Yoˇhaˬ 3:27 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁷ Yorhaq heulof-aer aerkhof naeq-euq mae, “Mq-euq khoertav jawr-eu Miqyaer nae bifnaeq-euq jeq maqngeur nar-aq, tsawrhaqzaq-aq tiqjeq-iq maqza nya-a.

Akha

²⁷ Yoˇhaˬ ehˇ-eu, “Tsawˇ haˬ aˬ geu gʼaˬ maˬ kaˬ, Miˬyehˇ neh maˬ biꞈ-euˬ gaˇ tiˬ jeˬ-iˬ maˬ za nya-a.

Yoˇhaˬ 3:27 Referans Kwoze

Yaˬkoˆ 1:17

Guiqlanq yawmuiq dawqtawvluf hawr-eu kufdui byan duidui-eu lafsawq dawqtawvluf mq-euq khoertav jawr-eu yawshaef-euq Aqda-anr nae oe-euq mae. Aqyawf-aq, povlar parlar-eu narshmr maqbaw-aer, tiqjawr-iq maqpov maq parlar-a.

1 Gawˇliˬtu 4:7

Aqsur ghaq nae nawmaf-anr bi beugar lar-euq la? Nawr bifnaeq laf-eu gar za-euq maqngeur-eu aqjeq jav-eu le? Nawr aqdir bifnaeq laf-eu gar za-euq ngeur nar-aq, maqngeur-eu lof-aer aqjeq mirnae nuima huiqluf-eu le?

1 Gawˇliˬtu 15:10

Aerkhawf, Miqyaer-euq guiqlanq yawdzanr baqda’nae ngar heulof-aer pyeufluf-eu ma. Aqyawf nae ngaq-anr bifnaeq laf-euq guiqlanq yawdzanr-aq yawqngaef maqngeur-a. Ngar, ghaqkhaer nuideuq dawqtawv luf-euq navmaqtser gar mr-euq ma. Aqdir aernar-aq, ngaq nae mr-euq maqngeur, ngaq-euq lafkhoer anr-eu Miqyaer-euq guiqlanq yawdzanr nae mr-euq mae.

Maꞈtehˬ 25:15

Aqyawf, aqyawfmaf mrnya-eu gar haw-awr, tiq ghaq-anr-aq, pyur 5,000 byav, tiq ghaq-anr-aq 2,000 byav, tiq ghaq-anr-aq 1,000 byav laer bifnaeq yaf-awr, tiqpov taef-aer garmanr kaq-eu gar ir-euq mae.

1 Tiˆmoˇseˬ 2:7

Khoer-euq gharduq, ngar-aq, dawqmaeq maeq-eu ghaq hawr-eu ghaqkhaer pyeuflarni khawf, jan-eu jeq hawr-eu yawtsaq yawdawr jeq-euq garkawv aqcawq tsawrjeuq tsawrca-anr maeqnaeq tsovnaeq-ir-eu maeqzaq pyeuflarni khawf, Miqyaer, ngaq-anr tserdov naeqlaf-euq mae. Ngar heulof-aer aer-eu-aq, jaqmyawf myawf-eu maqngeur, Kali-euq lafkhoer yawtsaq yawdawr dawq ngaeq-eu ma.

Maꞈtehˬ 21:25

Yorhaq-euq bartirsaq mrnaeq-eu jeq aqgeugar nae oe-euq la? Mq-euq khoertav nae oe-euq la lor? Maqngeur nar-aq, tsawrhaq-anr nae lar-euq la laq?” Khoerngae, aqyawf maf-euq yawkaq jasawx-eu lafkhoer aer-eu, “Aqduimaf, ‘Mq-euq khoertav nae oe-euq mae’ laer aernar-aq, aqyawf, ‘Tox-aer mar-iq, nawmaf, aqyawf-anr aqjeq mirnae maqjan-eu le’ laer aerlar taef-a.

