Yoˇhaˬ 21:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Khoerngae, Yeqsur zawr gaq-eu zaqlanr khoerghaq, Beqtuvluv-anr, “Sanqpaq Yeqsur nga” laer aernaeq-euq mae. Sirmoq Beqtuvluv, Sanqpaq Yeqsur nga laer aer-eu gar yagaq ngae, maeqtsoeq maq dmluf-eu mirnae, paerkhanq paermanr tiq kanr lanrcuf-awr, lan-anr tsawqpuf ghae-euq mae.

Akha

⁷ Yeˬsuˇ gaˬ dui dui-eu zaˬ lahˇ kʼoeˇ gʼaˬ Beˬtuˇluˆ-ahˇ, “Tsawˇ haˬ kʼoeˇ gʼaˬ Sahˬpaˬ Yeˬsuˇ nga” lehˇ ehˇ nehˬ-euˬ meh. Sahˬpaˬ Yeˬsuˇ nga lehˇ ehˇ gaˇ Beˬtuˆluˆ ya gaˬ ngeh, mehˬ tsoeˬ gʼeu dm-awˇ iˇ cuꞈ-ahˇ tsawˬ puꞈ-euˬ meh. Aˬ jeˬ miˇ neh ehˇ naˇ, aˬ yawꞈ mehˬ tsoeˬ maˬ dm ni za dzeh luꞈ-eu meh.

Yoˇhaˬ 21:7 Referans Kwoze

Yoˇhaˬ 13:23

Zaqlanr deuq-euq lafkhoer nae Yeqsur zawr gaq-eu zaqlanr khoerghaq, Yeqsur-euq bawkhanr-anr khawqdar luf-eu mae.

Yoˇhaˬ 20:2

Khoermirnae, caevghof laf-awr, Sirmoq Beqtuvluv hawr-eu Yeqsur zawr gaq-eu zaqlanr khoerghaq jawr-eu gar le-awr aer-eu, “Aqcawq, Sanqpaq Yeqsur-euq mawrdo, lmqbymr-anr nae bafdov ghae-euq nga. Aqyawfmaf, aqyawf-anr aqgeugar baftaq-ir-euq nga laer nga’maf maq siqnya nya.”

Yoˇhaˬ 19:26

Yeqsur-aq, aqyawf-euq aqma hawr-eu aqyawf zawr gaq-eu zaqlanr khoerghaq, aqyawf-euq aqma-euq dawqpae yawfluf-eu gar mawr-awr, aqyawf, aqyawf-euq aqma-anr aernaeq-eu, “Zaqmiq aqbur-or! Haeq, teughaq-aq, nawq-euq zaqyo mae!”

2 Gawˇliˬtu 5:14

Kali-euq gaq-eu jeq nga’maf-anr katir luf-eu mae. Tsawrhaq tiq ghaq, tsawrhaq dawqtawv luf-euq gharduq shirdan-euq mirnae, tsawrhaq dawqtawvluf shir-euq mae laer nga’maf noeqduq taq-euq ma.

Yoˇhaˬ 21:24

Zaqlanr khoerghaq-aq, garkawv heudeuq sarkir kamq-awr, bof-euq ghaq mae. Aqyawf-euq sarkir-aq, tsaq-awr dawr-eu mae laer nga’maf siqnya ma.

Yoˇhaˬ 21:20

Beqtuvluv nanrghof ghofhaw ngae, Yeqsur zawr gaq-eu zaqlanr khoerghaq cantaelaf luf-eu gar ya’mawr-euq mae. Zaqlanr khoerghaq-aq, cifhawq dzaqtaf ngae mir, Yeqsur-euq khanq-anr khawqdar-awr, “Sanqpaq-or! Nawq-anr anqdzaq-eu aqsur ghaq la?” laer narhaq-euq khoerghaq mae.

Gʼaˬkʼehˇ 10:36

Miqyaer, aqyawf-euq dawq, Irsaqleqlav tsawrhaq-anr bif-euq mae. Dawq khoerdawq-aq, dawqtawv luf-euq Sanqpaq pyeuf-eu Yeqsur Kali-euq baqda’nae, nuisar biza’ni maeq-eu guiqlanqdawq mae.

Gʼaˬkʼehˇ 2:36

“Khoermirnae, Irsaqleqlav-euq nymrkhanq yawqkhanq navluf garkawv heu-anr yawmuiq-aer siqduq-awq. Nawmaf nae tafsaef-euq Yeqsur khoerghaq-anr Miqyaer nae Sanqpaq Miqyaer hawr-eu Kali bi pyeuflar ghaq-euq mae.”

Luˇkaꞈ 7:47

Khoermirnae, ngar, nawq-anr aernaeq nyar, Aqyawf-euq iqbax ghawqmya’ni bi pyaeqnaeq-euq mirnae, aqyawf-euq gaq-eu jeq khawf myaq-eu mae. Aerkhawf, iqbax uicuiv taef-aer bi pyaeqnaeq-euq tsawrhaq-aq, aqyawf-euq gaq-eu jeq khawf yawcuiv mae.”

Luˇkaꞈ 2:11

Iqnan, Daqbir-euq meuq-euq lafkhoer, nawmaf-anr Kakhof-eu ghaq Sanqpaq Kali daefle-euq mae.

Maˬkuˆ 11:3

Tsawrhaq tiqghaqnav, nawnyaf-anr, ‘Aqjeq mirnae tox-aer janr-eu le?’ laer narhaqlar nar-aq, nawnyaf, ‘Sanqpaq mawf-eu nya jer, nymrno yawkawr-aer tsanrkhofha le ma’ ” laer aernaeq-awq.

Jaceuq 118:23

Ya’we Miqyaer nae heulof-aer janr-euq mae. Heu-aq, aqdui-euq myavnuiv-euq gharduq arnavni zanqler paq-aer ghae-eu nga.

Yaˬkoˆ 2:1

Ngaq-euq aqyuif aqnyir deuq-or! Nawmaf myavpyawq huiqnyir tser-eu jeq hawr-eu yawshaef khanqsaer huiq-eu Sanqpaq Yeqsur Kali-anr jan-eu jeq taq nyaefbawv.

1 Gawˇliˬtu 15:47

Yawbae ghaq-aq, mirtsaq shaqjaev-anr nae pyeufdov lar-awr mirtsaq-anr taf-eu mae. Nyiq ghaq tiqghaq-aq, mq-anr nae oe-euq mae.

Yoˇhaˬ 20:28

Khoerngae, Tormav, aqyawf-anr aerkhof naeq-eu, “Ngaq-euq Sanqpaq, ngaq-euq Miqyaer-or!”

Yoˇhaˬ 20:20

Khoerlof-aer aerghaq-awr, aqyawf-euq aqlaf hawr-eu byarghar, aqyawf maf-anr bihaw-euq mae. Zaqlanr deuq, Sanqpaq Yeqsur-anr ya’mawr ngae laqkhaqcaer duidui-eu mae.

Luˇkaꞈ 12:35

“Nawmaf jofpaf deurkeuvni paf-awr, tsirkhmq khawf doftaq-awq.

Yoˇhaˬ 21:8

Aerkhawf, zaqlanr nuideuq-aq, lawq lawqzaq-anr ur-awr, ngaqshaq tiqbyanni pafler taq-euq za-anr, lan landzer gheudov laf-euq mae. Aqjeq mirnae aernar-aq, aqyawfmaf jawr-eu khoer-aq, lan landzer-anr nae ghawqmanrni maqkaq-a, 50 lmr aerghaq kaq-eu taef mae.