Yoˇhaˬ 17:6 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ “Mirtsaq-euq khoertav nae nawr, ngaq-anr bifnaeq laf-euq tsawrhaq-anr, ngar, nawq-euq tsawrmyanr byacaevni bisiq-euq ma. Aqyawfmaf, nawq-euq tsawrhaq pyeuf-awr, nawq nae ngaq-anr bifnaeq laf-euq mae. Aqyawfmaf khawf nawq-euq dawq-anr mrcaw-euq mae.

Akha

⁶ Miˇ tsaˬ heu kʼoeˇ taˆ nawˬ neh ngaˬ-ahˇ biꞈ doˆ nehˬ laꞈ-euˬ tsawˇ haˬ deuˬ nawˬ-ahˇ siˬ nya ni ngaˇ mˇ gʼaˬ-euˬ ma. Aˬ yawꞈ maꞈ nawˬ-euˬ tsawˇ haˬ pyeuꞈ laˇ-awˇ, nawˬ neh ngaˬ-ahˇ biꞈ laꞈ-euˬ meh. Nawˬ-euˬ dawˬ-ahˇ aˬ yawꞈ maꞈ naˇ haˬ geuꞈ-euˬ meh.

Yoˇhaˬ 17:6 Referans Kwoze

Yoˇhaˬ 17:26

Nawq nae ngaq-anr gaqnaeq laf-euq, gaq-eu jeq khoer, aqyawf maf-euq lafkhoer anr-awr, ngar khawf aqyawf maf-euq lafkhoer yajawrni, ngar, aqyawf maf-anr nawq-euq tsawrmyanr dzawrmaeqnaeq dzeur-euq khawf, pardzawr maeqnaeq le siq.”

1 Yoˇhaˬ 5:20

Khoeruqtaf, aqdui, tsaq-awr dawr-eu ghaq-anr siqnya larni, Miqyaer-euq Zaqyo oe-awr, ghovsiq ghovshaw nya-eu jeq bifnaeq laf-euq mae laer siqnya ma. Aqdui, aqyawf-euq Zaqyo, Yeqsur Kali-euq lafkhoer jawrluf-eu mirnae, aqdui, tsaq-awr dawr-eu ghaq-euq lafkhoer jawrluf-awr, aqyawf-aq, aqdir Miqyaer hawr-eu mqmaq maqbyav yarzir daef-eu jeq khawf pyeuf-eu mae laer khawf siqnya-eu ma.

Yoˇhaˬ 6:37

Aqda Miqyaer nae ngaq-anr kharbif-euq tsawrhaq dawqtawvluf ngar jawr-eu gar lar taef-a. Ngar jawr-eu gar kharlar-eu tsawrhaq-anr ngar tiqjeq ghaenae-iq maq taedzae.

Yoˇhaˬ 17:24

“Aqda-or! Mirtsaq maqbae-euq minav-aer nawr, ngaq-anr gaqluf-eu mirnae, nawq nae ngaq-anr bifnaeq laf-euq yawshaef khanqsaer khoer-anr aqyawfmaf ya’mawrni, nawq nae ngaq-anr bifnaeq laf-euq tsawrhaq-anr ngar kharjawr-eu gar aqyawfmaf khawf bi jawrmawf mir-a.

Yoˇhaˬ 17:2

Nawr, tsawrhaq dawqtawv luf-euq khoertav-euq aryaq aqyawf-anr biftaq-euq lof-aer, aqyawf-anr khar a’naeq taq-euq tsawrhaq dawqtawv luf-anr, aqyawf mqmaq maqbyav yarzir daef-eu jeq bifnaeq nya-eu mae.

2 Gawˇliˬtu 4:6

Yawzanr-anr nae yawshaef byadov larni dawq bif-euq Miqyaer-aq, aqdui-euq nuima-anr yawshaef bi byalar naeqlaf-euq mae. Heu-aq, Yeqsur Kali-euq myavpyawq-anr nae byadov lef-eu, Miqyaer-euq yawshaef khanqsaer-anr siqnya-eu tsawrganr biza-eu gharduq mae.

Yoˇhaˬ 15:19

Nawmaf, mirtsaq-anr taf-eu lawnmr-aq, mirtsaqzaq deuq yawqha-anr taf-eu tsawrhaq-anr gaq taef-a. Aerkhawf, nawmaf, mirtsaq-anr maqtaf-a. Khoeruqtaf, ngar, nawmaf-anr mirtsaq heu-euq lafkhoer nae tserdov-euq mirnae, mirtsaqzaq, nawmaf-anr byae-eu mae.

Panmaeq 3:8

“Ngar, nawq nae mr-euq jeq-anr siqnya ma. Hawsher-eq. Ngar, tsawrhaq tiqghaq-iq maq piqtaeq nya-eu larghov tiqghov, nawq-euq maeqshi pantaq-euq ma. Nawr ghaq uicuiv taef-aer anr-eu khawf, ngaq-euq dawq-anr narhaq geuf-awr ngaq-euq tsawrmyanr-anr maq byaerdzae-aq.

