Yoˇhaˬ 21:23 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Khoermirnae, zaqlanr khoerghaq maqya shir-a jer laer aqyuif aqnyir deuq-euq ghanrcae jabyan taq-euq mae. Aerkhawf, Yeqsur, zaqlanr khoerghaq maqya shir-a laer aermawf-eu maqngeur-a. “Ngar ghofle ngae keuvni, ngar, aqyawf-anr bi jawrmawf nar-aq, nawq-anr aqjeq taf-eu la?” laer aer-eu taef mae.

Akha

²³ Kʼoeˇ ngeh jawˇ, zaˬ lahˇ kʼoeˇ gʼaˬ shiˇ-eu maˬ paˇ baw meh jeˇ lehˇ, Yeˬsuˇ-euˬ mehˬ nah caw teh luꞈ-eu tsawˇ haˬ deuˬ yaw kaˬ ja byah taˬ-euˬ meh. Ehˇ kʼawꞈ, zaˬ lahˇ kʼoeˇ gʼaˬ maˬ shiˇ-a lehˇ Yeˬsuˇ ehˇ mawꞈ-eu maˬ ngeuˇ-a. “Ngaˇ oe ngeh keuˆ ni aˬ yawꞈ-ahˇ bi dehꞈ keuˆ mawꞈ lawˬ naˇ, nawˇ aˬ jeˬ kʼahˇ kʼoꞈ kʼaˇ za ta” lehˇ ehˇ-euˬ tehꞈ meh.

Yoˇhaˬ 21:23 Referans Kwoze

Gʼaˬkʼehˇ 1:15

(Khoerngae yamq-anr, tsawrhaq 120 ghaq aerghaqni uiqler taq-awr jawr-eu gar), Beqtuvluv, zaqlanr deuq-euq ghanrcae nae turlar-awr heulof-aer aer-eu mae:

Maꞈtehˬ 16:27

Tsawrhaq-euq Zaqyo-aq, aqyawf-euq Aqda-euq yawshaef khanqsaer-euq lafkhoer, aqyawf-euq mqtav ghaqkhaer deuq naeq-aer zafkale taef-a. Khoerngae, tsawrhaq yawqghaq navluf-anr yawqha nae khar mrtaq-euq lof-aer janrkhofnaeq taef-a.

Gʼaˬkʼehˇ 6:3

Khoermirnae, aqyuif aqnyir deuq-or! Nawmaf-euq lafkhoer tsawrmyanr muiq-awr, Yawshawr Saflar hawr-eu zaqsiq tsawrganr byan-eu tsawrhaq shif ghaq-anr tserdov-awq. Nga’maf, aqyawf maf-anr khaerdar naeq-awr gar heu bimr ma.

Gʼaˬkʼehˇ 28:14

Khoergar, aqyuif aqnyir deuq-anr tanqpuq-awr, aqyawfmaf naeq-aer shif nan jawrnaeq laf-awq laer shar-eu mae. Khoernar-aq, nga’maf, Lormav meuq-anr le-euq ma.

1 Gawˇliˬtu 4:5

Khoermirnae, aryamq maq keuvlar-euq minav-aer, Sanqpaq Miqyaer maqoe-euq nmrkaq, tiqjeq-anr-iq yarkhaq taqdar siq. Aqyawf oekeuv ngae, yawzanr-euq lafkhoer zaftaq-euq deuq yawbya-anr bi dovlar-awr, tsawrhaq-euq nuima khawf aqyawf panmawrnaeq taef-a. Khoerngae, Miqyaer, tsawrhaq yawqghaq navluf-anr geux-eu lof-aer jaceuqnaeq taef-a.

1 Gawˇliˬtu 11:26

Aqmyan maqkaq, nawmaf kaqmur heu dzaq-awr khmqmaq heu ciqdawr ngae, nawmaf, Sanqpaq Yeqsur shir-euq garkawv, aqyawf zafkale ngae keuvni, dawqdzawr mr-eu jeq pyeuf-eu mae.

Yaˬkoˆ 5:7

Khoermirnae, aqyuif aqnyir deuq-or! Sanqpaq Yeqsur zafkale ngae keuvni oror-aer jawr-awq. Kadzaq kadawr-eu tsawrhaq, mirtsaq-anr kataq-euq poeq-eu sanqlanq ghawqdar, arsiq arlu deuq za ngae keuvni dawq-eu mae. Uqyaer yaerbae baele-eu banq-anr nae yaersaq saqle-eu banq-anr keuvni oror-aer dawq-eu mae.

Panmaeq 2:25

Aerkhawf, ngar oe-eu ngae keuvni, nawmaf javluf-eu jeq-anr zifdanni nyaeftaeq taq-awq.