Yoˇhaˬ 20:17 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Yeqsur, aqyawf-anr heulof-aer aernaeq-euq mae, “Ngaq-anr taq gheutaeq. Aqjeq mirnae aernar-aq, ngar, ngaqDa jawr-eu gar maq ghofdav ler-aq siq. Nawr, ngaq-euq aqyuif aqnyir deuq jawr-eu gar le-awr nae, ‘NgaqDa hawr-eu nawmaf-euq Aqda pyeuf-awr, ngaq-euq Miqyaer hawr-eu nawmaf-euq Miqyaer khawf pyeuf-eu, ngaqDa jawr-eu gar ngar ghofdavler ma’ jer laer aernaeq ler-awq.”

Akha

¹⁷ Yeˬsuˇ aˬ yawꞈ-ahˇ ehˇ nehˬ-eu, “Ngaˬ-ahˇ taˬ nyehꞈ tehˬ. Aˬ jeˬ miˇ neh ehˇ naˇ, ngaˇ Aˬda jawˇ gaˇ maˬ gʼoꞈ leˇ-aˬ siˬ. Ngaˬ-euˬ zaˬ lahˇ deuˬ jawˇ gaˇ iˇ-awˇ, ngaˬ-euˬ Aˬda hawˇ-eu aˬ yawꞈ maꞈ-euˬ Aˬda pyeuꞈ-eu, ngaˬ-euˬ Miˬyehˇ hawˇ-eu aˬ yawꞈ maꞈ-euˬ Miˬyehˇ jawˇ gaˇ ngaˇ gʼoꞈ leˇ ma lehˇ ehˇ-eu meh lehˇ ehˇ nehˬ-iˇ-awˬ.”

Yoˇhaˬ 20:17 Referans Kwoze

Yoˇhaˬ 16:28

Ngar, Aqda jawr-eu gar nae oe-awr, mirtsaq-anr oeka-euq ma. Ngar, mirtsaq-anr nae dov-ir-awr, Aqda jawr-eu gar par ghofler ma.”

1 Beˬtuˆluˆ 1:3

Aqdui-euq Sanqpaq Yeqsur Kali-euq Aqda Miqyaer-anr jaceuq kar-eur. Aqyawf ghawqshaq gaq-eu jeq myaq duidui-eu lafkhoer, Yeqsur Kali shir-euq gar nae ghofdaef lar-euq gar ghoe-awr, aqdui-anr daef-eu noeqtmq-eu jeq bi za’ni, aqdui-anr bi daefparlar naeqlaf-euq mae.

Gaˬlaˬtiˆ 3:26

Jan-eu mirnae, nawmaf yawqghaq navluf, Yeqsur Kali-euq lafkhoer Miqyaer-euq zaq pyeuflar-euq mae.

Yoˇhaˬ 17:11

Nymq-mr nae nar-aq, ngar, mirtsaq-euq khoertav maqpar jawrni nawr jawr-eu gar ghoflar ma. Aerkhawf, aqyawf maf-aq, mirtsaq-euq khoertav yajawr-eu mae. Shawr-eu Aqda-or! Arnyaf lof-aer aqyawfmaf khawf nuima tiqsiq taef-aer taqnya larni, nawq-euq tsawrmyanr-anr ghoe-awr, nawq nae ngaq-anr bifnaeq laf-euq tsawrhaq deuq-anr bosav naeq-awq.

1 Yoˇhaˬ 3:2

Ngar zawr gaq-eu cawqdeuq-or! Nymq-mr aqdui-aq, Miqyaer-euq zaq ma. Aqkar aqdui aqjox-aer pyeuflar-eu gar maq panmaeq laf-aq siq. Aerkhawf, Kali dovle ngae, aqdui, aqyawf lof-aer pyeuflar taef-a laer siqnya ma. Aqjeq mirnae aernar-aq, aqyawf aqjox-aer pyeuf-eu gar aqdui byacaevni ya’mawr taef-a.

Yoˇhaˬ 14:6

Yeqsur, aqyawf-anr heulof-aer aernaeq-euq mae, “Ngar-aq, garma ma, yawtsaq yawdawr jeq hawr-eu daef-eu jeq khawf ngeur ma. Ngaq-anr maqghoe nar-aq, tsawrhaq tiqghaq-iq Aqda jawr-eu gar maq lekeuv nya-a.

Maˬkuˆ 16:19

Sanqpaq Yeqsur, aqyawf maf-anr dawq khoerlof-aer ngaeqnaeq ghaq-euq nar-aq, mq-euq khoertav bi sheuqkhofdav lef-awr, Miqyaer-euq armar paw nuir-euq mae.

