Yoˇhaˬ 18:11 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Khoerngae, Yeqsur, Beqtuvluv-anr aernaeq-eu, “Nawq-euq micaer, tawvkhawv-anr soeqanr-awq. NgaqDa nae ngaq-anr bidawr-euq khmqmaq, ngar maqdawrni ghaenya taef-a lor?”

Akha

¹¹ Beˬtuˆluˆ-ahˇ Yeˬsuˇ ehˇ nehˬ-eu, “Nawˬ-euˬ mi cehˇ paˇ soeˬ ahˇ kʼoꞈ-awˬ. Nga Da neh ngaˬ-ahˇ bi dawˇ laꞈ-euˬ kʼaˬ dui dui-eu kʼmˬ maˬ heu-ahˇ ngaˇ maˬ dawˇ-aˇ lehˇ nawˇ noeˬ te loˇ.”

Yoˇhaˬ 18:11 Referans Kwoze

Maꞈtehˬ 26:39

Aqyawf maeqhu paw uicuiv irjiv-awr, mirtsa awbyav-awr nae guiqlanq shar-eu, “NgaqDa-or! Ghaenya nar-aq, khmqmaq heukhmq, ngaq-anr nae bidzeur-ir naeqlaf-awq. Aerkhawf, ngar nuima tsaq-eu lof-aer taqbi pyeuf. Nawr nuima tsaq-eu lof-aer bipyeuf law.”

Maꞈtehˬ 20:22

Khoerngae, Yeqsur aer-eu, “Nawmaf aqjeq sharluf-eu le laer maq siqnya-a. Ngar dawr-eu laer ghae-eu khmqmaq, nawnyafnmr dawrnya-awr, ngaq nae hageuf-euq bartirsaq hageufnya ma laq?” Khoerngae, aqnyafnmr aer-eu, “Euq, nga’nyaf dawrnya-awr hageufnya ma.”

Yoˇhaˬ 20:17

Yeqsur, aqyawf-anr heulof-aer aernaeq-euq mae, “Ngaq-anr taq gheutaeq. Aqjeq mirnae aernar-aq, ngar, ngaqDa jawr-eu gar maq ghofdav ler-aq siq. Nawr, ngaq-euq aqyuif aqnyir deuq jawr-eu gar le-awr nae, ‘NgaqDa hawr-eu nawmaf-euq Aqda pyeuf-awr, ngaq-euq Miqyaer hawr-eu nawmaf-euq Miqyaer khawf pyeuf-eu, ngaqDa jawr-eu gar ngar ghofdavler ma’ jer laer aernaeq ler-awq.”

Yoˇhaˬ 15:10

Ngar-aq, ngaqDa nae bif-euq dawqdeuq-anr mrcaw-awr, aqyawf-euq gaq-eu jeq-euq lafkhoer jawrluf-eu lof-aer, nawmaf khawf, ngaq nae bif-euq dawqdeuq-anr mrcaw nar-aq, ngaq-euq gaq-eu jeq-euq lafkhoer jawrluf-eu mae.

HeˬByehˇ 12:2

Caevghaeluf ngae, Yeqsur-anr hawtsov taq-awq. Aqyawf-aq, aqdui jan-eu jeq-euq ardanq bae-euq ghaq hawr-eu arsaq saq-eu ghaq pyeuf-eu mae. Aqyawf-euq maeqshi javluf-eu laqkhaq caer-eu jeq-euq baqda’nae, daqga-eu jeq-anr maq sharnoeqni lafyaq-anr daq-euq mae. Nymq-mr aqyawf, Miqyaer-euq nuirmanq armar paw nuirluf-eu mae.

2 Gawˇliˬtu 10:4

Nga’maf-euq guirdeuv keuka-aq, shiqshaq-anr taf-eu maqngeur. Zifdanni jav-eu lanrlof-anr gheuka nya-eu Miqyaer-euq baoq anr-eu keuka ma.

Luˇkaꞈ 22:42

“Aqda-or! Nawr nuima tsaq nar-aq, khmqmaq heu ngaq-anr nae ciqdzae naeqlaf-awq. Aerkhawf, ngar nuima tsaq-eu lof-aer taqbi pyeuf. Nawr nuikhanr shir-eu lof-aer bipyeuf law.”

Maꞈtehˬ 26:42

Aqyawf parir-awr guiqlanq parshar-eu, “NgaqDa-or! Ngar khmqmaq heukhmq-anr maqdawr-euq khoer-aq maqjir nar-aq, nawr nuima tsaq-eu lof-aer bipyeuf-awq.”

2 Gawˇliˬtu 6:7

yawtsaq yawdawr-euq dawq maeq-eu, Miqyaer-euq baoq-anr ghoe-eu, tsaq-awr dawr-eu guirdeuv keuka, arcar armar-aer tuvtaeq taq-awr mr-euq ma.

Yoˇhaˬ 18:36

Yeqsur aerkhof naeq-eu, “Ngar uvlanr-eu jeq-aq, mirtsaq heu-anr maqtaf. Ngar uvlanr-eu jeq mirtsaq heu-anr taf-eu lawnmr-aq, ngar, Yurdav tsawrhaq-euq aqlaf-anr maqya keuv-ir ni, ngaq-euq kuirlaf deuq guirdeuvdeuv taef-a. Aerkhawf, nymq-mr ngar uvlanr-eu jeq-aq, mirtsaq heu-anr maqtaf.”

Yoˇhaˬ 17:24

“Aqda-or! Mirtsaq maqbae-euq minav-aer nawr, ngaq-anr gaqluf-eu mirnae, nawq nae ngaq-anr bifnaeq laf-euq yawshaef khanqsaer khoer-anr aqyawfmaf ya’mawrni, nawq nae ngaq-anr bifnaeq laf-euq tsawrhaq-anr ngar kharjawr-eu gar aqyawfmaf khawf bi jawrmawf mir-a.

Luˇkaꞈ 12:30

Mirtsaq-euq tsawrjeuq tsawrca deuq-aq, heudeuq dawqtawv luf-anr povluf-eu mae. Nawmaf heudeuq-anr mawf-eu mae laer nawmaf-euq Aqda siqnya luf-eu mae.

Jaceuq 75:8

Aqjeq mirnae aernar-aq, Ya’we Miqyaer-euq aqlaf-euq lafkhoer, Nertseuvni ghae-eu aqgaf dzaruir danq-eu khmqmaq tiq khmq ciqluf-eu mae. Aqyawf, yawmuiq-aer keuqtaq-awr, khmqmaq shaevkhar dovlef ngae; Mirtsaq-euq tsawrcawv dawqtawvluf nae, dzarpaev lavdzer-awr dawr-euq mae.