HeˬByehˇ 3:6

Aerkhawf, Kali-aq, Miqyaer-euq nymrkhanq-anr hawlanr-eu Zaqyo mae. Aqdui khawf arsaqsaq ngae keuvni, nuima khaqduqni ghae-eu jeq hawr-eu, nuima huiqkhar za-eu noeqtmq-eu jeq-anr zifdanni tuvtaeqtaq nar-aq, aqdui, aqyawf-euq nymrkhanq-euq lafkhoer yajawr mae.

Yoˇhaˬ 15:7

Nawmaf, ngaq-euq lafkhoer jawr-awr, ngaq-euq dawq khawf nawmaf-euq lafkhoer anr-eu nar-aq, nawmaf geufmawf-eu lof-aer shar-awq, nawmaf-euq gharduq bi pyeuflar taef-a.

Jaceuq 22:22

Ngar, ngaq-euq maernmr deuq-anr, nawq-euq tsawrmyanr dzawrgaq ma. Armur uiqler-awr jawr-eu ghanrcae, ngar, nawq-anr car-awr jaceuq ma.

Panmaeq 2:13

“Ngar, nawq nae mr-eu jeq siqnya-awr, nawq-euq jawrduq-aq, naef Saqdaq-euq nuirmanq mae laer khawf siqnya ma. Nawr, ngaq-euq tsawrmyanr-anr zifdanni nyaeftaeq-awr, Aqdirpav daefluf ngae khawf, nawr, ngaq-anr jan-eu jeq-anr maq byaerdzae-aq. Ngaq-anr sarjax zif-awr shirpeuq-eu Aqdirpav-aq, nawmaf-euq ghanrcae, naef Saqdaq-euq jawrduq-anr bisaef-euq mae.

HeˬByehˇ 2:12

Aqyawf aer-eu, “Ngar, ngaq-euq maernmr deuq-anr, nawq-euq tsawrmyanr dzawrgaq ma. Armur uiqler-awr jawr-eu ghanrcae, ngar, nawq-anr car-awr jaceuq ma.” (Jc 22:22)

2 Tiˆmoˇseˬ 1:13

Nawr, ngaq nae maeq-euq gar yagaq-euq jancoer paq-aer ghae-eu dawq khoer-anr daefcaw ghae-awr, Yeqsur Kali-euq lafkhoer anr-eu jan-eu jeq hawr-eu gaq-eu jeq-anr khawf zifdanni tuvtaeq taq-awq.

Gawˇlawˇsehˇ 3:16

Kali-euq dawq nawmaf-euq lafkhoer tiqbyan tiqlof bi sanrlar-awq. Zaqsiq tsawrganr tiqbyanni anr-eu lafkhoer, jaceuq-eu dawq, jaceuq-eu cardawq hawr-eu saflar paw-euq cardawq-anr ghoeghoe-aer, tiqghaq tirghaq maeqnaeq tsovnaeq-awr ghaq bif-awq. Nawmaf-euq nuima-euq lafkhoer anr-eu guiqlanq yawdzanr nae Sanqpaq Miqyaer-anr carcar-aer jaceuq-awq.

Lormav 11:2

Miqyaer, yawbae ngae nae siqluf-eu aqyawf-euq tsawrhaq-anr aqyawf maq byaerdzae-aq. Maqngeur nar-aq, Yaerbof-euq lafkhoer, Erlirya-euq garkawv boftaq-euq heu-anr nawmaf maq siqnya-eu le lor? Aqyawf, Miqyaer-euq maeqshi Irsaqleqlav tsawrhaq-anr iqbax taqtaq-aer guiqlanq shar-eu,

Gʼaˬkʼehˇ 13:48

Aqcawq tsawrjeuq tsawrca deuq, dawq khoerdawq-anr yagaq ngae, laqkhaq caertavni Sanqpaq Miqyaer-euq dawq-anr ciqhuiq ciqmanr-eu mae. Li-eu maqbawni daef-eu jeq za-eu gharduq kharbi tserdov taq-euq deuq, Kali-anr janlar-euq mae.

Yoˇhaˬ 18:9

Yeqsur khoerlof-aer aer-eu-aq, “Ngar, nawq nae ngaq-anr bifnaeq laf-euq tsawrhaq tiqghaq-iq maqbi byov-ir-aq” laer aqyawf nae aertaq-euq dawq khoerdawq bi byanlar-eu gharduq mae.

Yoˇhaˬ 17:16

Ngar-aq, mirtsaq-euq maqngeur-eu lof-aer durni, aqyawfmaf khawf mirtsaq-euq maqngeur-a.

