Yoˇhaˬ 20:19 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Khoernar-aq, tiqjaw-euq lafkhoer yawbae ngae nan, uqcif paw zaqlanr deuq, Yurdav tsawrhaq-anr guv-eu mirnae, aqyawfmaf uiqler taq-euq jawrduq-euq larghov piqtaeqjir taq-euq mae. Khoerngae, Yeqsur urlar-awr, aqyawf maf-euq ghanrcae yawf-awr aqyawf maf-anr aernaeq-eu, “Nawmaf, nuisar of luf-ur!”

Akha

¹⁹ Tiˬ jaw laꞈ kʼoeˇ aˇ dahˬ beh-eu aˇ nah pyeuꞈ-eu kʼoeˇ ngeh nah uˬ ciꞈ paw, zaˬ lahˇ deuˬ Yuˇdaˆ tsawˇ haˬ aˬ yuiꞈ aˬ tsu deuˬ-ahˇ guˆ-eu miˇ neh, tiˬ gaˇ uiˬ leˇ jiˇ-awˇ, laˇ gʼoˆ sehˬ sehˬ tehˬ-awˇ jawˇ-eu meh. Kʼoeˇ ngeh, Yeˬsuˇ aˬ yawꞈ maꞈ jawˇ gaˇ yawꞈ le-awˇ, “Naw maꞈ nui saˇ oꞈ luꞈ-uˇ” lehˇ ehˇ le-euˬ meh.

Yoˇhaˬ 20:19 Referans Kwoze

Yoˇhaˬ 20:26

Khoernar-aq, yaef nan dzeur-ir-awr, aqyawf-euq zaqlanr deuq, nymr-euq lafkhoer par uiqler-awr jawr ngae, Tormav khawf aqyawfmaf naeq-aer jawrluf-eu mae. Aqyawfmaf larghov dawqtawvluf piqtaeqjir taq-awr jawrluf ngae, Yeqsur urlar-awr, aqyawf maf-euq ghanrcae yawf-awr aer-eu, “Nawmaf, nuisar of luf-ur!”

Yoˇhaˬ 14:27

“Ngar, nawmaf-anr nuisar of-eu jeq bifyaf ma. Ngar, nawmaf-anr bif-eu ngaq-euq nuisar of-eu jeq heu-aq, mirtsaqzaq bif-eu lof-aer bif-eu maqngeur. Nawmaf-euq nuima maqsar-aer taqghae, guv khawf taqguv.

Yoˇhaˬ 20:21

Khoerngae, Yeqsur, aqyawf maf-anr par aernaeq-eu, “Nawmaf, nuisar of luf-ur! Aqda, ngaq-anr khaerghae lef-euq lof-aer, ngar khawf, nawmaf-anr khaerghae-eu ma.”

Eˇpeˇsu 2:14

Aqjeq mirnae aernar-aq, Kali, aqdui-euq tsaqler dzoerler-eu jeq pyeuf-eu lafkhoer, aqdui, tsawrjeuq nyiq jeuq pyeuf-euq khawf, tiq jeuq taef-aer bi pyeuflar-awr, yawkaq-anr tawpav taq-euq karpyawr-anr pyavdzae-euq mae.

2 Teˇsaˬloˇni 3:16

Nuisar biof-eu Sanqpaq Miqyaer, aqyawfghaq, nawmaf-anr aqmyanluf yawqjeq navluf-euq lafkhoer nuisar biof luf-ur. Sanqpaq Miqyaer, nawmaf yawqghaq navluf naeq-aer jawr luf-ur.

Yoˇhaˬ 7:13

Aerkhawf, aqyawfmaf, Yurdav tsawrhaq-anr guv-eu mirnae, tiqghaq-iq Yeqsur-euq garkawv byacaevni maq japeuq-a.

Maˬkuˆ 16:14

Khoernar-aq, ghaqkhaer 11 ghaq hawqjawq jawqluf ngae, Yeqsur, aqyawf maf-anr bimawr-euq mae. Aqyawfmaf maqjan-eu uqtaf, nuima ghanr-eu mirnae, Yeqsur, aqyawf maf-anr daeqnaeq-euq mae. Aqjeq mirnae aernar-aq, aqyawf ghofdaef lar-euq gar ya’mawr-euq tsawrhaq deuq-euq dawq-anr aqyawfmaf maqjan-a.

Panmaeq 1:4

Ngar-aq, Yorhaq ma. Aqsir mircoer-anr jawr-eu Kalizaq armur shif mur-anr sanqbof heu bofanr laf-euq ma. Arhu nae daef-eu, nymq-mr keuvni daefluf-awr, aqkar zafka le-eu laer ghae-eu ghaq hawr-eu Miqyaer-euq nuirmanq-euq maeqshi jawr-eu Saflar shif lar-euq guiqlanq yawdzanr, hawr-eu nuisar of-eu jeq, nawmaf-euq khoertav jav luf-ur.

