Yoˇhaˬ 3:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Uqcif paw, aqyawf, Yeqsur jawr-eu gar lar-awr aer-eu, “Laqbir-or! Nawr-aq, Miqyaer jawr-eu gar nae oe-euq saqlaq tiq ghaq ngar-a laer nga’maf siqnya-eu ma. Aqjeq mirnae aernar-aq, nawq nae janr-euq bisiq bimawr-eu jeq, janr-eu ghaq naeq-aer Miqyaer maqjawr lawnmr-aq, tsawrhaq tiqghaq-iq maq janrnya-a.”

Akha

² Tiˬ miˇ-aˬ, Yeˬsuˇ jawˇ gaˇ aˬ yawꞈ le-awˇ, heu loˬ-ehˇ ehˇ nehˬ-euˬ meh. “Saˬ laˬ-oˇ, nawˇ-aˬ Miˬyehˇ neh kʼehˇ gʼeh leꞈ-euˬ saˬ laˬ tiˬ gʼaˬ meh lehˇ nga maꞈ siˬ nya ma. Miˬyehˇ aˬ yawꞈ laꞈ kʼoeˇ maˬ jawˇ naˇ, tsawˇ haˬ tiˬ gʼaˬ-iˬ nawˬ neh mˇ-euˬ kʼaˆ jeˬ-ehˇ gʼeh-eu heu jeˬ maˬ mˇ mehˬ nya-aˇ.”

Yoˇhaˬ 3:2 Referans Kwoze

Yoˇhaˬ 5:36

“Aerkhawf, ngar-aq, Yorhaq-euq sarkir navmaqtser huiq-eu jeq jav-eu ma! Aqda nae ngaq-anr bifnaeq laf-euq gardeuq mrluivni, nymq-mr ngar mrluf-eu heu-aq, Aqda nae ngaq-anr khaerghae lef-euq mae laer sarkir kamq-eu mae.

Gʼaˬkʼehˇ 10:38

Miqyaer, Naqzaqlaer tsawrhaq Yeqsur-anr Yawshawr Saflar hawr-eu baoq nae tsaqtsov-awr, aqyawf doedoe-aer can ngae, Miqyaer, aqyawf naeq-aer jawr-eu mirnae, yawmuiq jeq mr-awr, naef sanqpaq khaeq-awr khav-eu gar daqluf-eu tsawrhaq dawqtawv luf-anr bi taqler-euq mae.

Gʼaˬkʼehˇ 2:22

“Irsaqleqlav tsawrhaq deuq-or! Ngar aer-eu gar narhaq sher-eq. Miqyaer, Naqzaqlaer tsawrhaq Yeqsur-anr ghoe-awr, nawmaf-euq ghanrcae khavjeq-aer ghae-eu jeq, zanqler paq-aer ghae-eu jeq hawr-eu bisiq bimawr-eu jeq bimr-awr, Miqyaer nae nawmaf-euq gharduq sarkir bipyeuf-euq ghaq mae laer nawmaf yawqghaq navluf siqnya-eu lof-aer mae.

Yoˇhaˬ 9:16

Khoermirnae, Paqliqsaer tiqpavnav deuq aer-eu, “Tsawrhaq heughaq-aq, Miqyaer jawr-eu gar nae oe-euq maqngeur luf-a. Aqjeq mirnae aernar-aq, aqyawf landaw jawrnan maqtawq-eu beu.” Yawqdeuqyawq aer-eu, “Iqbaxzaq tiq ghaq heulof-aer ghae-eu bisiq bimawr-eu jeq aqjox-aer janrnya-eu?” Khoerngae, aqyawf maf-euq yawkaq armur pav-ir-euq mae.

Yoˇhaˬ 12:37

Yeqsur, aqyawf maf-euq maeqshi bisiq bimawr-eu jeq ghawqmya’ni janrmaeq-euq khawf, aqyawfmaf, aqyawf-anr maqjan-a.

Yoˇhaˬ 1:38

Yeqsur nanrghof ghofhaw-awr, aqyawfnyaf cantae luf-eu gar ya’mawr ngae narhaq-eu, “Nawnyaf aqjeq sharpov luf-eu le?” Aqyawfnyaf narhaq-eu, “Laqbir-or! Nawr aqgar yaf-eu le?” (Laqbir laer aer-eu-aq, saqlaq laer aermawf-eu mae.)

Maꞈtehˬ 22:16

Khoernar-aq, aqyawf maf-euq zaqlanr hawr-eu Heqlor-euq armur-anr ur-eu tsawrhaq deuq-anr, Yeqsur jawr-eu gar khaerghae-awr heulof-aer bi narhaq-euq mae, “Saqlaq-or! Nawr-aq, tsaq-awr dawr-eu tiq ghaq pyeuf-awr, yawtsaq yawdawr dawr-aer Miqyaer-euq garma maeq-eu mae. Aqcawq noeqdoer lar-eu gar khanq maqlanr-aer, myavpyawq huiqnyir khawf maqtser-a laer nga’maf siqnya ma.

Yoˇhaˬ 7:31

Tsawrhaq khoerdeuq-euq lafkhoer ghawqmya ghaq aqyawf-anr janlar-awr aer-eu, “Kali oe ngae, tsawrhaq heughaq nae mr-euq bisiq bimawr-euq deuq myavmaqtser aqyawf mr taef-a lor?”

