Yoˇhaˬ 19:34 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁴ Aerkhawf, guirzaq tiq ghaq, Yeqsur-euq byarghar-anr ganq nae tsawv-awr, shiq hawr-eu ircuf tiqpov taef-aer yoerdov lef-euq mae.

Akha

³⁴ ehˇ kʼawꞈ, yehˇ tiˬ gʼaˬ neh Yeˬsuˇ-euˬ byaˇ gʼaˇ-ahˇ gahˬ tsawˆ-awˇ, shiˬ hawˇ-eu iˇ cuꞈ tiˬ poˆ tehꞈ-ehˇ yoeˇ doˆ le-euˬ meh.

Yoˇhaˬ 19:34 Referans Kwoze

1 Yoˇhaˬ 5:6

Heughaq-aq, ircuf hawr-eu shiq-anr nae oe-euq Yeqsur Kali mae. Ircuf-anr nae oe-euq taef maqngeur-a. Ircuf hawr-eu shiq-anr nae oe-euq mae. Muiq-eu Saflar-aq, yawtsaq yawdawr mirnae, Muiq-eu Saflar sarkir kamq-eu mae.

1 Yoˇhaˬ 5:8

Mirtsaq-euq khoertav sarkir kamq-eu smr jeq jav-eu mae. Khoer-aq, Muiq-eu Saflar, ircuf hawr-eu shiq mae. Heu smr jeq sarkir kamq-eu-aq, tiqgar tsaq-eu mae.

Panmaeq 7:14

Khoerngae, ngar, aqyawf-anr, “Ngaq-euq sanqpaq-or! Nawr siqnya mae” laer aerkhof naeq-euq ma. Khoernar-aq, aqyawf, ngaq-anr heulof-aer aernaeq laf-euq mae: “Tsawrhaq heudeuq-aq, shaqdui zanq duidui-eu aryamq-euq lafkhoer nae dovlar-euq mae. Aqyawf maf-aq, yawqha-euq paerkhanq paermanr pyurdeuqni ghaelarni, Yawrzaq-euq shiq nae laeqtsiq ghaq-euq mae.

Eˇpeˇsu 5:26

Kali, Kalizaq armur-anr lavshawr-awr tsiqshawr-eu laer, ircuf nae tsiqshawr-eu lof-aer Yaerdawq-anr ghoe-awr nae lavshawr-eu mae.

Panmaeq 1:5

Shir-euq tsawrhaq deuq-anr nae ghofdaef baebae lar-euq ghaq pyeuf-awr, mirtsaq-euq sanqpaq deuq-euq khoertav uvlanr-eu ghaq pyeuf-eu uqtaf, sarjax zif-eu lafkhoer sarkir kamq-eu Yeqsur Kali-euq guiqlanq yawdzanr hawr-eu nuisar of-eu jeq, nawmaf-euq khoertav jav luf-ur. Aqdui-anr gaq-awr aqyawf-euq shiq nae, aqdui-euq iqbax tsiqshawr naeqlaf-euq mae.

1 Beˬtuˆluˆ 3:21

Khoerlof-aer durni, nymq-mr aqdui, bartirsaq mr-awr yabuq-ir-euq ma. Bartirsaq mrnaeq-euq laer aer-eu-aq, mawrdo-anr laef-eu jawflafni ghae-eu jeq-anr tsiqshawr-euq gar aer-eu maqngeur-a. Yeqsur Kali ghofdaef lar-euq gar ghoe-awr, Miqyaer-euq maeqshi zaqsiq nuisiq shawrlar-euq gar aer-eu mae.

HeˬByehˇ 9:22

Zanrdawq aertaq-euq lof-aer nar-aq, yawqjeq navluf aerghaqni, shiq nae yashawr-eu mae. Shiq dov-eu jeq maqjav nar-aq, iqbax pyaeq-eu jeq maqjav-a.

HeˬByehˇ 9:13

Cifmyaef-euq shiq, mawrner mawrgaw-euq shiq hawr-eu mawrner mawrkhar-euq khaqlaer laertsar, maqshawr-eu tsawrhaq-anr byavshaeqnaeq ngae, shiqshaq paw bi shawrlarni janrnya nar-aq,

Tiˇtuˆ 2:14

Aqyawf-euq mawrdo lawrnaeq-euq khoer-aq, zanrdawq-anr leur-eu yawqjeq navluf-anr nae aqdui-anr kakhof naeqlaf-awr, aqyawf-euq gharduq aqdui-anr lavmuiq lavshawr-awr, yawmuiq jeq mr-eu gar nuima keuv duidui-eu aqyawf-euq tsawrjeuq bipyeuf-eu gharduq mae.

1 Gawˇliˬtu 6:11

Dzeurlaf ngae, nawmaf tiqpavnav deuq khawf khoerlof-aer mr-euq mae. Aerkhawf, nymq-mr Sanqpaq Yeqsur-euq tsawrmyanr-euq uqmov hawr-eu, aqdui-euq Miqyaer-euq Saflar-anr ghoe-awr, nawmaf-anr mrshawr-awr lavshawr-euq uqtaf, tsiqshawr ghaq-euq mae.

1 Gawˇliˬtu 1:30

Aerkhawf, Miqyaer-euq baqda’nae nawmaf, Yeqsur Kali-euq lafkhoer ya jawrlar-euq mae. Kali-aq, aqdui-euq gharduq Miqyaer-euq zaqsiq tsawrganr, tsaq-awr dawr-eu jeq, lavshawr-eu jeq hawr-eu kakhof-eu jeq pyeuflar-euq mae.

Maꞈtehˬ 27:62

Zanr janr-eu gharduq laeqhmq-eu nishawq ngae nan, pirma aqyuif deuq hawr-eu Paqliqsaer deuq Pirlav jawr-eu gar uiqlar-awr heulof-aer aernaeq-euq mae,

Jaceuq 51:7

Ngar shawrlarni, ngaq-anr hursor nae lavshawr naeqlaf-awq. Ngar, ngaer navmaqtser pyurlarni, ngaq-anr tsiqshawr naeqlaf-awq.

Gʼaˬkʼehˇ 22:16

Nymq-mr nawr aqjeq ghae-eu dawqdawq-aer jawr-eu le? Tur-awr, bartirsaq hageuf-awr, nawq-euq iqbax tsiqshawr-awq. Sanqpaq Miqyaer-euq tsawrmyanr-anr kur-awq.’ ”

Yoˇhaˬ 19:33

Aerkhawf, Yeqsur jawr-eu gar larkeuv ngae, aqyawf shirtsaev taq-euq gar ya’mawr-awr, aqyawf-euq aqkuir maq daekhaef-aq.

Yoˇhaˬ 20:20

Khoerlof-aer aerghaq-awr, aqyawf-euq aqlaf hawr-eu byarghar, aqyawf maf-anr bihaw-euq mae. Zaqlanr deuq, Sanqpaq Yeqsur-anr ya’mawr ngae laqkhaqcaer duidui-eu mae.