Yoˇhaˬ 3:18 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ “Aqyawf-anr kharjan-eu tsawrhaq-aq, yarkhaq dar-eu gar maqya daq-a. Aerkhawf, maqjan-eu tsawrhaq-aq, yarkhaq dar-eu gar daqluf-eu mae. Aqjeq mirnae aernar-aq, aqyawf, Miqyaer-euq Zaqyo tiq ghaq taef-euq tsawrmyanr-anr maqjan-a.

Akha

¹⁸ Zaˬmaˇ-ahˇ kʼaˇ jah-eu tsawˇ haˬ-aˬ, yaˇ kʼaˬ daˇ gaˇ maˬ ya daˬ-a. Ehˇ kʼawꞈ, maˬ jah-eu tsawˇ haˬ-aˬ, Miˬyehˇ-euˬ Zaˬmaˇ-ahˇ maˬ jah-eu kʼoeˇ baˬ da neh, nymˬ-mˇ mi naˆ-ehˇ yaˇ kʼaˬ daˇ tsehˆ taˬ-euˬ gaˇ ya daˬ luꞈ meh.

Yoˇhaˬ 3:18 Referans Kwoze

1 Yoˇhaˬ 5:10

Miqyaer-euq Zaqyo-anr kharjan-eu tsawrhaq-aq, yawqha-euq lafkhoer sarkir heu anr-eu mae. Miqyaer-anr maqjan-eu tsawrhaq-aq, Miqyaer-anr jaqmyawf myawf-eu ghaq bipyeuf-ir-euq mae. Aqjeq mirnae aernar-aq, Miqyaer, aqyawf-euq Zaqyo-euq garkawv sarkirkamq gar maqjan-a.

Maˬkuˆ 16:16

Jan-awr bartirsaq hageuf-eu tsawrhaq-aq, kakhof-eu jeq za taef-a. Aerkhawf, maqjan-eu tsawrhaq-aq, yarkhaq dar-eu gar yadaq taef-a.

Lormav 8:1

Khoermirnae, nymq-mr Yeqsur Kali-euq lafkhoer jawr-awr, shiqshaq-euq nuikhanr maeqnan maqcan-aer, muiq-eu Saflar-euq lafkhoer canluf-eu tsawrhaq deuq-aq, yarkhaq dar-eu gar maqpar yadaq-eu mae.

Yoˇhaˬ 5:24

“Ngar, nawmaf-anr aqdir aqmar aernaeq nyar, aqsur ghaq maqkaq, ngaq-euq dawq narhaq-awr, ngaq-anr khaerghae lef-euq ghaq-anr jan nar-aq, mqmaq maqbyav yarzir daef-eu jeq za-awr, yarkhaq dar-eu gar maqya daq-aer, shir-eu jeq-anr nae dovle ghaq-awr, daef-eu jeq-euq lafkhoer urler dzeur-euq mae.

1 Yoˇhaˬ 5:12

Zaqyo-anr za-euq tsawrhaq-aq, daef-eu jeq za-euq mae. Miqyaer-euq Zaqyo-anr maqza-euq tsawrhaq-aq, daef-eu jeq maqza-a.

Yoˇhaˬ 3:36

Zaqyo-anr jan-eu tsawrhaq-aq, mqmaq maqbyav yarzir daef-eu jeq za-eu mae. Zaqyo-anr maqjan-eu tsawrhaq-aq, daef-eu jeq-anr maqya mawr-eu uqtaf, Miqyaer nuima paer-eu jeq, yawqjawr navluf aqyawf-euq khoertav javluf-eu mae.”

Lormav 5:1

Aqdui jan-eu baqda’nae tsaq-awr dawr-eu tsawrhaq pyeuflar-awr, aqdui-euq Sanqpaq Yeqsur Kali-euq baqda’nae Miqyaer-anr tsaqler dzoerler-euq ma.

1 Yoˇhaˬ 4:9

Zaqyo-euq baqda’nae aqdui daefnya’ni, Miqyaer, aqyawf-euq Zaqyo tiq ghaq taef khawf mirtsaq-euq khoertav bi’oe-euq mae. Miqyaer, aqdui-anr gaq nga laer khoergar nae siqlar-eu mae.