Jaceuq 68:18

Nawr yawgor-anr davler ngae, bi kalanr taq-euq deuq-anr sheuqdav lef-euq mae; Nawr, tsawrhaqzaq-euq ghanrcae nae lafsawq za-awr, Puiq-eu deuq-euq lafkhoer nae khawf za-euq mae. Miqyaer pyeuf-eu Ya’we Miqyaer khoergar jawr taef-a.

Panmaeq 21:3

Khoerngae, ngar, mq-anr nae tersar yawkhav-aer heulof-aer ngaeqdov lef-eu gar yagaq-euq ma: “Hawsher-eq. Miqyaer-euq jawrduq, tsawrhaq jawr-eu gar javle-euq mae. Aqyawf, aqyawfmaf naeq-aer jawr-awr, aqyawfmaf, Miqyaer-euq zaq pyeuflar taef-a. Miqyaer, aqyawfghaq, aqyawfmaf naeq-aer jawr-awr, aqyawf maf-euq Miqyaer pyeuf taef-a.

2 Gawˇliˬtu 6:18

“Ngar, nawmaf-euq Aqda pyeuf-awr, Nawmaf-aq, ngaq-euq zaqmiq hawr-eu zaqyo pyeuflar taef-a laer, Baoq huiq duidui-eu Sanqpaq Miqyaer aer-eu mae.” (2Sml 7:8,14)

Lormav 8:29

Aqjeq mirnae aernar-aq, aqyawfmaf, aqyawf-euq Zaqyo-euq shaevdzeuf anrlarni, yawbae ngae nae Miqyaer siqnya-awr tserdov taq-euq mae. Maernmr ghawqmya ghaq-anr nae, aqyawf-euq Zaqyo-anr huqbaw zaqyo ghaq bigeuf-eu laer Miqyaer khoerlof-aer janr-euq mae.

Yoˇhaˬ 17:25

Tsaq-awr dawr-eu Aqda-or! Mirtsaqzaq, nawq-anr maq siqnya-eu khawf, ngar, nawq-anr siqnya ma. Nawq nae ngaq-anr khaerghae lef-euq mae laer tsawrhaq heudeuq siqnya-eu mae.

Maꞈtehˬ 28:7

Yawkawr-aer ghofler-awr, aqyawf shir-euq gar nae ghofdaef lar-euq mae laer aqyawf-euq zaqlanr deuq-anr dzawrgaq ler-awq. Khoeruqtaf, aqyawf, nawmaf-euq maeqhu nae Gaqliqlaer mirkhanq-anr leluf-eu mae. Khoergar nawmaf, aqyawf-anr ya’mawr taef-a laer aernaeq-awq. Haeq, heu-aq, ngar, nawnyaf-anr aernaeq-eu ma.”

Maꞈtehˬ 12:50

Mq-euq khoertav jawr-eu ngaqDa nuima tsaqni kharmr-eu tsawrhaq-aq, ngaq-euq maernmr, ngaq-euq dmrma hawr-eu ngaq-euq aqma mae.”

Panmaeq 21:7

Ghaqler-euq tsawrhaq-aq, jeqbir dawqtawvluf za taef-a. Ngar, aqyawf-euq Miqyaer pyeuf-awr, aqyawf, ngaq-euq zaq pyeuf taef-a.

HeˬByehˇ 8:10

Khoeryamq dzeur-euq nar-aq, Ngar, Irsaqleqlav-euq nymrkhanq-anr dawqma sarjax heulof-aer dzaq ma laer Sanqpaq Miqyaer aer-eu mae: Ngar, ngaq-euq zanrdawq aqyawf maf-euq nuinoeq-euq lafkhoer dawvanr naeq-awr, aqyawf maf-euq nuima-anr bofmyanqnaeq ma. Khoernar-aq, ngar, aqyawf maf-euq Miqyaer pyeuf-awr, Aqyawfmaf khawf ngaq-euq tsawrhaq pyeuflar taef-a.

Yoˇhaˬ 20:27

Khoernar-aq, aqyawf, Tormav-anr aernaeq-eu, “Nawq-euq lafnoer heugar toeqhaw lar-awr, ngaq-euq aqlaf-anr khawf haw-awr, nawq-euq aqlaf cawqlaf-awr, ngaq-euq byarghar-anr toeqhaw-awq. Maq jancoer-aer maqghaeni jan-awq.”

Yoˇhaˬ 17:5

Aqda-or! Mirtsaq maqbae-euq minav-aer, ngar, nawq naeq-aer jawr ngae jav-euq yawshaef khanqsaer khoer, nymq-mr nawq naeq-aer tiqkawv lof-aer yawshaef khanqsaer biza naeqlaf-awq.

Yoˇhaˬ 14:28

‘Ngar ghofler khawf, nawmaf jawr-eu gar tiq pov paroe ma’ laer ngaq nae nawmaf-anr aernaeq-euq dawq nawmaf yagaq-euq mae. Nawmaf, ngaq-anr gaq nar-aq, ‘Ngar, Aqda jawr-eu gar ghofler ma’ laer aer-eu mirnae, nawmaf laqkhaqcaer taef-a. Aqjeq mirnae aernar-aq, Aqda-aq, ngaq-euq navmaqtser huiq-eu mae.

