Yoˇhaˬ 19:18 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Khoergar, aqyawfmaf, Yeqsur-anr lafyaq-euq khoertav taftaeq-euq mae. Tsawrhaq nuideuq nyiq ghaq-anr khawf, aqyawf naeq-aer tiqpaw tiq ghaq-aer, Yeqsur-anr-aq, ghanrcae laer taftaeq taq-euq mae.

Akha

¹⁸ Kʼoeˇ gaˇ, aˬ yawꞈ maꞈ aˬ yawꞈ-ahˇ laꞈ yaꞈ kʼoeˇ taˆ taꞈ tehˬ-euˬ meh. Tsawˇ haˬ nyiˬ gʼaˬ-ahˇ kʼawꞈ, aˬ yawꞈ-euˬ gaˇ dzeˇ tiˬ paw tiˬ gʼaˬ-ehˇ taꞈ tehˬ taˬ-awˇ, aˬ yawꞈ-ahˇ gʼahˇ ceh taꞈ tehˬ taˬ-euˬ meh.

Yoˇhaˬ 19:18 Referans Kwoze

Gaˬlaˬtiˆ 3:13

Kali-aq, aqdui-euq gharduq yaqkhaer yaqgar yadaq-euq mirnae, zanrdawq-euq lafkhoer boftaq-euq yaqkhaer yaq-eu jeq-anr nae aqdui-anr kakhof naeqlaf-euq mae. Aqjeq mirnae aernar-aq, “Arbawr-euq khoertav kharbi gheuceuq taq-euq tsawrhaq yawqghaq navluf yaqkhaer yaqgar daqluf-eu tsawrhaq mae,” (Dm 21:23) laer Yaerbof-euq lafkhoer boftaq-euq mae.

Yoˇhaˬ 18:32

Aqyawfmaf khoerlof-aer aer-eu-aq, Yeqsur, aqyawf aqjox-aer yashir-eu garkawv, Yeqsur nae aertaq-euq lof-aer byanlarni aer-eu mae.

Maꞈtehˬ 27:44

Aqyawf naeq-aer tiqkawv lof-aer lafyaq-euq khoertav bi taftaeq taq-euq tanrjoe khawf, aqyawf-anr khoerlof-aer aerdoer-eu mae.

Jaceuq 22:16

Aqjeq mirnae aernar-aq, aqkuiq deuq, ngaq-anr gajawq taq-awr; Tsawrdoer baqmaf tiq maf, ngaq-anr jawrjawq taq-euq mae. Aqyawfmaf, ngaq-euq aqkuir aqlaf-anr tsawvbyoe naeqlaf-euq mae.

HeˬByehˇ 12:2

Caevghaeluf ngae, Yeqsur-anr hawtsov taq-awq. Aqyawf-aq, aqdui jan-eu jeq-euq ardanq bae-euq ghaq hawr-eu arsaq saq-eu ghaq pyeuf-eu mae. Aqyawf-euq maeqshi javluf-eu laqkhaq caer-eu jeq-euq baqda’nae, daqga-eu jeq-anr maq sharnoeqni lafyaq-anr daq-euq mae. Nymq-mr aqyawf, Miqyaer-euq nuirmanq armar paw nuirluf-eu mae.

Yoˇhaˬ 19:32

Khoernar-aq, guirzaq deuq lar-awr, yawbae ghaq-euq aqkuir-anr daekhaef-awr, Yeqsur naeq-aer taftaeq taq-euq yawqghaq yawq-euq aqkuir-anr khawf daekhaef-euq mae.

Gʼaˬkʼehˇ 2:23

Yawbae ngae nae, Miqyaer siqnya-awr noeqtsaev taq-euq lof-aer, Yeqsur, aqcawq-euq aqlaf-euq lafkhoer ya’anr-ir-euq mae. Nawmaf, zanrdawq-anr leur-eu deuq-euq aqlaf-anr ghoe-awr, aqyawf-anr lafyaq-euq khoertav taftaeq-awr saef-euq mae.