Yoˇhaˬ 17:14

Ngar, aqyawf maf-anr nawq-euq dawq bif-euq ma. Ngar, mirtsaq-anr maqtaf-eu lof-aer, aqyawfmaf khawf mirtsaq-anr maqtaf-eu mirnae, mirtsaqzaq, aqyawf maf-anr byae-eu mae.

Yoˇhaˬ 15:3

Ngaq nae nawmaf-anr ngaeqnaeq-euq dawq-euq baqda’nae, nymq-mr nawmaf shawrlar-euq mae.

Yoˇhaˬ 12:28

Aqda-or! Nawq-euq tsawrmyanr yawshaef khanqsaer za’ni mr-awq.” Khoerngae, mq-anr nae tersar ngaeqdov lef-eu, “Ngar, ngaq-euq tsawrmyanr yawshaef khanqsaer za’ni mrghaq-awr, yawshaef khanqsaer za’ni parmr le siq.”

Yoˇhaˬ 6:39

Ngaq-anr khaerghae lef-euq Aqda Miqyaer, aqyawf nae ngaq-anr khar bifnaeq laf-euq tsawrhaq tiqghaq-iq maqya byov-ir-eu uqtaf, arsaqsaq ngae nan, yawqghaq navluf-anr bi ghofdaef lar-eu nuima tsaq-eu mae.

Yoˇhaˬ 1:18

Tsawrhaq tiqghaq-iq tiqjawr-iq Miqyaer-anr maq mawrhaw-aq. Aqda-euq bawkhanr-euq lafkhoer jawr-eu Zaqyo tiq ghaq taef nae, Miqyaer-euq garkawv tsafgaq le-euq mae.

Dawqdaq 23:23

Yawtsaq yawdawr jeq zeur-awr taq anqdzae, Zaqsiq tsawrganr, maeqdawq tsovdawq hawr-eu ghovshaw nya-eu jeq khawf zeur-awq.

Dawqdaq 2:10

Zaqsiq tsawrganr, nawq-euq nuima-euq lafkhoer anrle-awr, Siqnya-eu tsawrganr, nawq-euq nuima saflar nuikhanr shir-eu jeq pyeuflar ngae,

Jaceuq 119:11

Ngar, nawq-anr iqbax maqya mrbanqni, Ngaq-euq nuima-euq lafkhoer, nawq-euq dawq shardawv taq-euq ma.

1 Beˬtuˆluˆ 1:1

Ngar-aq, Yeqsur Kali-euq ghaqkhaer Beqtuvluv ma. Boqtuv, Gaqlaqtiv, Gaqbaqdawrciv, Aqsir hawr-eu Beqturnir-anr jawrbyav taq-euq deuq-anr sanqbof heupur bofanr lef-euq ma.

Yoˇhaˬ 8:51

Ngar, nawmaf-anr aqdir aqmar aernaeq nyar, ngaq-euq dawq-anr mrcaw-eu tsawrhaq aqsur ghaq maqkaq, shir-eu jeq-anr tiqjawr-iq maqya mawr-ar.”

Yoˇhaˬ 8:52

Khoerngae, Yurdav tsawrhaq, Yeqsur-anr heulof-aer aernaeq-euq mae: “Nymq-mr pov-aq, nawq-euq lafkhoer naef ur-eu nga laer, nga’maf siqnya ma. Aqbyaqhaq shir-awr, Miqyaer gharduq ngaeqdan-eu tsawrhaq deuq khawf shirjir-euq mae. Nawr, ‘Ngaq-euq dawq-anr mrcaw-eu tsawrhaq aqsur ghaq maqkaq, shir-eu jeq-anr tiqjawr-iq maqya myeufhaw-ar’ laer aer-eu beu.

Yoˇhaˬ 17:7

Nawq nae ngaq-anr kharbif-euq yawqjeq navluf, nawr jawr-eu gar nae oe-euq taef mae laer nymq-mr aqyawfmaf siqnya-eu mae.

Yoˇhaˬ 17:12

Ngar, aqyawfmaf naeq-aer mirtsaq-euq khoertav jawrluf ngae, nawq-euq tsawrmyanr-euq uqmov, ngar, aqyawf maf-anr bosav-euq ma. Nawq nae ngaq-anr bifnaeq laf-euq tsawrhaq deuq-anr ngar bosav-awr, lavcawv-eu ghaq-euq zaq maqngeur nar-aq, aqyawfmaf tiqghaq-iq maqbyov-ir-aq. Heu-aq, Yaerbof-euq lafkhoer boftaq-euq lof-aer bi byanlar-eu gharduq mae.

Panmaeq 3:10

Nawr, ngaq-euq dawq narhaq geuf-awr daqcoer orcoer-eu mirnae, mirtsaq-euq khoertav kharjawr-eu tsawrhaqzaq-anr tsermr-eu shaq-awr zanq-eu jeq keuvle ngae, ngar, nawq-anr bibuq-ir ma.