Yoˇhaˬ 21:15 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Aqyawfmaf shawqhawq dzaqghaq ngae, Yeqsur, Sirmoq Beqtuvluv-anr narhaq-eu, “Yornav-euq zaqyo Sirmoq-or! Nawr heudeuq-anr navmaqtser ngaq-anr gaq ma lor?” Beqtuvluv, aqyawf-anr aerkhof naeq-eu, “Gaq ma Sanqpaq-or! Ngar, nawq-anr gaq-eu nawr siqnya mae.” Yeqsur, aqyawf-anr aernaeq-eu, “Ngaq-euq yawrzaq deuq-anr bidzaq bidawr-awq.”

Akha

¹⁵ Aˬ yawꞈ maꞈ dzaˬ gʼaˬ dawˇ gʼaˬ ngeh, Siˇmoˬ Beˬtuˆluˆ-ahˇ Yeˬsuˇ naˇ haˬ-eu, “Yoˇhaˬ-euˬ aˬ li Siˇmoˬ-oˇ, tsawˇ haˬ heu deuˬ ngaˬ-ahˇ gaˬ-eu naˆ maˬ tseˇ nawˇ ngaˬ-ahˇ gaˬ ma loˇ.” Beˬtuˆluˆ ehˇ-eu, “Gaˬ ma Sahˬpaˬ-oˇ. Ngaˇ nawˬ-ahˇ gaˬ-eu nawˇ siˬ nya meh.” Yeˬsuˇ aˬ yawꞈ-ahˇ ehˇ nehˬ-eu, “Yawˇ zaˬ-ahˇ bo saˆ-eu loꞈ-ehˇ, ngaˬ-euˬ yawˇ deuˬ-ahˇ bo saˆ-awˬ.”

Yoˇhaˬ 21:15 Referans Kwoze

Lormav 15:1

Aqdui jan-eu ghaq khav-eu tsawrhaq deuq, yawqha nuikhanr shirni mr-eu maqngeur-eu, ghaq baq-eu deuq-euq khavbaev cawpi naeq-eu tsaq mae.

1 Yoˇhaˬ 4:19

Miqyaer, aqdui-anr jeqhu gaq-euq mirnae, aqdui, aqyawf-anr gaq-eu ma.

1 Beˬtuˆluˆ 1:8

Nawmaf, aqyawf-anr maq mawrhaw-euq khawf, aqyawf-anr gaqluf-eu mae. Nymq-mr nawmaf, aqyawf-anr maqya mawr khawf, aqyawf-anr jan-eu mirnae, yawshaef khanqsaer byan-awr, maq aernya paq-aer laqkhaq caer-eu jeq-euq lafkhoer, nawmaf laqkhaqcaer luf-eu mae.

Eˇpeˇsu 6:24

Aqdui-euq Sanqpaq Yeqsur Kali-anr maqbyov-ir ni gaq-eu tsawrhaq yawqghaq navluf-euq khoertav, guiqlanq yawdzanr jav luf-ur. Aqmeq.

Gʼaˬkʼehˇ 20:28

Yawshawr Saflar, nawmaf-anr armaf-euq lafkhoer nae tserdov-awr aqyuif aqtsu bigeuf-euq mirnae, nawmaf yawqhar yawqha yanryanr-aer daef-awr, armaf maflan-euq gharduq khawf yanr-awq. Aqyawf-euq shiq nae zeurkhof taq-euq Sanqpaq Miqyaer-euq Kalizaq armur-anr bosav-awq.

1 Yoˇhaˬ 5:1

Yeqsur-aq, Kali mae laer kharjan-eu tsawrhaq, Miqyaer-anr nae daefle-euq mae. Miqyaer-anr khargaq-eu tsawrhaq-aq, Aqda Miqyaer-anr nae daefle-euq ghaq-anr khawf gaq taef-a.

Yoˇhaˬ 16:27

Ngar, Aqda jawr-eu gar nae oe-euq mae laer nawmaf jan-awr, ngaq-anr gaq-eu mirnae, Aqda, aqyawfghaq khawf nawmaf-anr gaq-eu mae.

1 Beˬtuˆluˆ 2:25

Yawbae, nawmaf-aq, garbanq banq-euq yawr-anr dur-eu mae. Aerkhawf, nymq-mr nawmaf-aq, nawmaf-euq nuima saflar-anr hawpir-eu ghaq hawr-eu yawr bo-eu ghaq jawr-eu gar ghofkhof lar-euq mae.

