Yoˇhaˬ 17:8 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Aqjeq mirnae aernar-aq, nawq nae ngaq-anr bifnaeq laf-euq dawq, ngar, aqyawf maf-anr bif-awr, aqyawfmaf khawf dawq khoerdeuq-anr hageuf-euq mae. Khoeruqtaf, ngar, nawr jawr-eu gar nae oe-euq ngar-a laer aqyawfmaf siqduq-awr, nawq nae ngaq-anr khaerghae lef-euq ngar-a laer khawf aqyawfmaf jan-eu mae.

Akha

⁸ Aˬ jeˬ miˇ neh ehˇ naˇ, nawˬ neh ngaˬ-ahˇ biꞈ laꞈ-euˬ dawˬ deuˬ aˬ yawꞈ maꞈ-ahˇ ngaˇ biꞈ nehˬ-awˇ, aˬ yawꞈ maꞈ ha geuꞈ-euˬ meh. Ngaˇ-aˬ nawˇ jawˇ gaˇ neh oe-euˬ meh lehˇ aˬ yawꞈ maꞈ siˬ duˬ-awˇ, nawˬ neh ngaˬ-ahˇ kʼehˇ gʼeh leꞈ-euˬ meh lehˇ aˬ yawꞈ maꞈ jah-eu meh.

Yoˇhaˬ 17:8 Referans Kwoze

Yoˇhaˬ 17:14

Ngar, aqyawf maf-anr nawq-euq dawq bif-euq ma. Ngar, mirtsaq-anr maqtaf-eu lof-aer, aqyawfmaf khawf mirtsaq-anr maqtaf-eu mirnae, mirtsaqzaq, aqyawf maf-anr byae-eu mae.

Yoˇhaˬ 15:15

Aqkar nar-aq, ngar, nawmaf-anr zaqkhav laer maqpar kur ma. Aqjeq mirnae aernar-aq, zaqkhav-aq, yawsanr aqjeq mrluf-eu la laer maq siqnya-a. Aerkhawf, ngar, nawmaf-anr cawq laer kur ma. Aqjeq mirnae aernar-aq, ngar, ngaqDa-anr nae kharya gaq-euq yawqjeq navluf nawmaf-anr aernaeq-eu ma.

Yoˇhaˬ 16:30

Tiqghaq-iq nawq-anr tiqjeq-iq narhaq-eu laer maqya ghaeni, nawr yawqjeq navluf-anr siqnya nga laer nymq-mr nga’maf siqduq-euq ma. Khoermirnae, nawr, Miqyaer jawr-eu gar nae oe-euq ngar-a laer nga’maf jan ma.”

Yoˇhaˬ 16:27

Ngar, Aqda jawr-eu gar nae oe-euq mae laer nawmaf jan-awr, ngaq-anr gaq-eu mirnae, Aqda, aqyawfghaq khawf nawmaf-anr gaq-eu mae.

1 Teˇsaˬloˇni 2:13

Nawmaf, nga’maf nae maeq-euq Miqyaer-euq dawq yagaq ngae janlar-awr, nawmaf, dawq khoer-anr tsawrhaq-euq dawq laer maqsawx-aer, aqdir aqmar Miqyaer-euq dawq ngar-a laer hageuf-euq mae. Khoeruqtaf, dawq khoer-aq, Sanqpaq Yeqsur-anr jan-eu nawmaf-euq lafkhoer gar mrluf-eu mirnae, nga’maf aqmyanluf Miqyaer-anr jaceuq ma.

1 Yoˇhaˬ 4:14

Mirtsaqzaq-anr Kakhof-eu ghaq bigeuf-eu laer Aqda Miqyaer, aqyawf-euq Zaqyo-anr bi’oe-euq gar aqdui ya’mawr-awr sarkir kamq-eu ma.

Yoˇhaˬ 17:21

Nawq nae ngaq-anr khaerghae lef-euq ngar-a laer mirtsaqzaq janlarni, Aqda-or! Nawr, ngaq-euq lafkhoer jawr-awr, ngar, nawq-euq lafkhoer jawr-eu lof-aer, aqyawfmaf dawqtawvluf nuima tiqsiq taef-aer taqnya larni, aqyawfmaf, arnyaf-euq lafkhoer bijawr-awq.

Yoˇhaˬ 8:42

Khoerngae, Yeqsur, aqyawf maf-anr heulof-aer aernaeq-eu mae: “Miqyaer, nawmaf-euq Aqda ngeur nar-aq, nawmaf, ngaq-anr gaq taef-a. Aqjeq mirnae aernar-aq, ngar, Miqyaer-anr nae dovle-awr, Miqyaer jawr-eu gar nae oe-euq ma. Ngar, yawqha yawqha oe-euq maqngeur, aqyawf nae ngaq-anr khaerghae lef-euq mae.

Yoˇhaˬ 14:10

Ngar, Aqda-euq lafkhoer jawr-awr, Aqda, ngaq-euq lafkhoer jawr-eu mae laer nawr maqjan-eu le lor? Ngar, nawmaf-anr aernaeq-eu dawqdeuq-aq, ngaq-euq aryaq zmq-awr aer-eu maqngeur. Aerkhawf, ngaq-euq lafkhoer jawr-eu Aqda, aqyawf-euq gar heudeuq mrluf-eu mae.

Yoˇhaˬ 12:49

Aqjeq mirnae aernar-aq, ngar, ngaq-euq aryaq nae tiqjeq-iq maqngaeq-aq. Ngaq-anr khaerghae lef-euq Aqda-aq, ngar aqjeq ya’ngaeq-awr ngar aqjeq yatmr-eu la laer aqyawf, ngaq-anr dawq biflaf-euq mae.

