Yoˇhaˬ 3:25 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ Khoerngae, Yorhaq-euq zaqlanr, Yurdav tsawrhaq naeq-aer lavmuiq lavshawr-eu zanr-euq garkawv dawqpyaer pyaerluf-eu mae.

Akha

²⁵ Yoˇhaˬ-euˬ zaˬ lahˇ tiˬ paˆ na deuˬ Yuˇdaˆ tsawˇ haˬ tiˬ gʼaˬ nehˬ-ehˇ, gʼawˇ mawˇ shawˇ-eu zahˇ jahˇ-eu gaˇ kawˆ tsawˇ pyehˇ pyehˇ luꞈ-eu meh.

Yoˇhaˬ 3:25 Referans Kwoze

Yoˇhaˬ 2:6

Yurdav tsawrhaq zanr jav-eu lof-aer irshawr khaqlo ciqcur kof siq jav-eu mae. Tiq siq-euq lafkhoer ircuf 20, 30 keuv derler-eu mae.

HeˬByehˇ 6:2

bartirsaq mrnaeq-eu dawqmaeq dawqtsov, aqlaf bafdav-eu garkawv, shir-euq gar nae ghofdaef lar-eu garkawv hawr-eu arsaq saq-eu maqbawni yarkhaq dar-eu jeq, heudeuq mae.

Maꞈtehˬ 3:11

Nawmaf noeqpov noeqparni, ngar-aq, aqdir nawmaf-anr ircuf nae bartirsaq mrnaeq luf-eu ma. Aerkhawf, ngaq-euq maeqnan oeluf-eu ghaq-aq, ngaq-euq navmaqtser baoq huiq-eu mae. Ngar-aq, aqyawf-euq saeqnawv yurnaeq-eu taef khawf maqgeux-a. Aqyawf-aq, Yawshawr Saflar hawr-eu miqdzaq nae nawmaf-anr bartirsaq mrnaeq taef-a.

1 Beˬtuˆluˆ 3:21

Khoerlof-aer durni, nymq-mr aqdui, bartirsaq mr-awr yabuq-ir-euq ma. Bartirsaq mrnaeq-euq laer aer-eu-aq, mawrdo-anr laef-eu jawflafni ghae-eu jeq-anr tsiqshawr-euq gar aer-eu maqngeur-a. Yeqsur Kali ghofdaef lar-euq gar ghoe-awr, Miqyaer-euq maeqshi zaqsiq nuisiq shawrlar-euq gar aer-eu mae.

HeˬByehˇ 9:23

Khoermirnae, mq-euq khoertav jav-eu keuka deuq-euq arbar pyeuf-eu mrmyawq-anr khawf, heudeuq nae yashawr-eu ngeur nar-aq, mq-euq khoertav-euq mrmyawq keuka-aq, heudeuq navmaqtser muiq-eu lawrnaeq-eu jeq nae ya lavshawr-eu mae.

HeˬByehˇ 9:10

Dzaq-awr dawr-eu jeq hawr-eu tsiqshawr-eu ghawqmya jeq heu-aq, shiqshaq paw taf-eu zanrsanrkhof pyeuf-eu taef mae. Heudeuq-aq, yawshuif lavshuif-eu aryamq maq keuvle-euq khoerkeuvni gardanr tsoeq-eu mae.

Maˬkuˆ 7:8

Nawmaf-aq, Miqyaer-euq zanrdawq khofdawq-anr byaerdzae-awr, tsawrhaq nae tawqka lef-euq zanroer heudeuq-anr zifdanni tuvtaeq taq-euq mae. Irpuq, ircuf khmqmaq hawr-eu guiqshuir khmqmaq deuq-anr jov-eu zanr hawr-eu zanr nuijeq ghawqmya ni-anr tawqluf-eu mae.”