HeˬByehˇ 4:13

Khar baetaq-euq yawqjeq navluf, aqyawf-euq maeqshi zaftaq-euq tiqjeq-iq maqjav-a. Yawqjeq navluf aqyawf-euq maeqshi byacaevni pandzae taq-euq mae. Aqkar, aqdui, aqyawf-anr dawqdzawr ya mrnaeq-eu mae.

Luˇkaꞈ 22:32

Aerkhawf, nawr jan-eu jeq maqya byaerdzaeni, ngar, nawq-euq gharduq guiqlanq shar-euq ma. Nawr, ngar jawr-eu gar ghofkhoflar ngae, nawq-euq cawq zaqlanr nuideuq-anr ghaq bi khavlar-awq.”

HeˬByehˇ 13:20

Nuisar bif-eu Miqyaer, aqdui-euq Sanqpaq Yeqsur shir-euq gar nae bi ghofdaef lar-euq mae. Yawr bo-eu Yawhuiq khoerghaq, mqmaq maqbyav yarzir zif-eu dawqma sarjax-anr taf-eu shiq-anr ghoe-awr,

Lormav 14:1

Nawmaf jan-eu paw ghaq baq-eu tsawrhaq deuq-anr hageuf-awq. Aerkhawf, nuinoeq beugar-eu garkawv-anr tsawrpyaer taqpyaer.

Maꞈtehˬ 16:17

Khoerngae, Yeqsur, aqyawf-anr heulof-aer aernaeq-euq mae, “Yornav-euq zaqyo Sirmoq-or! Nawr-aq, guiqlanq huiq-eu mae. Aqjeq mirnae aernar-aq, garkawv heu tsawrhaqzaq nae nawq-anr panmaeq naeq-euq maqngeur-a. Mq-euq khoertav jawr-eu ngaqDa nae nawq-anr panmaeq naeq-euq mae.

Panmaeq 2:23

Ngar, aqyawf-euq zaqdeuq-anr saef-awr bishir ma. Khoerngaejawr, ngar-aq, nuima hawr-eu nuinoeq nuidur-anr tsermr-eu ghaq ngar-a laer Kalizaq armur yawqmur navluf yasiq taef-a. Ngar, nawmaf yawqghaq navluf-anr yawqha nae mr-euq lof-aer geuxni bifnaeq ma.

1 Beˬtuˆluˆ 2:2

Zaqnanq, aqcoer dawrmawf-eu lof-aer, nawmaf khawf, shawrjaevni ghae-eu aqcoer pyeuf-eu Yaerdawq-anr dawrmawf-awq. Dawr nar-aq, nawmaf huiqlar manrlar taef-a.

Gaˬlaˬtiˆ 5:6

Aqjeq mirnae aernar-aq, Yeqsur Kali-euq lafkhoer jawr-eu tsawrhaq deuq, bawkhov maeqdzaq yaeq-eu hawr-eu maqyaeq-eu-aq, tiqjeq-iq gardanr maqtsoeq-a. Aerkhawf, gaq-eu lafkhoer mrdov shardov laf-eu jan-eu jeq taef-aer gardanr tsoeq-eu mae.

Yoˇhaˬ 21:12

Yeqsur, aqyawf maf-anr aernaeq-eu, “Lar-awr shawqhawq dzaqlar-awq.” Aqyawf-aq, Sanqpaq Yeqsur nga laer siqnya-eu mirnae, zaqlanr deuq, aqyawf-anr “Nawr aqsur ghaq le?” laer tiqghaq-iq maq narhaq peuq-a.

Yoˇhaˬ 21:7

Khoerngae, Yeqsur zawr gaq-eu zaqlanr khoerghaq, Beqtuvluv-anr, “Sanqpaq Yeqsur nga” laer aernaeq-euq mae. Sirmoq Beqtuvluv, Sanqpaq Yeqsur nga laer aer-eu gar yagaq ngae, maeqtsoeq maq dmluf-eu mirnae, paerkhanq paermanr tiq kanr lanrcuf-awr, lan-anr tsawqpuf ghae-euq mae.

