Yoˇhaˬ 21:22 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Yeqsur, aqyawf-anr aernaeq-eu, “Ngar ghofle ngae keuvni, ngar, aqyawf-anr bi jawrmawf nar-aq, nawq-anr aqjeq taf-eu la? Nawr-aq, ngaq-euq maeqnan cantaelaf nar-aq ghaq-ar.”

Akha

²² Yeˬsuˇ ehˇ-eu, “Ngaˇ oe ngeh keuˆ ni aˬ yawꞈ-ahˇ ngaˇ bi dehꞈ keuˆ mawꞈ lawˬ naˇ, nawˇ aˬ jeˬ kʼahˇ kʼoꞈ kʼaˇ za ta. Ngaˬ-euˬ mehˬ nah laˇ gʼeh laꞈ-awˬ.”

Yoˇhaˬ 21:22 Referans Kwoze

Maˬkuˆ 9:1

Khoerngae, Yeqsur, aqyawf maf-anr aernaeq-eu, “Ngar, nawmaf-anr aqdirma-aer aernaeq nyar, heugar yawfluf-eu tiqpavnav deuq shir-eu jeq-anr maq myeufhaw-euq minav-aer, Miqyaer uvlanr-eu jeq baoq tiqbyanni anr-awr keuvle-eu gar ya’mawr taef-a.”

Panmaeq 2:25

Aerkhawf, ngar oe-eu ngae keuvni, nawmaf javluf-eu jeq-anr zifdanni nyaeftaeq taq-awq.

1 Gawˇliˬtu 4:5

Khoermirnae, aryamq maq keuvlar-euq minav-aer, Sanqpaq Miqyaer maqoe-euq nmrkaq, tiqjeq-anr-iq yarkhaq taqdar siq. Aqyawf oekeuv ngae, yawzanr-euq lafkhoer zaftaq-euq deuq yawbya-anr bi dovlar-awr, tsawrhaq-euq nuima khawf aqyawf panmawrnaeq taef-a. Khoerngae, Miqyaer, tsawrhaq yawqghaq navluf-anr geux-eu lof-aer jaceuqnaeq taef-a.

Panmaeq 3:11

Hawde-eq. Ngar yawkawr-aer oe ma! Nawq-euq shuir uqkhov-anr aqcawq nae maqbi lugeufni, nawr kharjav-eu jeq-anr zifdanni nyaeftaeq taq-awq.

Yaˬkoˆ 5:7

Khoermirnae, aqyuif aqnyir deuq-or! Sanqpaq Yeqsur zafkale ngae keuvni oror-aer jawr-awq. Kadzaq kadawr-eu tsawrhaq, mirtsaq-anr kataq-euq poeq-eu sanqlanq ghawqdar, arsiq arlu deuq za ngae keuvni dawq-eu mae. Uqyaer yaerbae baele-eu banq-anr nae yaersaq saqle-eu banq-anr keuvni oror-aer dawq-eu mae.

1 Gawˇliˬtu 11:26

Aqmyan maqkaq, nawmaf kaqmur heu dzaq-awr khmqmaq heu ciqdawr ngae, nawmaf, Sanqpaq Yeqsur shir-euq garkawv, aqyawf zafkale ngae keuvni, dawqdzawr mr-eu jeq pyeuf-eu mae.

Yoˇhaˬ 21:19

Yeqsur khoerlof-aer aer-eu-aq, Miqyaer-euq yawshaef khanqsaer za’ni, aqkar Beqtuvluv aqjox-aer yashir-eu garkawv-anr toeqmaeq mawf-eu mae. Khoerlof-aer aerghaq-euq nar-aq, Yeqsur, Beqtuvluv-anr aernaeq-eu, “Ngaq-euq maeqnan cantae lar-awq.”

Maꞈtehˬ 24:44

Khoermirnae, nawmaf khawf yawmuiq-aer laeqhmqdan taq-awq. Aqjeq mirnae aernar-aq, nawmaf maqnoeq maqdur-aer jawr ngae, Tsawrhaq-euq Zaqyo zafkale taef-a.

