Yoˇhaˬ 19:28 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁸ Khoerngae, yawqjeq navluf mrluiv jir-euq ma laer Yeqsur siqnya-awr, Yaerbof-euq lafkhoer boftaq-euq dawq byanlarni aer-eu, “Ngar ircuf maef nya!”

Akha

²⁸ Nymˬ-mˇ poˆ jawˇ, yawˬ jeˬ na luꞈ byah laˇ gʼaˬ-euˬ gaˇ kawˆ Yeˬsuˇ siˬ nya-euˬ meh. Jaˇliꞈ laꞈ kʼoeˇ ehˇ taˬ-euˬ loꞈ-ehˇ byah laˇ ni, “Iˇ cuꞈ mehꞈ nya” lehˇ Yeˬsuˇ ehˇ-eu meh.

Yoˇhaˬ 19:28 Referans Kwoze

Jaceuq 69:21

Ngar dzaq-eu gharduq, aqyawfmaf, ngaq-anr pyaqkuir bidzaq naeqlaf-awr, Ngar ircuf maef ngae, aqyawfmaf, ngaq-anr caermyawvni ghae-eu ircuf bidawr naeqlaf-euq mae.

Jaceuq 22:15

Ngaq-euq ghaq oeqlanqpyaeq lof-aer guicorni ghae-awr, Ngaq-euq maeqlar-aq, maeqof-anr myanqler taq-euq mir-a. Nawr, ngaq-anr bishir-eu khaqlaer tsanq-anr sheuqtaq naeqlaf-euq mae.

Yoˇhaˬ 19:30

Yeqsur, caermyawvni ghae-eu aqgaf dzaruir khoer-anr myeufhaw ghaq-euq nar-aq aer-eu, “Mrluiv jir-euq ma!” Khoernar-aq, uqduq ga’mof-awr nae saf tsaev-euq mae.

Luˇkaꞈ 22:37

Ngar, nawmaf-anr aernaeq nyar, ‘Aqcawq, aqyawf-anr mrbanq mrlaeq-euq deuq naeq-aer sawxanr taef-a’ (Isy 53:12) laer boftaq-euq Yaerbof heudawq ngaq-euq lafkhoer ya byanlar taef-a. Aqjeq mirnae aernar-aq, ngaq-euq garkawv khar boftaq-euq deuq ya byanlar taef-a.”

Yoˇhaˬ 19:24

Khoermirnae, aqyawf maf-euq yawkaq ja-eu, “Aqdui, paerkhanq heu maq caeqpyaqni, aqsur ghaq za’nya-eu nga laer shaevtsaqtsaq kar-eur.” Heu-aq, Yaerbof-euq lafkhoer boftaq-euq dawq heudawq bi byanlar-eu gharduq mae, “Aqyawf maf-euq yawkaq, ngaq-euq maeqtsoeq lafnyir kanr birgeuf-awr, Ngaq-euq paerkhanq lafkhoer kanr shaevtsaq tsaqgeuf-euq mae.” (Jc 22:18) Khoermirnae, guirzaq deuq khoerlof-aer janr-euq mae.

Luˇkaꞈ 18:31

Khoerngae, Yeqsur, ghaqkhaer 12 ghaq-anr sheuqceuv dov-awr heulof-aer aernaeq-euq mae: “Narhaq sher-eq, Aqduimaf, Yeqlursaqlaeq-anr leluf-eu ma. Tsawrhaq-euq Zaqyo-euq garkawv, Miqyaer gharduq ngaeqdan-eu deuq nae khar boftaq-euq dawqtawvluf ya byanlar taef-a.

Yoˇhaˬ 18:4

Yeqsur-aq, aqyawf-euq khoertav keuvle-eu laer ghae-eu yawqjeq navluf-anr siqnya-awr, maeqhu paw ledov-awr aqyawf maf-anr narhaq-eu, “Nawmaf aqsur ghaq-anr povluf-eu le?”

Yoˇhaˬ 13:1

Baqsaqkaq yawbui bui-eu maq keuvlar-euq minav-aer, Yeqsur-aq, aqyawf, mirtsaq heu-anr yaghawq-awr, Aqda jawr-eu gar ya ghofler-eu aryamq keuvlar-euq mae laer siqnya luf-eu mae. Aqda-aq, mirtsaq-euq khoertav jawr-eu aqyawf-euq tsawrhaq-anr gaq-awr, arsaqsaq ngae keuvni, aqyawf, aqyawf maf-anr gaq-euq mae.

Gʼaˬkʼehˇ 13:29

Yeqsur-euq garkawv khar boftaq-euq lof-aer, aqyawfmaf mrbyan ghaq ngae, aqyawf-anr darkawq lafyaq-anr nae bafka-awr, lmqbymr-euq lafkhoer bafanr-ir-euq mae.

Luˇkaꞈ 9:31

Aqyawfnyaf yawshaef khanqsaer-euq lafkhoer dovle-awr, ghawqmyanr maqghae-aer Yeqsur, Yeqlursaqlaeq-anr yashir-awr ya mrbyan-eu garkawv, aqyawf naeq-aer jacawq luf-eu mae.

Luˇkaꞈ 12:50

Ngar ya hageuf-eu bartirsaq tiqjeq jav-a siq, maq hageuf-euq khoerkeuvni, ngaq-euq gharduq shaqzanq pyeuf duidui nya.

Yoˇhaˬ 4:34

Yeqsur, aqyawf maf-anr heulof-aer aernaeq-euq mae, “Ngaq-anr khaerghae lef-euq ghaq-euq nuima tsaqni mr-awr, aqyawf-euq gar mrluiv-eu heu-aq, ngaq-euq dzaqdzaq dawrdawr ma.

Yoˇhaˬ 17:4

Ngar, nawq nae ngaq-anr bimr-euq gar-anr mrluiv-awr, ngar, mirtsaq-euq khoertav nawq-euq yawshaef khanqsaer dovlarni mr-euq ma.

Yoˇhaˬ 19:36

Heulof-aer pyeuflar-euq-aq, Yaerbof-euq lafkhoer boftaq-euq heudawq byanlar-euq mae, “Aqyawf-euq shaqyoeq tiqkanq-iq maqbi khaef-ir-ar.” (Di 12:46; Bts 9:12)