Maꞈtehˬ 18:10

“Nawmaf, zaq yawnyir heudeuq-euq lafkhoer tiqghaq-anr-iq yaeqbawq saerlu-aer maqya ghaeni yanr-awq. Ngar, nawmaf-anr aernaeq nyar, aqyawf maf-euq mqtav ghaqkhaer, mq-euq khoertav jawr-awr, aqmyanluf ngaqDa-euq myavpyawq-anr mawrluf-eu mae.

Eˇpeˇsu 4:14

Khoerngae tiqjawr, aqdui, zaq maqpar pyeuf-eu uqtaf, tsawrhaq-euq tsawrganr hawr-eu jaqmyawf maershuir-euq bawqtov zmq-eu lafkhoer, kharngeur-eu dawqmaeq dawqtsov-euq jaqlaer bawlar ngae, khar bawpyawr ghae-eu paw maqpyawr-ir-ar.

1 Gawˇliˬtu 8:11

Nawr khoerlof-aer janr nar-aq, nawq-euq siqnya-eu tsawrganr khoer-euq baqda’nae, Kali nae shirdan-euq ghaq baq-eu tsawrhaq tiq ghaq cawv-ir-eu tsaq taef-a lor?

Yoˇhaˬ 8:42

Khoerngae, Yeqsur, aqyawf maf-anr heulof-aer aernaeq-eu mae: “Miqyaer, nawmaf-euq Aqda ngeur nar-aq, nawmaf, ngaq-anr gaq taef-a. Aqjeq mirnae aernar-aq, ngar, Miqyaer-anr nae dovle-awr, Miqyaer jawr-eu gar nae oe-euq ma. Ngar, yawqha yawqha oe-euq maqngeur, aqyawf nae ngaq-anr khaerghae lef-euq mae.

Maˬkuˆ 14:29

Khoerngae, Beqtuvluv, aqyawf-anr aernaeq-eu, “Aqcawq yawqghaq navluf sanqtiftif jir-euq khawf, ngar-aq, sanqtif maqtif.”

Luˇkaꞈ 12:32

“Yawr yawrmaf mafzaq-or! Taqguv. Aqjeq mirnae aernar-aq, nawmaf-euq Aqda-aq, aqyawf-euq mirkhanq, nawmaf-anr nuikhanr tiqshir bifmawf-eu mae.

Maꞈtehˬ 10:37

“Ngaq-anr gaq-eu navmaqtser, aqma aqda-anr gaq-eu tsawrhaq-aq, ngaq-anr maqgeux-a. Ngaq-anr gaq-eu navmaqtser, zaq-anr gaq-eu tsawrhaq-aq, ngaq-anr maqgeux-a.

Yoˇhaˬ 13:37

Beqtuvluv, aqyawf-anr aernaeq-eu, “Sanqpaq-or! Nymq-mr nae ngar aqjeq mirnae nawq-euq maeqnan maq cantaelaf nya-eu la? Nawq-euq gharduq ngaq-euq zir shirdanpeuq ma.”

Yoˇhaˬ 1:42

Khoernar-aq, Aqdaeqlaeq, Sirmoq sheuq-awr, Yeqsur-anr dzoer-ir-euq mae. Yeqsur, Sirmoq-anr haw-awr aer-eu, “Nawr-aq, Yornav-euq zaqyo Sirmoq ngar-a. Aqkar nar-aq, nawq-anr Geqpar laer yakur taef-a.” (Geqpar laer aer-eu-aq, khaqlo laer aermawf-eu mae.)

Maꞈtehˬ 26:35

Beqtuvluv, Yeqsur-anr aernaeq-eu, “Ngar, nawq naeq-aer tiqkawv lof-aer yashir-eu khawf, ngar, nawq-anr maq siqnya nya laer tiqjeq ghaenae-iq maqaer.” Zaqlanr dawqtawvluf khawf khoerlof-aer aer-eu mae.

Maꞈtehˬ 26:33

Beqtuvluv aer-eu, “Aqcawq yawqghaq navluf, nawq-euq baqda’nae sanqtiftif jir-euq khawf, ngar-aq maqtif.”

Gʼaˬkʼehˇ 20:29

Ngar dov-ir dzeur-euq nar-aq, zawr ghae-eu khaqyaer deuq, nawmaf-euq ghanrcae urlar-awr, yawr yawrmaf-anr lavcawv duidui taef-a laer ngar siqnya ma.