Yoˇhaˬ 21:25 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ Yeqsur nae mr-euq gar ghawqmya’ni javganq-a siq. Aqyawf nae kharmr kharshar-euq garkawv, aqyawf kawv aqyawf-aer boftaq lawnmr-aq, bofdov taq-euq sanqbof pardmq khoerdeuq, mirtsaq-euq khoertav khawf maq derler-ar laer ngar noeq mir-a. Aqmeq.

Akha

²⁵ Yeˬsuˇ neh mˇ-euˬ gaˇ gʼawˬ mya ni jaˆ-a siˬ. Aˬ yawꞈ neh kʼaˇ mˇ-euˬ gaˇ deuˬ tiˬ jeˬ saˇ-iˬ tiˬ jeˬ boꞈ doˆ jiˇ naˇ, boꞈ doˆ-euˬ sahˬ boꞈ paˇ dmˬ kʼoeˇ deuˬ miˇ tsaˬ heu kʼoeˇ taˆ maˬ deˇ leˇ-aˇ lehˇ ngaˇ noeˬ-eu ma.

Yoˇhaˬ 21:25 Referans Kwoze

Jaceuq 40:5

Ngaq-euq Miqyaer pyeuf-eu Ya’we Miqyaer-or, Nawq nae mr-euq zanqler paq-aer muiq-eu jeq, Ghawqmya’ni myaq-eu mae. Nga’maf-euq gharduq, nawq-euq nuinoeq teu-aq, Tiqjeq sair tiqjeq gui ngae maq guijir coer-a. Ngar dzawr-awr ngaeq-eu lawnmr khawf, Ardzaeq-aer myaq-eu mirnae maq sawxdovjir coer-a.

Jaceuq 71:15

Ngaq-euq khaqmae, nan’ga-i nawq-euq tsaq-awr dawr-eu garkawv, Hawr-eu nawq-euq kakhof-eu jeq-euq garkawv ja ma. Aqjeq mirnae aernar-aq, garkawv heudeuq armyavni jav-eu, ngar maq siqnya nya.

HeˬByehˇ 11:32

Heu’uqtaf, ngar aqjeq paraer-eu paq nga? Par aerka-iq nar-aq, Girdoq, Baqlar, Saqsoq, Yeqpaqtav, Daqbir, Saqmeuqlav hawr-eu Miqyaer gharduq ngaeqdan-eu tsawrhaq deuq-euq garkawv, dzawrnaeq-eu aryamq maqjav nga.

Gʼaˬkʼehˇ 10:38

Miqyaer, Naqzaqlaer tsawrhaq Yeqsur-anr Yawshawr Saflar hawr-eu baoq nae tsaqtsov-awr, aqyawf doedoe-aer can ngae, Miqyaer, aqyawf naeq-aer jawr-eu mirnae, yawmuiq jeq mr-awr, naef sanqpaq khaeq-awr khav-eu gar daqluf-eu tsawrhaq dawqtawv luf-anr bi taqler-euq mae.

Gʼaˬkʼehˇ 20:35

Nawmaf khawf khoerlof-aer gar yawkhav-aer mrmr-aer, ghaq baq-eu deuq-anr cawba’ni, ngar yawqjeq navluf-euq lafkhoer nawmaf-anr mrmaeq naeq-euq ma. Sanqpaq Yeqsur nae aertaq-euq dawq heudawq-anr khawf noeqkeuv-awq, ‘Bif-eu-aq, za-eu navmaqtser guiqlanq huiqdzaeq-eu mae.’ ”

Maꞈtehˬ 11:5

Myavbaef mawrnyalar, kuircawv cannyalar, coiqdoi nar-eu tsawrhaq shawrlar, naqbawq deuq gaqnyalar, shir-euq tsawrhaq ghofdaef lar-awr, irshaqzaq deuq guiqlanqdawq yagaq-euq mae.

Maꞈtehˬ 19:24

Ngar, nawmaf-anr par aernaeq nyar, lawtaw, aqghawf-euq lafnaq-anr urler-eu-aq, smrmuiq smrbaw deuq, Miqyaer uvlanr-eu jeq-euq lafkhoer urler-eu navmaqtser awq-eu mae.”

Maˬkuˆ 5:16

Yawbae ngae nae mawrluf-eu tsawrhaq deuq, naef ur-euq khoerghaq-euq garkawv hawr-eu aqzaf khoerdeuq-anr aqjox-aer pyeuflar-euq garkawv, hawlar-euq deuq-anr dzawrnaeq-euq mae.