Lormav 12:6

Aqdui-anr bifnaeq laf-euq guiqlanq yawdzanr-euq baqda’nae, aqdui zataq-euq lafsawq maq durler-a. Aqdui lafsawq khoerdeuq zmq kar-eur: Miqyaer gharduq ngaeqdan-eu lafsawq za-euq ngeur nar-aq, jan-eu ghaq kharkhav-eu lof-aer Miqyaer gharduq ngaeqdan-awq.

Maˬkuˆ 13:34

Aryamq khoer-aq, tsawrhaq tiq ghaq, yawqkhanq yawqmir yawq-anr ir-euq gar dur-eu mae. Aqyawf ir-eu laer ghae ngae, zaqkhav yawqghaq navluf-anr aryaq bif-awr, gar khawf birnaeq yaf-euq uqtaf, larghov-anr lof-eu ghaq-anr khawf, yawbeur beur-aer lofni dawq bifyaf-euq mae.

Eˇpeˇsu 1:1

Ngar-aq, Miqyaer nuima tsaq-eu mirnae, Yeqsur Kali-euq ghaqkhaer geufluf-eu Pawrluv ma. Yeqsur Kali-euq lafkhoer sarjax zif-eu tsawrhaq pyeuf-eu, Erpersu-anr jawr-eu tsawrshawr deuq-anr sanqbof bofanr lef-eu ma.

Gaˬlaˬtiˆ 1:1

Ngar-aq, ghaqkhaer Pawrluv ma. Ngar ghaqkhaer geufluf-eu-aq, tsawrhaq nae bi geufnaeq laf-euq maqngeur-aer, tsawrhaqzaq nae aryaq bifnaeq laf-euq khawf maqngeur-a. Yeqsur Kali hawr-eu aqyawf-anr shir-euq gar-anr nae bi ghofdaef lar-euq Aqda Miqyaer nae bi geufnaeq laf-euq mae.

1 Gawˇliˬtu 12:11

Aerkhawf, heudeuq dawqtawvluf bi pyeuflarni mr-eu ghaq-aq, muiq-eu Saflar mae. Aqyawf nuima tsaq-eu lof-aer, aqyawf ghaq aqyawf-anr daeqbirnaeq taq-euq mae.

1 Gawˇliˬtu 3:5

Pawrluv aqsur ghaq la? Aqpawrluv khawf aqsur ghaq la? Nga’nyaf-aq, nawmaf janlarni guiqlanq-euq gar mrzaq taef ma. Sanqpaq Miqyaer nae kharbi mrlaf-euq lof-aer yawqha-euq gar yawqha mrluf-eu ma.

Lormav 1:5

Nga’maf, aqyawf-euq baqda’nae, guiqlanq yawdzanr za-awr ghaqkhaer yageuf-euq ma. Khoer-aq, aqyawf-euq tsawrmyanr gharduq hawr-eu mirkhanq-euq tsawrjeuq dawqtawv luf-euq ghanrcae nae, jan-awr narhaq geuf-eu tsawrhaq bi dovlar-eu gharduq mae.

1 Gawˇliˬtu 1:1

Miqyaer nuima tsaq-awr, Yeqsur Kali-euq ghaqkhaer bigeuf-eu laer kurtaq-euq, Pawrluv hawr-eu maernmr Surdeq nga’nyaf,

Yoˇhaˬ 6:65

Yeqsur aer-eu, “Khoermirnae, ngaqDa nae maqbi lar-euq nar-aq, tsawrhaq tiqghaq-iq ngar jawr-eu gar maq larnya-a laer ngar, nawmaf-anr aernaeq-euq ma.”

Yoˇhaˬ 10:41

Tsawrhaq ghawqmya’ni aqyawf jawr-eu gar oe-awr aer-eu, “Yorhaq-aq, bisiq bimawr-eu tiqjeq-iq maqmr-aq. Aerkhawf, Yorhaq nae heughaq-euq garkawv aertaq-euq jeq dawqtawvluf tsaq duidui nga.”