Yoˇhaˬ 3:17 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Aqjeq mirnae aernar-aq, mirtsaqzaq-anr yarkhaq bidar-eu laer Miqyaer, aqyawf-euq Zaqyo-anr mirtsaq-euq khoertav khaerghae lef-euq maqngeur-a. Mirtsaqzaq, aqyawf-euq baqda’nae kakhof-eu jeq za’nya’ni khaerghae lef-euq mae.

Akha

¹⁷ Aˬ jeˬ miˇ neh ehˇ naˇ, Miˬyehˇ neh aˬ yawꞈ-euˬ Zaˬmaˇ-ahˇ kʼehˇ gʼeh leꞈ-euˬ kʼoeˇ-aˬ, miˇ tsaˬ zaˬ deuˬ-ahˇ yaˇ kʼaˬ bi daˇ-eu gʼaˇ duˬ maˬ ngeuˇ-a. Bi ka kʼoꞈ-eu gʼaˇ duˬ meh.

Yoˇhaˬ 3:17 Referans Kwoze

1 Yoˇhaˬ 4:14

Mirtsaqzaq-anr Kakhof-eu ghaq bigeuf-eu laer Aqda Miqyaer, aqyawf-euq Zaqyo-anr bi’oe-euq gar aqdui ya’mawr-awr sarkir kamq-eu ma.

Luˇkaꞈ 19:10

Tsawrhaq-euq Zaqyo-aq, byov-ir-euq tsawrhaq-anr pov-awr bibuq-ir-eu gharduq oe-euq ma.”

Yoˇhaˬ 6:57

Daefluf-eu Aqda Miqyaer, ngaq-anr khaerghae lef-awr, ngar khawf aqyawf-euq baqda’nae daefluf-eu ma. Khoerlof-aer durni, ngaq-euq shaqjir dzaq-eu tsawrhaq khawf, ngaq-euq baqda’nae yadaef taef-a.

Yoˇhaˬ 6:40

Zaqyo-anr mawr-awr aqyawf-anr kharjan-eu tsawrhaq yawqghaq navluf-anr, mqmaq maqbyav yarzir daef-eu jeq bi za’ni, ngaq-anr khaerghae lef-euq ghaq nuima tsaq-eu mae. Khoeruqtaf, arsaqsaq ngae nan, ngar, aqyawf-anr bi ghofdaeflar ma.”

Yoˇhaˬ 6:29

Yeqsur, aqyawf maf-anr aerkhof naeq-eu, “Nawmaf, Miqyaer nae khaerghae lef-euq ghaq-anr jan-eu-aq, Miqyaer-euq gar mr-eu jeq pyeuf-eu mae.”

Yoˇhaˬ 20:21

Khoerngae, Yeqsur, aqyawf maf-anr par aernaeq-eu, “Nawmaf, nuisar of luf-ur! Aqda, ngaq-anr khaerghae lef-euq lof-aer, ngar khawf, nawmaf-anr khaerghae-eu ma.”

1 Yoˇhaˬ 2:2

Aqyawf-aq, aqdui-euq gharduq lawrbyan-euq ghaq mae. Aqdui-euq gharduq taef-aer maqngeur-eu, mirtsaqzaq dawqtawv luf-euq gharduq khawf lawrbyan-euq mae.

Yoˇhaˬ 17:3

Nawr, tiq ghaq taef-aer aqdir aqmar Miqyaer pyeuf-awr, Yeqsur Kali-aq, nawq nae khaerghae lef-euq mae laer siqnya-eu khoer-aq, mqmaq maqbyav yarzir daef-eu jeq pyeuf-eu mae.

Yoˇhaˬ 11:42

Nawr, ngaq-euq shardawq-anr aqmyanluf narhaq mae laer ngar siqnya ma. Aerkhawf, nawq nae ngaq-anr khaerghae lef-euq nga laer, heugar yawfluf-eu tsawrhaq deuq janlarni, aqyawf maf-euq gharduq ngar heulof-aer aer-eu ma.”

Yoˇhaˬ 7:29

Aerkhawf, ngar-aq, aqyawf-anr siqnya ma. Aqjeq mirnae aernar-aq, aqyawf, ngaq-anr khaerghae lef-awr, ngar-aq, aqyawf jawr-eu gar nae oe-euq ma.”

Yoˇhaˬ 5:45

Ngar, Aqda-euq maeqshi nawmaf-euq yawlaeq daqler taef-a laer taqnoeq. Nawmaf-anr iqbax taq-eu tiq ghaq jawr-eu mae. Khoerghaq-aq, nawmaf noeqtmq luf-eu Morseq mae.

Yoˇhaˬ 8:42

Khoerngae, Yeqsur, aqyawf maf-anr heulof-aer aernaeq-eu mae: “Miqyaer, nawmaf-euq Aqda ngeur nar-aq, nawmaf, ngaq-anr gaq taef-a. Aqjeq mirnae aernar-aq, ngar, Miqyaer-anr nae dovle-awr, Miqyaer jawr-eu gar nae oe-euq ma. Ngar, yawqha yawqha oe-euq maqngeur, aqyawf nae ngaq-anr khaerghae lef-euq mae.

Yoˇhaˬ 1:29

Nishawq ngae nan, aqyawf jawr-eu paw Yeqsur oeluf-eu gar Yorhaq ya’mawr ngae, heulof-aer aer-eu mae, “Mirtsaqzaq-euq iqbax-anr pidzae-eu Miqyaer-euq Yawrzaq-anr hawsher-eq!

