Yoˇhaˬ 21:17 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Yeqsur, aqyawf-anr smq pov tiqpov par narhaq-eu, “Yornav-euq zaqyo Sirmoq-or! Nawr, ngaq-anr gaq ma lor?” “Nawr, ngaq-anr gaq ma lor?” laer Yeqsur, aqyawf-anr smq pov narhaq keuvlaf-euq mirnae, Beqtuvluv noeqshaq lar-awr, aqyawf-anr aerkhof naeq-eu, “Sanqpaq-or! Nawr, yawqjeq navluf siqnya-eu mae. Ngar, nawq-anr gaq-eu nawr siqnya mae.” Yeqsur, aqyawf-anr heulof-aer aernaeq-euq mae, “Ngaq-euq yawrdeuq-anr bidzaq bidawr-awq.

Akha

¹⁷ Yeˬsuˇ aˬ yawꞈ-ahˇ smˬ poˆ tiˬ poˆ paˇ naˇ haˬ-eu, “Yoˇhaˬ-euˬ aˬ li Siˇmoˬ-oˇ, nawˇ ngaˬ-ahˇ gaˬ ma loˇ.” “Nawˇ ngaˬ-ahˇ gaˬ ma loˇ” lehˇ Yeˬsuˇ aˬ yawꞈ-ahˇ smˬ poˆ naˇ haˬ keuˆ laꞈ-euˬ miˇ neh, Beˬtuˆluˆ nui ma maˬ saˇ-ehˇ, heu loꞈ-ehˇ ehˇ kʼoꞈ nehˬ-euˬ meh. “Sahˬpaˬ-oˇ, nawˇ yawˬ jeˬ na luꞈ siˬ nya meh. Ngaˇ nawˬ-ahˇ aˇ naˆ ni gaˬ-eu nawˇ siˬ nya meh.” Yeˬsuˇ aˬ yawꞈ-ahˇ ehˇ nehˬ-eu, “Ngaˬ-euˬ yawˇ deuˬ-ahˇ bo saˆ-awˬ.

Yoˇhaˬ 21:17 Referans Kwoze

Yoˇhaˬ 13:38

Yeqsur, aqyawf-anr aerkhof-eu, “Nawr, ngaq-euq gharduq nawq-euq zir shirdanpeuq le laer? Ngar, nawq-anr aqdirma-aer aernaeq nyar, yapoer maq doerlar-euq minav-aer, nawr, ngaq-anr maqsiq laer smq pov keuvni pyaer taef-a.”

Maˬkuˆ 14:72

Beqtuvluv khoerlof-aer aerghaq-euq naeq-aer, yapoer nyiq tanq tiqtanq doerdov laf-euq mae. Khoerngae, Yeqsur nae aqyawf-anr aernaeq-euq dawq khoerdawq-anr aqyawf noeqdov lar-euq mae, “Yapoer nyiq tanq maq doerlar-euq minav-aer, nawr, ngaq-anr maq siqnya nya laer smq pov keuvni pyaer taef-a.” Beqtuvluv garkawv khoer-anr sharnoeq-awr yawkhav-aer ngoer-euq mae.

Yoˇhaˬ 16:30

Tiqghaq-iq nawq-anr tiqjeq-iq narhaq-eu laer maqya ghaeni, nawr yawqjeq navluf-anr siqnya nga laer nymq-mr nga’maf siqduq-euq ma. Khoermirnae, nawr, Miqyaer jawr-eu gar nae oe-euq ngar-a laer nga’maf jan ma.”

Panmaeq 2:23

Ngar, aqyawf-euq zaqdeuq-anr saef-awr bishir ma. Khoerngaejawr, ngar-aq, nuima hawr-eu nuinoeq nuidur-anr tsermr-eu ghaq ngar-a laer Kalizaq armur yawqmur navluf yasiq taef-a. Ngar, nawmaf yawqghaq navluf-anr yawqha nae mr-euq lof-aer geuxni bifnaeq ma.

Eˇpeˇsu 4:30

Miqyaer-euq Yawshawr Saflar nuima cawv paq-aer taqmr. Miqyaer, Yawshawr Saflar-anr ghoe-awr nawmaf-anr kakhof naeqlaf-eu arnan-euq gharduq, jmq diqtaq-euq mae.

Gʼaˬkʼehˇ 15:8

Tsawrhaq-euq nuima-anr siqnya-eu Miqyaer-aq, aqdui-anr Yawshawr Saflar bifnaeq laf-euq lof-aer, aqcawq tsawrjeuq tsawrca-anr khawf bifnaeq-euq mirnae, Miqyaer, aqyawf maf-anr khawf hageuf-eu nga laer mawrlar-eu mae.

Yoˇhaˬ 15:10

Ngar-aq, ngaqDa nae bif-euq dawqdeuq-anr mrcaw-awr, aqyawf-euq gaq-eu jeq-euq lafkhoer jawrluf-eu lof-aer, nawmaf khawf, ngaq nae bif-euq dawqdeuq-anr mrcaw nar-aq, ngaq-euq gaq-eu jeq-euq lafkhoer jawrluf-eu mae.

