Yoˇhaˬ 2:19 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Yeqsur, aqyawf maf-anr aerkhof naeq-eu, “Nawmaf, uqduq tanqnymr nymrma heu pyavdzae-awq, ngar smq nan-euq lafkhoer tsovpar ma.”

Akha

¹⁹ Yeˬsuˇ eh-eu, “Uˬ duˬ tahˬ nymˇ nymˇ ma heu pyaˆ dzeh jiˇ-awˬ. Smˬ nah laꞈ kʼoeˇ ngaˇ paˇ tsoˆ gʼaˬ nya ma.”

Yoˇhaˬ 2:19 Referans Kwoze

Maˬkuˆ 14:58

“Aqyawf heulof-aer aer-eu gar nga’maf yagaq-euq ma, ‘Ngar, aqlaf nae tsovtaq-euq uqduq tanqnymr nymrma heu-anr pyavdzae-awr, aqlaf nae tsov-euq maqngeur-eu uqduq tanqnymr nymrma yawqnymryawq, smq nan-euq lafkhoer tsovpar ma.’ ”

Maˬkuˆ 15:29

Khoergar nae irtsaev lartsaev luf-eu tsawrhaq deuq naqlaf zeuvzeuv-aer, Yeqsur-anr yaeqbawq saerlu-aer heulof-aer aernaeq-eu mae, “Aqheur-eu! Nawr-aq, uqduq tanqnymr nymrma-anr pyavdzae-awr, smq nan-euq lafkhoer tsovpar ma laer aer-eu mae.

Maꞈtehˬ 27:40

Aqyawfmaf aer-eu, “Uqduq tanqnymr nymrma pyavdzae-awr, smq nan-euq lafkhoer tsovparkhof ma laer aer-eu ghaq-or! Yawqhar yawqha bibuq-ir-awq lawr. Nawr, Miqyaer-euq Zaqyo ngeur nar-aq, lafyaq-anr nae zafkale sher-eq.”

Maꞈtehˬ 12:40

Yornav, ngaqshaq shaqma-euq uqmav-euq lafkhoer smq nan smq mir ur-euq lof-aer, (Yn 1:17) Tsawrhaq-euq Zaqyo khawf, mirtsaq-euq dawqdan smq nan smq mir yajawr taef-a.

Lormav 8:11

Khoeruqtaf, Yeqsur-anr shir-euq gar nae bi ghofdaef lar-euq ghaq-euq Saflar, nawmaf-euq lafkhoer jawr nar-aq, Yeqsur Kali-anr shir-euq gar nae bi ghofdaef lar-euq ghaq, nawmaf-euq lafkhoer jawr-eu aqyawf-euq Saflar-anr ghoe-awr, nawmaf-euq shirnya-eu mawrdo-anr khawf bi ghofdaeflar taef-a.

Gʼaˬkʼehˇ 3:15

Nawmaf, daefzir-euq Sanqpaq pyeuf-eu ghaq-anr saef-euq mae. Aerkhawf, Miqyaer, aqyawf-anr shir-euq gar nae bi ghofdaef lar-euq mae. Nga’nyaf-aq, garkawv heu-euq sarkir pyeuf-eu ma.

Gʼaˬkʼehˇ 2:32

Yeqsur heughaq-anr Miqyaer nae bi ghofdaef lar-euq mae. Nga’maf dawqtawvluf garkawv heu-euq gharduq sarkir kamq-eu tsawrhaq ma.

Gʼaˬkʼehˇ 2:24

Aerkhawf, Miqyaer, aqyawf-anr shir-eu jeq-euq shaqzanq-anr nae puirpyaeq naeq-awr, bi ghofdaef lar-euq mae. Aqjeq mirnae aernar-aq, shir-eu jeq aqyawf-anr maq paftawftaq nya-a.

1 Beˬtuˆluˆ 3:18

Aqjeq mirnae aernar-aq, Kali khawf iqbax-euq gharduq shaqzanq tiq pov daq-euq mae. Maqtsaq maqdawr-eu tsawrhaq-euq gharduq, tsaq-awr dawr-eu ghaq yadaq-euq mae. Aqyawf, aqdui-anr Miqyaer-euq maeqshi sheuqlef nya’ni, shiqshaq paw-aq, bi tafsaef-euq khawf, muiq-eu Saflar nae bi ghofdaef lar-euq mae.

Lormav 6:4

Khoermirnae, aqdui bartirsaq hageuf-eu lafkhoer, aqyawf shir-euq jeq-anr gawfler-awr, aqyawf naeq-aer tiqkawv lof-aer bi bafpanq-euq ma. Aqda Miqyaer-euq yawshaef khanqsaer-euq baqda’nae, Kali shir-euq gar nae ghofdaef lar-euq lof-aer, tsawrhaq yawshuif pyeuflar-eu lafkhoer yadaef-eu mae.