Yoˇhaˬ 20:16

Yeqsur, aqyawf-anr, “Maqliv-or” laer kur ngae, Maqliv nanrghof ghofhaw-awr, “Laqbornir-or” laer aqyawf-anr kur-euq mae (Laqbornir laer aer-eu-aq, saqlaq laer aermawf-eu mae).

Yoˇhaˬ 15:24

Tsawrhaq tiqghaq nae-iq maq mrhaw-euq gardeuq, ngar, aqyawf maf-euq ghanrcae maqmr-euq lawnmr-aq, aqyawfmaf iqbax maqanr-ar. Aerkhawf, nymq-mr aqyawfmaf gar khoerdeuq-anr ya’mawr-awr, ngaq-anr khawf, ngaqDa-anr khawf byae-eu mae.

Yoˇhaˬ 3:26

Aqyawfmaf, Yorhaq jawr-eu gar lar-awr aer-eu, “Laqbir-or! Hawsher-eq. Yawrdaq lawrbaq-euq nanrma dovkhaeq paw nawq naeq-aer jawr ngae, aqyawf-euq garkawv nawr sarkir kamq-euq khoerghaq, nymq-mr aqcawq-anr bartirsaq mrnaeq luf-eu mae. Tsawrhaq dawqtawvluf, aqyawf jawr-eu gar irluf-eu mae.”

Maˬkuˆ 12:14

Khoermirnae, aqyawfmaf lar-awr, aqyawf-anr heulof-aer aernaeq-euq mae, “Saqlaq-or! Nawr-aq, tsaq-awr dawr-eu tiq ghaq pyeuf-awr, yawtsaq yawdawr dawr-aer Miqyaer-euq garma maeq-eu mae. Aqcawq noeqdoer lar-eu gar khanq maqlanr-aer, myavpyawq huiqnyir khawf maqtser-a laer nga’maf siqnya-eu ma. Sanqpaq Gaersaq-anr jeq dovnaeq-eu tsaq mae lor, maqngeur nar-aq, maqtsaq-a laq?

Piˇliˇpiˆ 1:14

Khoeruqtaf, ngar shmrcav daqluf-eu baqda’nae, Sanqpaq Yeqsur-euq lafkhoer jawr-eu aqyuif aqnyir myaqni tiqpav yawduq bawlar-awr, nuima khaqdzaeq lar-euq uqtaf, guv-eu jeq maqanrni, Yaerdawq ngaeqpeuq lar-euq mae.

Maꞈtehˬ 23:7

Laev-euq lafkhoer, aqcawq, aqyawf maf-anr yawzeu baw-eu lafkhoer dawqcawq bi puqmawf-awr, aqcawq nae aqyawf maf-anr ‘Saqlaq-or! Saqlaq-or’ laer bikur mawf-eu mae.

Maꞈtehˬ 23:8

Aerkhawf, aqcawq nae nawmaf-anr ‘Saqlaq’ laer taqbi kur. Aqjeq mirnae aernar-aq, nawmaf-euq saqlaq tiq ghaq taef-aer jawr-awr, nawmaf dawqtawvluf aqyuif aqnyir taef mae.

Yoˇhaˬ 2:11

Gaqliqlaer mirkhanq-anr jav-eu Gaqnaq pu-anr Yeqsur bisiq bimawr-eu jeq mrbae bae-euq lafkhoer, aqyawf-euq yawshaef khanqsaer aqcawq-anr bimawr-euq mae. Khoerngae, aqyawf-euq zaqlanr deuq, aqyawf-anr janlar-euq mae.

Yoˇhaˬ 4:31

Khoer yawkaq-anr aqyawf-euq zaqlanr deuq, Yeqsur-anr shar-eu, “Laqbir-or! Dzaqlar-awq.”

Yoˇhaˬ 6:2

Khoerngae, tsawrhaq armaf mafma deuq, Yeqsur nae nar-awr gawr-eu tsawrhaq deuq-euq khoertav bisiq bimawr-eu jeq mr-euq gar ya’mawr-euq mirnae, aqyawf-euq maeqnan cantae ghae-euq mae.

Yoˇhaˬ 10:38

Aerkhawf, ngar mrluf-eu ngeur nar-aq, ngaq-anr maqjan-eu khawf, ngar mrluf-eu gardeuq-anr jan-awq. Khoerlof-aer nar-aq, Aqda, ngaq-euq lafkhoer jawr-awr, ngar khawf Aqda-euq lafkhoer jawr-eu nga laer nawmaf ya siqnya-awr yajan taef-a.”

Yoˇhaˬ 14:10

Ngar, Aqda-euq lafkhoer jawr-awr, Aqda, ngaq-euq lafkhoer jawr-eu mae laer nawr maqjan-eu le lor? Ngar, nawmaf-anr aernaeq-eu dawqdeuq-aq, ngaq-euq aryaq zmq-awr aer-eu maqngeur. Aerkhawf, ngaq-euq lafkhoer jawr-eu Aqda, aqyawf-euq gar heudeuq mrluf-eu mae.