1 Gawˇliˬtu 15:5

Khoernar-aq, aqyawf-euq mawrdo Geqpar-anr bimawr-awr, ghaqkhaer 12 ghaq-anr khawf bimawr-euq mae.

Yoˇhaˬ 16:33

Nawmaf, ngaq-euq lafkhoer nuisar of-eu jeq za’ni, ngar, nawmaf-anr garkawv heudeuq aernaeq-eu ma. Mirtsaq-euq khoertav jawr ngae, nawmaf shaq-awr zanq-eu jeq-anr yadaq taef-a. Aerkhawf, nawmaf nuima zif-awr laqkhaq caer-awq, ngar, mirtsaq-anr ghaqler-euq ma.”

HeˬByehˇ 7:2

Aqbyaqhaq khawf, aqyawf nae khar deuvza-euq lafkhoer nae aqyawf-anr tserbymr tiqbymr bifnaeq-euq mae. Maqlaqkirsaqdaev laer aer-eu tsawrmyanr-euq dawqtsuif-aq, “Tsaq-awr dawr-eu sanqpaq” laer aermawf-awr, Saqlaeq-euq sanqpaq laer aer-eu-aq, “Nuisar bi’of-eu sanqpaq” laer aermawf-eu mae. (Adb 14:17-20)

Piˇliˇpiˆ 1:2

Aqdui-euq Aqda Miqyaer hawr-eu Sanqpaq Yeqsur Kali-euq guiqlanq yawdzanr hawr-eu, nuisar of-eu jeq nawmaf-euq khoertav jav luf-ur.

Eˇpeˇsu 6:23

Aqda Miqyaer hawr-eu Sanqpaq Yeqsur Kali-anr nae oe-euq, nuisar of-eu jeq, gaq-eu jeq hawr-eu jan-eu jeq, aqyuif aqnyir deuq-euq khoertav jav luf-ur.

Lormav 15:33

Nuisar bif-eu Miqyaer, nawmaf yawqghaq navluf naeq-aer jawr luf-ur. Aqmeq.

Yoˇhaˬ 16:22

Khoerlof-aer durni, nymq-mr nawmaf noeqshaq luf-eu ngar-a. Aerkhawf, ngar, nawmaf-anr parya mawr ngae, nawmaf-euq nuima laqkhaq caerlar taef-a. Nawmaf laqkhaq caer-eu gar, laqkhaq maqbi caerni tiqghaq-iq maq yurgeuf nya-ar.

Maꞈtehˬ 18:20

Aqjeq mirnae aernar-aq, aqgeugar maqkaq, tsawrhaq nyiq ghaq smr ghaq, ngaq-euq tsawrmyanr-anr ghoe-awr uiqler nar-aq, ngar khoergar, aqyawf maf-euq ghanrcae jawr ma.”

Maꞈtehˬ 10:13

Nymrkhanq khoerkhanq, nawmaf-euq nuisar of-eu jeq za-eu geux nar-aq, nuisar of-eu jeq nymr khoernymr-anr bi keuvle-awq. Aerkhawf, za-eu maqgeux nar-aq, nawmaf-euq nuisar of-eu jeq nawmaf-anr bi ghofkhof lar-awq.

Jaceuq 122:8

Ngar, ngaq-euq maernmr deuq hawr-eu cawqdeuq-euq gharduq heulof-aer aer-eu ma, “Nawq-euq lafkhoer nuisar of-eu jeq jav luf-ur.”

Yoˇhaˬ 21:1

Khoernar-aq, Deqbeqlir lan landzer, Yeqsur, zaqlanr deuq-anr tiq pov parbi mawr-euq mae. Aqyawf, aqyawf-euq mawrdo bimawr-euq garkawv-aq heulof-aer mae.

Yoˇhaˬ 21:14

Yeqsur, shir-euq gar nae ghofdaef lar-euq nar-aq, aqyawf-euq mawrdo aqyawf-euq zaqlanr deuq-anr bimawr-euq heupov-aq, smq pov tiqpov mae.

Gʼaˬkʼehˇ 1:3

Aqyawf shaqzanq daqghaq-euq nar-aq, yawduq baw-eu sarkir ghawqmya jeq nae aqyawf daefluf-eu ma laer, ghaqkhaer deuq-anr bimawr-euq mae. Oeqtser nan-euq lafkhoer aqyawf-euq mawrdo aqyawf maf-anr bimawr-awr, Miqyaer uvlanr-eu garkawv ja’maeq naeq-euq mae.

3 Yoˇhaˬ 1:14

Ghawqmyanr maqghae-aer nawq-anr myavpyawq tanqdzoer-awr dawqja ya jacawq-eu gar, ngar noeqtmq luf-eu ma. Nawr nuisar of luf-ur. Aqdui-euq cawqdeuq, nawq-anr dawqcawq puqanr lef-euq mae. Cawqdeuq tiqghaq sair tiqghaq-anr dawqcawq puqdan naeqlaf law de-eq.