Yoˇhaˬ 14:2

NgaqDa-euq nymr-anr jawrkhar zaganq mae. Jawrkhar maqza lawnmr-aq, ngar, nawmaf-anr aernaeq taef-a. Ngar, nawmaf-euq gharduq jawrzar lavsavler ma.

Yoˇhaˬ 13:3

Aqda Miqyaer nae aqyawf-euq aqlaf-euq lafkhoer yawqjeq navluf a’naeq jir-awr, aqyawf, Miqyaer jawr-eu gar nae oe-awr, Miqyaer jawr-eu gar ya ghofler-eu mae laer Yeqsur siqnya luf-eu mae.

Yoˇhaˬ 13:1

Baqsaqkaq yawbui bui-eu maq keuvlar-euq minav-aer, Yeqsur-aq, aqyawf, mirtsaq heu-anr yaghawq-awr, Aqda jawr-eu gar ya ghofler-eu aryamq keuvlar-euq mae laer siqnya luf-eu mae. Aqda-aq, mirtsaq-euq khoertav jawr-eu aqyawf-euq tsawrhaq-anr gaq-awr, arsaqsaq ngae keuvni, aqyawf, aqyawf maf-anr gaq-euq mae.

Yoˇhaˬ 7:33

Khoerngae, Yeqsur, aqyawf maf-anr aernaeq-eu, “Ngar, nawmaf naeq-aer tiqkhaeq jawr nar-aq, ngaq-anr khaerghae lef-euq ghaq jawr-eu gar ghofler ma.

Luˇkaꞈ 10:4

Pyur pawqbaev, paertanr hawr-eu saeqnawv taq yurghae. Garpaer canluf ngae, aqcawq-anr dawqcawq puqpuq-aer taqjawr.

Jaceuq 89:26

Aqyawf, ngaq-anr heulof-aer gur taef-a. ‘Nawr-aq, ngaq-euq aqda hawr-eu ngaq-euq Miqyaer ma. Ngaq-anr bibuq-ir naeqlaf-eu logur mae.’

Maꞈtehˬ 25:40

Khoerngae, Sanqpaq khoerghaq, aqyawf maf-anr aerkhof naeq-eu, ‘Ngar, nawmaf-anr aqdirma-aer aernaeq nyar, nawmaf nae ngaq-euq aqyuif aqnyir heudeuq-euq lafkhoer nae nyirdzaeq dzaeq-eu tiq ghaq-anr janrnaeq-euq khoer-aq, ngaq-anr janrnaeq laf-euq mae.’

Jaceuq 48:14

Aqjeq mirnae aernar-aq, Miqyaer heughaq-aq, Li-eu maqbawni, mqmaq maqbyav yarzir aqdui-euq Miqyaer pyeuf-eu mae. Aqyawf, aqdui-anr shir ngae keuvni sheuqghae naeqlaf taef-a.

Jaceuq 43:4

Khoernar-aq, huiq duidui-eu ngaq-euq laqkhaq caerduq pyeuf-eu Miqyaer jawr-eu, Miqyaer-euq lawrduq-anr ngar le ma. Ngaq-euq Miqyaer pyeuf-eu Miqyaer-or, Ngar, deur-mq diq-awr nawq-anr jaceuq ma.

Jaceuq 22:22

Ngar, ngaq-euq maernmr deuq-anr, nawq-euq tsawrmyanr dzawrgaq ma. Armur uiqler-awr jawr-eu ghanrcae, ngar, nawq-anr car-awr jaceuq ma.

HeˬByehˇ 11:16

Aerkhawf, nymq-mr aqyawfmaf geufmawf-eu mirkhanq-aq, khoernav maqtser muiqdzaeq-eu mq-euq khoertav jav-eu mirkhanq mae. Khoermirnae, tsawrhaq khoerdeuq, Miqyaer-anr aqyawf maf-euq Miqyaer ma laer aer-eu gar Miqyaer maq shafdawr-a. Aqjeq mirnae aernar-aq, Miqyaer, aqyawf maf-euq gharduq meuq tiq meuq laeqhmq taq-euq mae.

Maˬkuˆ 12:26

Shir-euq tsawrhaq ghofdaef lar-eu garkawv-anr tafler-awr, Morseq-euq sanqbof-euq lafkhoer bawduv-euq garkawv boftaq-euq gar nawmaf maq guihaw-aq laq? ‘Ngar-aq, Aqbyaqhaq-euq Miqyaer, Irtsav-euq Miqyaer hawr-eu Yaqkov-euq Miqyaer ma’ (Di 3:6,15) laer Miqyaer, Morseq-anr aernaeq-euq mae.