Yoˇhaˬ 20:28 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁸ Khoerngae, Tormav, aqyawf-anr aerkhof naeq-eu, “Ngaq-euq Sanqpaq, ngaq-euq Miqyaer-or!”

Akha

²⁸ Toˇmaˆ ehˇ-eu, “Nawˇ-aˬ, ngaˬ-euˬ Sahˬpaˬ hawˇ-eu ngaˬ-euˬ Miˬyehˇ meh.”

Yoˇhaˬ 20:28 Referans Kwoze

Yoˇhaˬ 1:1

Ardanqbae ngae nae Dawq jawrluf-eu mae. Dawq khoer-aq, Miqyaer naeq-aer jawr-awr, Dawq khoer-aq, Miqyaer mae.

1 Tiˆmoˇseˬ 3:16

Aqdui uqduq tanq-eu zanr-euq lafkhoer zaftaq-euq jeq arnavni huiq-eu la laer aqdui siqnya-eu ma: Miqyaer shiqshaq pi-awr daefle-euq gar bimawr naeqlaf-euq mae. Muiq-eu Saflar khawf aqyawf-aq, dawr-awr tsaq-eu mae laer sarkir kamq-eu mae. Mqtav ghaqkhaer, aqyawf-anr ya’mawr-euq mae. Aqyawf-euq garkawv aqcawq tsawrjeuq tsawrca-anr gaqdoe-ir-awr, Mirtsaqzaq, aqyawf-anr jan-eu mae. Aqyawf-aq, yawshaef khanqsaer-euq lafkhoer bi sheuqdav lef-euq mae.

Maꞈtehˬ 14:33

Khoerngae, lawq-euq lafkhoer urluf-eu deuq, Yeqsur jawr-eu gar lar-awr uqduq tanqtanq-aer aer-eu, “Nawr-aq, aqdir aqmar Miqyaer-euq Zaqyo ngar-a.”

Yoˇhaˬ 5:23

Khoer-aq, tsawrhaq dawqtawvluf, Aqda Miqyaer-anr yawzeu baw-eu lof-aer, Zaqyo-anr khawf yawzeu bi bawlar-eu gharduq mae. Zaqyo-anr yawzeu maqbaw-eu tsawrhaq-aq, Zaqyo-anr khaerghae lef-euq Aqda Miqyaer-anr khawf yawzeu maqbaw-a.

Luˇkaꞈ 24:52

Aqyawfmaf, aqyawf-anr uqduq tanq-awr, laqkhaq caertavni Yeqlursaqlaeq-anr ghofler-euq mae.

Yoˇhaˬ 20:16

Yeqsur, aqyawf-anr, “Maqliv-or” laer kur ngae, Maqliv nanrghof ghofhaw-awr, “Laqbornir-or” laer aqyawf-anr kur-euq mae (Laqbornir laer aer-eu-aq, saqlaq laer aermawf-eu mae).

Yoˇhaˬ 20:31

Aerkhawf, Yeqsur-aq, Kali pyeuf-eu Miqyaer-euq Zaqyo ngar-a laer nawmaf jan-awr, aqyawf-anr jan-eu mirnae, aqyawf-euq tsawrmyanr-euq lafkhoer nawmaf daef-eu jeq za’ni garkawv heudeuq boftaq-euq ma.

Jaceuq 45:6

Miqyaer-or! Nawq-euq nuirmanq-aq, li-eu maqbawni mqmaq maqbyav yarzir zif-awr, Nawq-euq uvlanr-eu gawqyoeq-aq, tsaq-awr dawr-eu uvlanr-eu gawqyoeq mae.

Jaceuq 45:11

Sanqpaq-aq, nawr hawmuiq-eu gar yawkhav-aer geufmawf-eu mae; Aqyawf-aq, nawq-euq Ya’we Miqyaer pyeuf-eu mirnae, Aqyawf-anr uqduq tanq-awq.

Yoˇhaˬ 20:27

Khoernar-aq, aqyawf, Tormav-anr aernaeq-eu, “Nawq-euq lafnoer heugar toeqhaw lar-awr, ngaq-euq aqlaf-anr khawf haw-awr, nawq-euq aqlaf cawqlaf-awr, ngaq-euq byarghar-anr toeqhaw-awq. Maq jancoer-aer maqghaeni jan-awq.”

Yoˇhaˬ 20:29

Yeqsur, aqyawf-anr aernaeq-eu, “Nawr-aq, ngaq-anr mawr-euq mirnae jan-eu ngar-a. Ngaq-anr maqya mawr-euq khawf jan-eu tsawrhaq-aq, guiqlanqhuiq taef-a.”