Yoˇhaˬ 2:23 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Yeqsur, Yeqlursaqlaeq-anr jawr-awr Baqsaqkaq yawbui builuf ngae, tsawrhaq ghawqmya’ni aqyawf nae mr-euq bisiq bimawr-eu jeq-anr ya’mawr-awr, aqyawf-euq tsawrmyanr-anr janlar-euq mae.

Akha

²³ Baˬ saˬ kaˬ bawˬ-iˬ gʼeh-eu aˇ yamˬ laꞈ kʼoeˇ, Yeˬluˇsaˬlehˬ meuˬ-ahˇ Yeˬsuˇ jawˇ luꞈ ngeh, aˬ yawꞈ neh mˇ-euˬ kʼaˆ jeˬ-ehˇ gʼeh-eu bi siˬ bi mawˇ-eu jeˬ-ahˇ aˬ cawˬ ya mawˇ-awˇ, tsawˇ haˬ gʼawˬ mya ni aˬ yawꞈ-ahˇ jah laˇ-euˬ meh.

Yoˇhaˬ 2:23 Referans Kwoze

Luˇkaꞈ 8:13

Khaqlo-euq khoertav gadav-ir-euq deuq-aq, Miqyaer-euq dawq yagaq ngae, laqkhaq tiqcaer hageuf-euq khawf, duqcir maq ka’naf nya-eu mirnae, tiqkhaeq taef-aer jan-awr, murjur jur-eu jeq tanqpuq ngae, coq-ir-eu deuq-anr aermawf-eu mae.

Yoˇhaˬ 6:14

Tsawrhaq khoerdeuq, Yeqsur nae bisiq bimawr-eu jeq mr-euq gar ya’mawr-awr aer-eu, “Tsawrhaq heughaq-aq, aqdir mirtsaq-euq khoertav oe taef-a laer aertaq-euq, Miqyaer gharduq ngaeqdan-eu khoerghaq ngar-a.”

Gaˬlaˬtiˆ 5:6

Aqjeq mirnae aernar-aq, Yeqsur Kali-euq lafkhoer jawr-eu tsawrhaq deuq, bawkhov maeqdzaq yaeq-eu hawr-eu maqyaeq-eu-aq, tiqjeq-iq gardanr maqtsoeq-a. Aerkhawf, gaq-eu lafkhoer mrdov shardov laf-eu jan-eu jeq taef-aer gardanr tsoeq-eu mae.

Yoˇhaˬ 7:31

Tsawrhaq khoerdeuq-euq lafkhoer ghawqmya ghaq aqyawf-anr janlar-awr aer-eu, “Kali oe ngae, tsawrhaq heughaq nae mr-euq bisiq bimawr-euq deuq myavmaqtser aqyawf mr taef-a lor?”

Yoˇhaˬ 3:2

Uqcif paw, aqyawf, Yeqsur jawr-eu gar lar-awr aer-eu, “Laqbir-or! Nawr-aq, Miqyaer jawr-eu gar nae oe-euq saqlaq tiq ghaq ngar-a laer nga’maf siqnya-eu ma. Aqjeq mirnae aernar-aq, nawq nae janr-euq bisiq bimawr-eu jeq, janr-eu ghaq naeq-aer Miqyaer maqjawr lawnmr-aq, tsawrhaq tiqghaq-iq maq janrnya-a.”

Yoˇhaˬ 2:13

Yurdav tsawrhaq-euq Baqsaqkaq yawbui bui-eu aryamq paelar-awr, Yeqsur, Yeqlursaqlaeq-anr le-euq mae.

Yoˇhaˬ 2:11

Gaqliqlaer mirkhanq-anr jav-eu Gaqnaq pu-anr Yeqsur bisiq bimawr-eu jeq mrbae bae-euq lafkhoer, aqyawf-euq yawshaef khanqsaer aqcawq-anr bimawr-euq mae. Khoerngae, aqyawf-euq zaqlanr deuq, aqyawf-anr janlar-euq mae.

Yoˇhaˬ 4:45

Aerkhawf, Yeqsur, Gaqliqlaer mirkhanq-anr lekeuv ngae, Gaqliqlaer tsawrhaq deuq, aqyawf-anr hageuf-euq mae. Aqjeq mirnae aernar-aq, aqyawfmaf khawf Yeqlursaqlaeq-anr yawbui bui-eu gar le-awr, yawbuibui ngae Yeqsur nae kharmr-euq yawqjeq navluf ya’mawr-euq mae.

Yoˇhaˬ 5:36

“Aerkhawf, ngar-aq, Yorhaq-euq sarkir navmaqtser huiq-eu jeq jav-eu ma! Aqda nae ngaq-anr bifnaeq laf-euq gardeuq mrluivni, nymq-mr ngar mrluf-eu heu-aq, Aqda nae ngaq-anr khaerghae lef-euq mae laer sarkir kamq-eu mae.

Yoˇhaˬ 6:2

Khoerngae, tsawrhaq armaf mafma deuq, Yeqsur nae nar-awr gawr-eu tsawrhaq deuq-euq khoertav bisiq bimawr-eu jeq mr-euq gar ya’mawr-euq mirnae, aqyawf-euq maeqnan cantae ghae-euq mae.

Yoˇhaˬ 11:45

Khoernar-aq, Maqliv naeq-aer oe-euq Yurdav tsawrhaq ghawqmya ghaq, Yeqsur nae mr-euq gar ya’mawr ngae, aqyawf-anr janlar-euq mae.

1 Yoˇhaˬ 3:23

Miqyaer nae biftaq-euq dawq-aq heulof-aer mae. Aqdui, aqyawf-euq Zaqyo, Yeqsur Kali-euq tsawrmyanr-anr yajan-awr, aqyawf nae dawq biftaq yaf-euq lof-aer tiqghaq tirghaq yagaq-eu mae.