Panmaeq 22:20

Garkawv heudeuq sarkir kamq-eu ghaq aer-eu, “Ngar aqdir yawkawr-aer oe ma.” Aqmeq. Sanqpaq Yeqsur-or! Nawr aer-eu lof-aer oe-awq.

Panmaeq 22:7

“Hawde-eq. Ngar yawkawr-aer oe ma! Sanqbof heudmq-euq lafkhoer boftaq-euq, Miqyaer gharduq ngaeqdan-eu dawqdeuq-anr mrcaw-eu tsawrhaq-aq, guiqlanqhuiq taef-a.”

Panmaeq 1:7

Hawde-eq. Aqyawf, mqdmr-euq lafkhoer zafkale taef-a. Myavnuiv yawqnuiv navluf, aqyawf-anr ya’mawr-awr aqyawf-anr tsawv-euq tsawrhaq deuq khawf ya’mawr taef-a. Mirtsaq-euq khoertav jawr-eu tsawrjeuq tsawrca dawqtawvluf, aqyawf-euq baqda’nae tsawrngoer ya’ngoer taef-a. Heulof-aer pyeuflar taef-a. Aqmeq.

Maꞈtehˬ 25:31

“Tsawrhaq-euq Zaqyo, aqyawf-euq yawshaef khanqsaer-euq lafkhoer, shawr-eu mqtav ghaqkhaer dawqtawvluf naeq-aer zafkale ngae, aqyawf, aqyawf-euq yawshaef khanqsaer jav-eu nuirmanq-anr nuir taef-a.

Maꞈtehˬ 24:27

Aqjeq mirnae aernar-aq, nanrma dovkhaeq paw mqmyawf myawf-eu, nanrma gakhaeq paw byakeuv-ir-eu lof-aer, Tsawrhaq-euq Zaqyo zafkale ngae khawf khoerlof-aer dur taef-a.

Maꞈtehˬ 24:3

Yeqsur, Saqloq gawqjawq-anr nuirluf ngae, zaqlanr deuq taef-aer ciqcurni aqyawf jawr-eu gar lar-awr Yeqsur-anr narhaq-eu, “Heudeuq aqmyan pyeuflar-eu la? Nawr zafka le-eu hawr-eu mirtsaq heu arsaqsaq ngae pyeuflar-eu deuq, bisiq bimawr-eu jeq aqjeq jav-eu la laer nga’maf-anr ja’maeq naeqlaf-awq.”

Maꞈtehˬ 8:22

Khoerngae, Yeqsur, aqyawf-anr aernaeq-eu, “Shir-euq tsawrhaq-anr-aq, shir-euq tsawrhaq nae bi bafpanq-awq. Nawr-aq, ngaq-euq maeqnan cantae lar-awq.”

Maꞈtehˬ 16:24

Khoerngae, Yeqsur, aqyawf-euq zaqlanr deuq-anr heulof-aer aernaeq-euq mae: “Tsawrhaq tiq ghaq, ngaq-euq maeqnan cantaelar mawf nar-aq, yawqha-euq nuikhanr byaerdzae yaf-awr, yawqha-euq lafyaq baf-awr nae, ngaq-euq maeqnan ya cantae lar-eu mae.

Yoˇhaˬ 21:21

Beqtuvluv khoerghaq-anr ya’mawr ngae, Yeqsur-anr narhaq-eu, “Sanqpaq-or! Teughaq-anr lawr nae, aqjeq ya pyeuflar-eu la?”

1 Teˇsaˬloˇni 2:19

Aqdui-euq Sanqpaq Yeqsur zafkale ngae, aqdui, aqyawf-euq maeqshi yawfler ngae, nga’maf-euq noeqtmqduq, laqkhaq caerduq hawr-eu nga’maf nuima huiqduq pyeuf-eu shuir uqkhov aqgeu jeq la? Yawqjeqyawq maqngeur-a, nawmaf mae.

Yaˬkoˆ 5:8

Sanqpaq Yeqsur zafka le-eu arnan paelar-euq mirnae, nawmaf khawf nuima zifdanni anr-awr oror-aer dawq-awq.