Yoˇhaˬ 11:25

Yeqsur, aqyawf-anr heulof-aer aernaeq-euq mae, “Ngar-aq, ghofdaef lar-eu jeq hawr-eu daef-eu jeq pyeuf-eu ma. Ngaq-anr jan-eu tsawrhaq-aq, shir-euq khawf ghofdaeflar taef-a.

Maˬkuˆ 8:31

Khoerngae nae nar-aq, danqbae-awr, Yeqsur, aqyawf maf-anr, Tsawrhaq-euq Zaqyo-aq, shaqzanq ghawqmya jeq-anr yadaq-awr, aqyuif aqtsu deuq, pirma aqyuif deuq hawr-eu zanr maeq-eu deuq maq hageuf-eu uqtaf, yabi saef taef-a. Aerkhawf, smq nan keuvlar nar-aq, ghofdaeflar taef-a laer maeqnaeq tsovnaeq-euq mae.

Gawˇlawˇsehˇ 2:12

Nawmaf bartirsaq hageuf ngae, Kali naeq-aer bi bafpanq-euq mae. Aqyawf-anr shir-euq gar nae bi ghofdaef lar-euq Miqyaer gar mrluf-eu gar jan-eu mirnae, bartirsaq hageuf-eu lafkhoer, nawmaf, aqyawf naeq-aer tiqkawv lof-aer ghofdaef lar-euq mae.

1 Gawˇliˬtu 15:12

Kali shir-euq gar nae ghofdaef lar-euq mae laer nymq-mr dawqmaeq maeqnaeq luf-eu khawf, aqjeq mirnae nawmaf-euq lafkhoer tiqpavnav deuq shir-euq tsawrhaq ghofdaef lar-eu maqbaw-a laer aerluf-eu la?

Lormav 4:24

Aqdui-euq gharduq khawf boftaq-euq mae. Aqdui-euq Sanqpaq Yeqsur-anr shir-euq gar nae bi ghofdaef lar-euq Miqyaer-anr aqdui jan nar-aq, aqdui-anr khawf tsaq-awr dawr-eu tsawrhaq laer aqyawf sawxnaeqlaf taef-a.

Gʼaˬkʼehˇ 3:26

Nawmaf yawqghaq navluf, yawqha-euq yawlaeq jeq-anr byaerdzae-awr, aqyawf, nawmaf-anr guiqlanq bibif-eu gharduq, Miqyaer, aqyawf-euq ghaqzaq ghaqkhaer, Yeqsur-anr bi ghofdaef lar-awr, nawmaf jawr-eu gar jeqhu bi’oe-euq mae.”

Yoˇhaˬ 5:19

Khoernar-aq, Yeqsur, aqyawf maf-anr heulof-aer aerkhof naeq-euq mae, “Ngar, nawmaf-anr aqdir aqmar aernaeq nyar, Zaqyo-aq, yawqha yawqha tiqjeq-iq maq mrnya-a. Aqda mr-eu gar mawr-awr, aqyawf mr-eu taef mae. Aqda kharmr-eu yawqjeq navluf Zaqyo khawf mrluf-eu mae.

Maꞈtehˬ 27:63

“Sanqpaq-or! Aqcawq-anr sheuqbanq-eu khoerghaq daefluf ngae, aqyawf, ‘Smq nan byanlar nar-aq, ngar ghofdaeflar ma’ laer aer-eu gar nga’maf noeqtaq-euq ma.

Maꞈtehˬ 16:21

Khoerngae yamq-anr nae nar-aq danqbae-awr, Yeqsur, aqyawf-aq, Yeqlursaqlaeq-anr yale-awr, aqyuif aqtsu deuq, pirma aqyuif deuq hawr-eu zanr maeq-eu deuq-euq aqlaf-euq lafkhoer, ghawqmya jeq yadaq-eu uqtaf, yabi saef-awr, smq nan byanlar nar-aq, ya ghofdaeflar mae laer aqyawf-euq zaqlanr deuq-anr byacaevni bisiq-euq mae.

Gʼaˬkʼehˇ 6:14

Naqzaqlaer tsawrhaq Yeqsur, uqduq tanqnymr nymrma heu-anr pyavdzae-awr, ‘Morseq nae aqdui-anr bi tawqka lef-euq zanr deuq-anr khawf lavpar taef-a’ laer aqyawf aer-eu gar nga’maf yagaq-euq ma.”