Lormav 8:34

Aqyawfmaf yawlaeq mae laer yarkhaq darnya-eu aqsur ghaq la? Yeqsur Kali-aq, shir-euq khawf ghofdaef lar-awr, nymq-mr Miqyaer-euq armar paw jawr-awr nae aqdui-euq gharduq guiqlanq shardan luf-eu mae.

Yoˇhaˬ 20:31

Aerkhawf, Yeqsur-aq, Kali pyeuf-eu Miqyaer-euq Zaqyo ngar-a laer nawmaf jan-awr, aqyawf-anr jan-eu mirnae, aqyawf-euq tsawrmyanr-euq lafkhoer nawmaf daef-eu jeq za’ni garkawv heudeuq boftaq-euq ma.

Yoˇhaˬ 6:47

Ngar, nawmaf-anr aqdir aqmar aernaeq nyar, ngaq-anr jan-eu tsawrhaq-aq, mqmaq maqbyav yarzir daef-eu jeq za-eu mae.

Yoˇhaˬ 6:40

Zaqyo-anr mawr-awr aqyawf-anr kharjan-eu tsawrhaq yawqghaq navluf-anr, mqmaq maqbyav yarzir daef-eu jeq bi za’ni, ngaq-anr khaerghae lef-euq ghaq nuima tsaq-eu mae. Khoeruqtaf, arsaqsaq ngae nan, ngar, aqyawf-anr bi ghofdaeflar ma.”

Yoˇhaˬ 1:18

Tsawrhaq tiqghaq-iq tiqjawr-iq Miqyaer-anr maq mawrhaw-aq. Aqda-euq bawkhanr-euq lafkhoer jawr-eu Zaqyo tiq ghaq taef nae, Miqyaer-euq garkawv tsafgaq le-euq mae.

HeˬByehˇ 2:3

Aqdui heunav nav-aer huiq-eu kakhof-eu jeq heu-anr maq noeqpoeq nar-aq, aqjox-aer caevdzeurnya nmr-mq? Kakhof-eu jeq heu-anr, ardanqbae ngae-aq, Sanqpaq Yeqsur nae maeqnaeq laf-awr, yagaq-euq tsawrhaq deuq, aqdui-anr aerduq naeqlaf-euq mae.

HeˬByehˇ 12:25

Nawmaf-anr dawq ngaeqcawq lar-eu ghaq-euq dawq-anr maq narhaq-aer maqghaeni yanr-awq. Aqjeq mirnae aernar-aq, mirtsaq-euq khoertav aqyawf maf-anr aernoeq naeq-euq khoerghaq-euq dawq-anr, aqyawfmaf maq narhaq-euq mirnae, maqya dzeur-ir-euq ngeur nar-aq, mq-anr nae aernoeq naeqlaf-euq khoerghaq-euq dawq-anr aqdui maq narhaq nar-aq, ngeurdzaeq aqjox-aer parya dzeur-ir nmr-mq?

Yoˇhaˬ 1:12

Aerkhawf, aqyawf-anr hageuf-awr, aqyawf-euq tsawrmyanr-anr kharjan-eu tsawrhaq-anr aqyawf, aqyawf maf-anr aryaq bif-awr, Miqyaer-euq zaq bi pyeuflar-eu mae.

Yoˇhaˬ 3:16

“Miqyaer, mirtsaqzaq-anr gaq duidui-eu mirnae, aqyawf-euq Zaqyo tiq ghaq taef khawf bifnaeq lef-euq mae. Zaqyo-anr kharjan-eu tsawrhaq maqya cawv-ir-eu uqtaf, mqmaq maqbyav yarzir yadaef-eu mae.

HeˬByehˇ 3:19

Khoermirnae, aqyawfmaf maq urler nya-euq khoer-aq, maqjan-euq mirnae nga laer aqdui-anr mawrlar-eu mae.

1 Yoˇhaˬ 3:23

Miqyaer nae biftaq-euq dawq-aq heulof-aer mae. Aqdui, aqyawf-euq Zaqyo, Yeqsur Kali-euq tsawrmyanr-anr yajan-awr, aqyawf nae dawq biftaq yaf-euq lof-aer tiqghaq tirghaq yagaq-eu mae.