Yoˇhaˬ 6:68

Khoerngae, Sirmoq Beqtuvluv, aqyawf-anr heulof-aer aerkhof naeq-euq mae, “Sanqpaq-or! Nawq-euq lafkhoer mqmaq maqbyav yarzir daef-eu jeq bif-eu dawq anr-eu mae. Nga’maf aqsur ghaq-euq maeqnan par cantae-ir nmr-mq?

Dawqdaq 1:3

Dawr-awr tsaq-eu jeq, yarkhaq dar-eu jeq, tsaq-awr dawr-eu jeq hawr-eu Zaqsiq tsawrganr-euq maeqdawq tsovdawq-anr bi hageuf-eu gharduq mae.

1 Teˇsaˬloˇni 4:1

Aqyuif aqnyir deuq-or! Ngar heulof-aer arsaq saqmawf mir-a. Nga’maf, Sanqpaq Yeqsur-anr ghoeghoe-aer, nawmaf-anr heulof-aer sharshar-aer ghaq bifmawf nya siq. Nawmaf, Miqyaer nuikhanr shirni yawdaef aqjox-aer yadaef-eu garkawv, nga’maf, nawmaf-anr maeqnaeq-euq ma. Nawmaf khoer-euq maeqnan cantae luf-eu lof-aer, maeqhu paw khawf khoernav maqtser laejae laejae-aer cantae ghae-awq.

1 Gawˇliˬtu 15:1

Khoernav maqtser, aqyuif aqnyir deuq-or! Ngar, nawmaf-anr maeqnaeq-euq guiqlanqdawq heu, nawmaf-anr par dzawrnaeq-eu ma. Nawmaf guiqlanqdawq heu-anr hageuf ghaq-awr, heu-euq lafkhoer yawfluf-eu mae.

Yoˇhaˬ 17:23

Ngar, aqyawf maf-euq lafkhoer jawr-awr, nawr, ngaq-euq lafkhoer jawr-eu mirnae, aqyawfmaf nuima taf-awr gm-eu byanlar taef-a. Khoerngae, nawq nae ngaq-anr khaerghae lef-awr, nawr, ngaq-anr gaq-eu lof-aer, aqyawf maf-anr khawf gaq-eu ngar-a laer, mirtsaqzaq siqnyalar taef-a.

Yoˇhaˬ 17:18

Nawq nae ngaq-anr mirtsaq-euq khoertav khaerghae lef-euq lof-aer, ngar khawf aqyawf maf-anr mirtsaq-euq khoertav khaerghae-euq ma.

Maꞈtehˬ 13:11

Yeqsur heulof-aer aerkhof naeq-euq mae, “Aqjeq mirnae aernar-aq, mqtav mirkhanq-euq garkawv zaftaq-euq deuq nawmaf-anr taef-aer bi siqnya-awr, aqyawf maf-anr maqbi siqnya-aq.

Dawqdaq 8:10

Pyur-anr navmaqtser, ngaq-euq maeqdawq tsovdawq-anr hageuf-awr, Muiq-eu shuir-anr navmaqtser, siqnya-eu tsawrganr-anr hageuf-awq.

1 Gawˇliˬtu 11:23

Ngar, Sanqpaq Yeqsur-anr nae za-euq jeq, ngar, nawmaf-anr bifnaeq-eu ma. Sanqpaq Yeqsur-aq, aqcawq, aqyawf-anr anqdzaq ngae mir, kaqmur yur-awr,

Yoˇhaˬ 3:33

Aqyawf nae sarkir kamq-euq gar hageuf-eu tsawrhaq-aq, Miqyaer-aq, tsaq-awr dawr-eu mae laer jmq diq-eu mae.

Yoˇhaˬ 3:17

Aqjeq mirnae aernar-aq, mirtsaqzaq-anr yarkhaq bidar-eu laer Miqyaer, aqyawf-euq Zaqyo-anr mirtsaq-euq khoertav khaerghae lef-euq maqngeur-a. Mirtsaqzaq, aqyawf-euq baqda’nae kakhof-eu jeq za’nya’ni khaerghae lef-euq mae.

Dawqdaq 1:23

Ngaq-euq maeqpar-eu dawq-euq baqda’nae pyawrlar-awq. Ngar, ngaq-euq saflar, nawmaf-euq khoertav aqdir shaevdav naeq-awr, Ngaq-euq dawq nawmaf-anr bi siqnya ma.

Dawqdaq 4:10

Ngaq-euq zaqyo-or! Ngar ngaeq-eu jeq-anr narhaq-awr hageuf-awq. Khoerlof-aer janr nar-aq, nawr zirbaw zirza taef-a.

Dawqdaq 2:1

Ngaq-euq zaqyo-or! Nawr, ngaq-euq dawq hageuf-awr, Ngaq-euq khaerdawq nawq-euq lafkhoer jeqhmq taq-eu uqtaf,

Yoˇhaˬ 17:3

Nawr, tiq ghaq taef-aer aqdir aqmar Miqyaer pyeuf-awr, Yeqsur Kali-aq, nawq nae khaerghae lef-euq mae laer siqnya-eu khoer-aq, mqmaq maqbyav yarzir daef-eu jeq pyeuf-eu mae.

Panmaeq 1:1

Yeqsur Kali nae panmaeq naeqlaf-euq, ghawqmyanr maqghae-aer pyeuflar-eu laer ghae-eu garkawv heudeuq-aq, aqyawf-euq ghaqzaq ghaqkhaer deuq-anr bimawr-eu laer Miqyaer nae aqyawf-anr bif-awr, panmaeq naeq-euq mae. Aqyawf, mqtav ghaqkhaer-anr ghoe-awr garkawv heudeuq, aqyawf-euq ghaqzaq ghaqkhaer Yorhaq-anr bi siqnya-euq mae.