Yoˇhaˬ 17:8

Aqjeq mirnae aernar-aq, nawq nae ngaq-anr bifnaeq laf-euq dawq, ngar, aqyawf maf-anr bif-awr, aqyawfmaf khawf dawq khoerdeuq-anr hageuf-euq mae. Khoeruqtaf, ngar, nawr jawr-eu gar nae oe-euq ngar-a laer aqyawfmaf siqduq-awr, nawq nae ngaq-anr khaerghae lef-euq ngar-a laer khawf aqyawfmaf jan-eu mae.

Yoˇhaˬ 10:36

Aqda nae tserdov-awr, mirtsaq-euq khoertav bi’oe-euq khoerghaq, ‘Ngar-aq, Miqyaer-euq Zaqyo ma’ laer aer-eu mirnae, nawmaf, ‘Nawr, Miqyaer-anr yaeqbawq saerlu-aer aer-eu nga’ laer aer-eu le lor?

Yoˇhaˬ 5:36

“Aerkhawf, ngar-aq, Yorhaq-euq sarkir navmaqtser huiq-eu jeq jav-eu ma! Aqda nae ngaq-anr bifnaeq laf-euq gardeuq mrluivni, nymq-mr ngar mrluf-eu heu-aq, Aqda nae ngaq-anr khaerghae lef-euq mae laer sarkir kamq-eu mae.

Yoˇhaˬ 17:21

Nawq nae ngaq-anr khaerghae lef-euq ngar-a laer mirtsaqzaq janlarni, Aqda-or! Nawr, ngaq-euq lafkhoer jawr-awr, ngar, nawq-euq lafkhoer jawr-eu lof-aer, aqyawfmaf dawqtawvluf nuima tiqsiq taef-aer taqnya larni, aqyawfmaf, arnyaf-euq lafkhoer bijawr-awq.

Yoˇhaˬ 5:38

Nawmaf-euq lafkhoer aqyawf-euq dawq maq jeqhmq taq-aq. Aqjeq mirnae aernar-aq, nawmaf, aqyawf nae khaerghae lef-euq ghaq-anr maqjan-a.

Maꞈtehˬ 1:23

“Hawde-eq, miqdaf dafshawr tiq ghaq, zaq tsaevler-awr, Zaqyo tiq ghaq ciq taef-a. Aqcawq, aqyawf-anr Ermaqnoeqlar laer kur taef-a” (Isy 7:14) “Ermaqnoeqlar” laer aer-eu-aq, “Miqyaer, aqdui naeq-aer jawr mae” laer aermawf-eu mae.

Maꞈtehˬ 18:10

“Nawmaf, zaq yawnyir heudeuq-euq lafkhoer tiqghaq-anr-iq yaeqbawq saerlu-aer maqya ghaeni yanr-awq. Ngar, nawmaf-anr aernaeq nyar, aqyawf maf-euq mqtav ghaqkhaer, mq-euq khoertav jawr-awr, aqmyanluf ngaqDa-euq myavpyawq-anr mawrluf-eu mae.

Luˇkaꞈ 9:56

Aerkhawf, Tsawrhaq-euq Zaqyo-aq, tsawrhaq-euq daefzir-anr lavcawv le-euq maqngeur, tsawrhaq-euq daefzir-anr bibuq-ir-eu gharduq oe-euq ma.” Khoernar-aq, aqyawfmaf yawqpu yawq-anr le-euq mae.

Yoˇhaˬ 3:34

Miqyaer nae khaerghae lef-euq ghaq-aq, Miqyaer-euq dawq ngaeq-eu mae. Aqjeq mirnae aernar-aq, Miqyaer, aqyawf-anr Yawshawr Saflar maqpaeq maq savjir coer-eu gar keuvni bif-eu mae.

Yoˇhaˬ 6:38

Aqjeq mirnae aernar-aq, ngar mq-anr nae oe-euq-aq, ngaq-euq nuima tsaq-eu lof-aer mr-eu laer oe-euq maqngeur, ngaq-anr khaerghae lef-euq ghaq nuima tsaqni mr-eu laer oe-euq ma.

Yoˇhaˬ 8:11

Aqyawf aer-eu, “Sanqpaq-or! Tiqghaq-iq maqdar-a.” Yeqsur, aqyawf-anr aernaeq-eu, “Ngar khawf nawq-anr maqdar. Ir-awq, aqkar nar-aq, iqbax taqpar mr.”

Yoˇhaˬ 17:18

Nawq nae ngaq-anr mirtsaq-euq khoertav khaerghae lef-euq lof-aer, ngar khawf aqyawf maf-anr mirtsaq-euq khoertav khaerghae-euq ma.

Yoˇhaˬ 17:23

Ngar, aqyawf maf-euq lafkhoer jawr-awr, nawr, ngaq-euq lafkhoer jawr-eu mirnae, aqyawfmaf nuima taf-awr gm-eu byanlar taef-a. Khoerngae, nawq nae ngaq-anr khaerghae lef-awr, nawr, ngaq-anr gaq-eu lof-aer, aqyawf maf-anr khawf gaq-eu ngar-a laer, mirtsaqzaq siqnyalar taef-a.

Yoˇhaˬ 17:25

Tsaq-awr dawr-eu Aqda-or! Mirtsaqzaq, nawq-anr maq siqnya-eu khawf, ngar, nawq-anr siqnya ma. Nawq nae ngaq-anr khaerghae lef-euq mae laer tsawrhaq heudeuq siqnya-eu mae.

Maꞈtehˬ 18:11

Tsawrhaq-euq Zaqyo-aq, byov-ir-euq tsawrhaq-anr kakhof-eu laer oe-euq mae.