Yoˇhaˬ 19:25 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ Yeqsur-euq lafyaq-euq dawqpae aqyawf-euq aqma, aqyawf-euq aqmui, Gaqlawrpar-euq nymrdanq Maqliv hawr-eu, Maqliv Maqgaqdaqlar yawfluf-eu mae.

Akha

²⁵ Yeˬsuˇ-euˬ laꞈ yaꞈ dawˬ peh tehˬ ni yawꞈ luꞈ-eu tsawˇ haˬ deuˬ-aˬ, Yeˬsuˇ-euˬ aˬ ma, Yeˬsuˇ-euˬ aˬ mui, Gaˬlawˇpaˇ-euˬ nymˇ dahˬ pyeuꞈ-eu Maˬliˇ hawˇ-eu, Maˬgaˬdaˬlaˇ meuˬ-ahˇ jawˇ-eu Maˬliˇ, aˬ ha oeˬ gʼaˬ meh.

Yoˇhaˬ 19:25 Referans Kwoze

Luˇkaꞈ 23:49

Aerkhawf, Yeqsur-anr siqnya-eu tsawrhaq deuq hawr-eu Gaqliqlaer mirkhanq-anr nae aqyawf-euq maeqnan cantae luf-eu zaqmiq aqbur deuq, heudeuq dawqtawvluf uicuiv garmanr kaq-eu gar yawf-awr, pyeuflar luf-eu heudeuq-anr hawluf-eu mae.

Yoˇhaˬ 20:1

Tiqjaw-euq lafkhoer yawbae ngae nan, uqbya maqbya lar-euq minav-aer, Maqliv Maqgaqdaqlar, lmqbymr-anr ir-euq mae. Aqyawf irkeuv ngae, lmqbymr-euq ghaqkhaeq-anr ngawqtsoeq taq-euq khaqlo khoersiq ngawqdzae taq-euq gar ya’mawr-euq mae.

Luˇkaꞈ 24:18

Khoerngae, aqyawf nyaf-euq lafkhoer nae Gaqlawrpar laer kur-eu ghaq, aqyawf-anr aernaeq-eu, “Nymq-mr heumyav nan-euq lafkhoer pyeuflar-euq garkawv deuq maq siqnya-eu, Yeqlursaqlaeq-anr lartaq-euq daqyan-aq, nawr tiq ghaq jawr-eu taef jeq ngar-a.”

Luˇkaꞈ 8:2

Yeqsur nae naef yawjawf ur-eu gar taedov naeq-euq hawr-eu nar-awr gawr-eu bi taqler-euq zaqmiq aqbur tiqpavnav deuq khawf aqyawf naeq-aer ir-euq mae. Aqyawf maf-euq lafkhoer, naef shif mawr ur-eu gar bi taedov-euq Maqgaqdaqlar laer kur-eu Maqliv,

Luˇkaꞈ 2:35

Tsawrhaq ghawqmya ghaq-euq nuima-euq lafkhoer noeqluf-eu deuq pandovlaf taef-a. Nawq-euq nuima saflar-anr micaer tsawvbyoe laf-eu lof-aer ghaelar taef-a.”

Maˬkuˆ 16:9

Khoernar-aq, tiqjaw-euq lafkhoer yawbae ngae nan, uqshawq yawnaf-aer Yeqsur ghofdaef lar-euq mae. Aqyawf-euq mawrdo aqyawf nae naef shif mawr taedov naeq-euq Maqliv Maqgaqdaqlar-anr jeqhu bimawr-euq mae.

Maꞈtehˬ 12:46

Yeqsur, tsawrhaq armaf mafma-anr maeqnaeqluf ngae, aqyawf-euq aqma hawr-eu aqyawf-euq maernmr deuq, Yeqsur-anr dawq ngaeqcawqmawf nya laer lafnyir paw yawfluf-eu mae.