Yoˇhaˬ 14:15

“Nawmaf, ngaq-anr gaq nar-aq, ngaq nae bif-euq dawqdeuq-anr mrcaw taef-a.

Jaceuq 17:3

Nawr, ngaq-euq nuima-anr pyaevtserhaw ngae, Uqcif paw ngar jawr-eu gar oe-awr, Ngaq-anr tsermrhaw ngae, maqtsaq-eu jeq anr-eu maqmawr-aq. Ngar, ngaq-euq khaqmae nae yawbanq yawlaeq jeq maqngaeq laer noeqtsov taq-euq ma.

2 Beˬtuˆluˆ 3:1

Ngar zawr gaq-eu cawqdeuq-or! Ngar, nawmaf-anr sanqbof nyiq jae tiqjae bofanr lef-eu ma. Sanqbof nyiq jae luf-euq lafkhoer, ngar, nawmaf-anr ja’noeq naeq-awr, nawmaf-euq shawrjaevni ghae-eu nuinoeq-anr lavzor-eu heu-aq,

1 Beˬtuˆluˆ 1:6

Nymq-mr tiqkhaeq-euq lafkhoer, nawmaf tsermr haw-eu ghawqmya jeq-anr yadaq-eu khawf, heu-euq lafkhoer laqkhaqcaer duidui-awq.

2 Gawˇliˬtu 1:12

Nga’maf heulof-aer khanqsaer jaev-eu ma. Nga’maf, mirtsaqzaq-euq maeqshi khawf, khoernav maqtser nawmaf-euq maeqshi khawf, Miqyaer-anr yawzeu baw-awr nuima shawrjaevni taq-awr, Miqyaer-euq lafkhoer dawrcoeni daef-euq ma laer, nga’maf-euq zaqsiq nuisiq sarkir kamqluf-eu mae. Nga’maf shiqshaq-euq zaqsiq tsawrganr-anr ghoe-awr nae maqngeur-eu, Miqyaer-euq guiqlanq yawdzanr-anr ghoe-awr khoerlof-aer mr-euq ma.

Gʼaˬkʼehˇ 1:24

Khoernar-aq, aqyawfmaf guiqlanq heulof-aer shar-euq mae, “Sanqpaq Miqyaer-or! Nawr-aq, tsawrhaq yawqghaq navluf-euq nuima-anr siqnya-eu mae. Nawr, heu nyiq ghaq-anr nae aqgeu ghaq-anr tserdov-euq le laer panmaeq naeqlaf-awq.

Yoˇhaˬ 18:27

Beqtuvluv, ngar maqngeur laer tiq pov parpyaer-euq mae. Khoerlof-aer aerghaq-euq naeq-aer yapoer doerlar-euq mae.

Yoˇhaˬ 18:4

Yeqsur-aq, aqyawf-euq khoertav keuvle-eu laer ghae-eu yawqjeq navluf-anr siqnya-awr, maeqhu paw ledov-awr aqyawf maf-anr narhaq-eu, “Nawmaf aqsur ghaq-anr povluf-eu le?”

Yoˇhaˬ 12:8

Aqjeq mirnae aernar-aq, shaqzaq zanqzaq deuq aqmyanluf nawmaf naeq-aer jawr-eu mae. Aerkhawf, ngar, nawmaf naeq-aer aqmyanluf jawr-eu maqngeur.”

Maꞈtehˬ 25:40

Khoerngae, Sanqpaq khoerghaq, aqyawf maf-anr aerkhof naeq-eu, ‘Ngar, nawmaf-anr aqdirma-aer aernaeq nyar, nawmaf nae ngaq-euq aqyuif aqnyir heudeuq-euq lafkhoer nae nyirdzaeq dzaeq-eu tiq ghaq-anr janrnaeq-euq khoer-aq, ngaq-anr janrnaeq laf-euq mae.’

Panmaeq 3:19

Ngar gaq-eu tsawrhaq yawqghaq navluf-anr, ngar maeqpar dzawpar naeq-eu ma. Khoermirnae, nawr nuima keuv-awr noeqpov noeqpar mr-awq.

Yoˇhaˬ 21:18

Ngar, nawq-anr aqdirma-aer aernaeq nyar, nawr zaqguq ngae, yawqhar yawqha jofpaf paf-awr, khar irmawf-eu gar ir-eu mae. Aerkhawf, nawr mawq-ir ngae, nawr aqlaf cawqja-awr, aqcawq, nawq-anr jofpaf pafnaeq-awr, nawr maq irmawf-eu gar sheuqghae naeqlaf taef-a.”

Yoˇhaˬ 4:16

Yeqsur, aqyawf-anr aernaeq-eu, “Ghofler-awr nawq-euq khaqdzerzaq kurlaq ler-awq.”

Gʼaˬkʼehˇ 11:10

Khoerlof-aer smq pov keuvni pyeuflar ghaq-awr, khoerdeuq dawqtawvluf mq-anr par gheudav lef-euq mae.