu shaqpyaq-anr heulof-aer boftaq-euq mae, “Sanqpaq deuq-euq Sanqpaq, Yawsanr deuq-euq Yawsanr.”

1 Beˬtuˆluˆ 3:22

Yeqsur mq-euq khoertav ghofdav ler-awr, Miqyaer-euq armar paw nuirluf-eu mae. Mqtav ghaqkhaer deuq, aryaq jav-eu deuq, baoq huiq-eu deuq, dawqtawvluf, aqyawf-euq lafov jawrluf-eu mae.

Yoˇhaˬ 1:27

Aqyawf, ngaq-euq maeqnan oe-euq khawf, ngaq-euq navmaqtser huiqdzaeq-eu mae. Ngar, aqyawf-euq saeqnawv arcav puirnaeq-eu taef-aer khawf maqgeux-a.”

Gʼaˬkʼehˇ 10:36

Miqyaer, aqyawf-euq dawq, Irsaqleqlav tsawrhaq-anr bif-euq mae. Dawq khoerdawq-aq, dawqtawv luf-euq Sanqpaq pyeuf-eu Yeqsur Kali-euq baqda’nae, nuisar biza’ni maeq-eu guiqlanqdawq mae.

HeˬByehˇ 9:1

Aqdir aernar-aq, dawqma sarjax yawbae hmq khawf, uqduq tanq-eu zanrtaq khoftaq jav-awr, mirtsaq-anr taf-eu shawr-eu jawrduq khawf jav-eu mae.

Yoˇhaˬ 1:30

‘Ngaq-euq maeqnan oeluf-eu khoerghaq-aq, ngaq-euq navmaqtser huiq-eu mae. Aqjeq mirnae aernar-aq, ngar maq daefle-euq minav-aer aqyawf daefluf-eu mae’ laer ngar aer-eu khoerghaq-aq, aqyawf mae.

Yoˇhaˬ 1:15

Yorhaq, aqyawf-euq garkawv sarkir kamq-awr, heulof-aer yawkhav-aer gur-eu lafkhoer aer-eu, “ ‘Ngaq-euq maeqnan oeluf-eu heughaq-aq, ngaq-euq navmaqtser huiqdzaeq-eu mae. Aqjeq mirnae aernar-aq, ngar maq daefle-euq minav-aer aqyawf daefluf-eu mae’ laer ngar aer-eu khoerghaq-aq aqyawf mae.”

Yoˇhaˬ 3:30

Aqyawf-aq, yahuiq ya manrlar-awr, ngar-aq, yateq ya’nyir-ir-eu mae.”