Yoˇhaˬ 19:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Aqyawf, guirmaf dzoeqnymr-anr par urler-awr Yeqsur-anr narhaq-eu, “Nawr aqgeugar nae oe-euq le?” Aerkhawf, Yeqsur, aqyawf-anr tiqjeq-iq maq aerkhof naeq-aq.

Akha

⁹ Aˬ yawꞈ hawˇ nymˇ laꞈ kʼoeˇ paˇ gʼoꞈ kʼoꞈ-iˇ-awˇ, “Nawˇ aˬ gaˇ neh oe teˬ” lehˇ, Yeˬsuˇ-ahˇ naˇ haˬ-euˬ meh. Ehˇ kʼawꞈ, Yeˬ suˇ dawˬ maˬ tmˇ-a.

Yoˇhaˬ 19:9 Referans Kwoze

Yoˇhaˬ 18:33

Khoernar-aq, Pirlav, guirmaf dzoeqnymr-anr par urler-awr, Yeqsur-anr kur-awr aqyawf-anr narhaq-eu, “Nawr, Yurdav tsawrhaq-euq Sanqpaq le lor?”

Piˇliˇpiˆ 1:28

Aqgeu dzerdzaq-anr maqkaq, nawmaf-anr muir-eu deuq-anr taqguv. Maqguv nar-aq, aqyawfmaf cawv-ir-awr, nawmaf-aq, Miqyaer-anr nae dovle-euq kakhof-eu jeq za-euq nga laer byacaevni mawrlar taef-a.

Yoˇhaˬ 8:14

Khoerngae, Yeqsur, aqyawf maf-anr heulof-aer aerkhof naeq-euq mae: “Ngar, ngaq-euq garkawv sarkir kamq-eu khawf, ngaq-euq sarkir-aq byan ma. Aqjeq mirnae aernar-aq, ngar aqgeugar nae oe-awr, aqgar ir-eu laer ngar siqnya-eu ma. Aerkhawf, ngar aqgeugar nae oe-awr, aqgar ir-eu la laer nawmaf maq siqnya-a.

Maꞈtehˬ 26:63

Aerkhawf, Yeqsur ciqcurni jawr-euq mae. Khoerngae, pirma yawhuiq ghaq, aqyawf-anr par narhaq-eu, “Daefluf-eu Miqyaer-euq tsawrmyanr-euq uqmov ngar, nawq-anr bikamq ma. Nawr, Miqyaer-euq Zaqyo, Kali laer kur-eu khoerghaq ma lor laer nga’maf-anr aernaeq laf-awq!”

Yoˇhaˬ 18:37

Khoermirnae, Pirlav, aqyawf-anr narhaq-eu, “Tox-aer mar-iq, nawr sanqpaq le lor?” Yeqsur aerkhof naeq-eu, “Nawr, ngaq-anr sanqpaq laer aer-eu tsaq mae. Ngar yawtsaq yawdawr-euq gharduq sarkir kamqni daefle-awr, ngar heu-euq gharduq mirtsaq-euq khoertav oe-euq ma. Yawtsaq yawdawr-anr khartaf-eu tsawrhaq-aq, ngaq-euq tersar-anr narhaq-eu mae.”

Maꞈtehˬ 27:27

Khoerngae, meuqsanr-euq guirzaq deuq, Yeqsur-anr guirmaf dzoeqnymr-euq lafkhoer sheuqur lef-awr, guirzaq tiq mur murlanni, Yeqsur jawr-eu gar tiqjawq bi uiqlar-euq mae.

Luˇkaꞈ 23:9

Khoermirnae, aqyawf, Yeqsur-anr ghawqmya jeq narhaq-euq mae. Aerkhawf, Yeqsur dawq tiqdawq-iq maq ngaeqkhof naeq-aq.

Yoˇhaˬ 18:28

Uqshawq yawnaf-aer, aqyawfmaf, Yeqsur-anr Gaqyaqpar jawr-eu gar nae guirmaf dzoeqnymr-anr sheuqghae-euq mae. Aerkhawf, aqyawfmaf Baqsaqkaq yawbui-anr dzaqtaf nya’ni, guirmaf dzoeqnymr-anr maq urler-aq. Urler nar-aq, aqyawf maf-euq mawrdo maqshawrni pyeuf-ir-eu mae.

Yoˇhaˬ 18:34

Yeqsur, aqyawf-anr aerkhof naeq-eu, “Dawq teudawq, nawr yawqha yawqha noeqdov-awr narhaq-eu le laq? Maqngeur nar-aq, ngaq-euq garkawv aqcawq, nawq-anr aernaeq laf-aq lor?”

Yoˇhaˬ 19:8

Khoerngae, Pirlav dawq khoerdawq-anr yagaq-awr, yawbae navmaqtser guv-eu mae.

Yoˇhaˬ 19:10

Khoerngae, Pirlav, aqyawf-anr aernaeq-eu, “Nawr, ngaq-anr dawq maq ngaeqcawq lor? Ngar, nawq-anr tafsaef-eu aryaq hawr-eu nawq-anr pyaeqnaeq-eu aryaq jav-eu laer, nawr maq siqnya-eu le laq?”