Yoˇhaˬ 17:26 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁶ Nawq nae ngaq-anr gaqnaeq laf-euq, gaq-eu jeq khoer, aqyawf maf-euq lafkhoer anr-awr, ngar khawf aqyawf maf-euq lafkhoer yajawrni, ngar, aqyawf maf-anr nawq-euq tsawrmyanr dzawrmaeqnaeq dzeur-euq khawf, pardzawr maeqnaeq le siq.”

Akha

²⁶ Nawˬ neh ngaˬ-ahˇ gaˬ-euˬ gʼoeˇ-eu gaˬ-eu kʼoeˇ hmˬ aˬ yawꞈ maꞈ-euˬ laꞈ kʼoeˇ ahˇ-awˇ, ngaˇ aˬ yawꞈ maꞈ-euˬ laꞈ kʼoeˇ jawˇ nya-eu gʼaˇ duˬ, aˬ yawꞈ maꞈ nawˬ-ahˇ siˬ nya laˇ ni ngaˇ mˇ-euˬ loꞈ-ehˇ, mehˬ hu paw paˇ mˇ daˆ leꞈ ma.”

Yoˇhaˬ 17:26 Referans Kwoze

Yoˇhaˬ 17:23

Ngar, aqyawf maf-euq lafkhoer jawr-awr, nawr, ngaq-euq lafkhoer jawr-eu mirnae, aqyawfmaf nuima taf-awr gm-eu byanlar taef-a. Khoerngae, nawq nae ngaq-anr khaerghae lef-awr, nawr, ngaq-anr gaq-eu lof-aer, aqyawf maf-anr khawf gaq-eu ngar-a laer, mirtsaqzaq siqnyalar taef-a.

Yoˇhaˬ 17:6

“Mirtsaq-euq khoertav nae nawr, ngaq-anr bifnaeq laf-euq tsawrhaq-anr, ngar, nawq-euq tsawrmyanr byacaevni bisiq-euq ma. Aqyawfmaf, nawq-euq tsawrhaq pyeuf-awr, nawq nae ngaq-anr bifnaeq laf-euq mae. Aqyawfmaf khawf nawq-euq dawq-anr mrcaw-euq mae.

Yoˇhaˬ 15:9

“Aqda, ngaq-anr gaq-eu lof-aer, ngar khawf nawmaf-anr gaq-eu ma. Nawmaf, ngaq-euq gaq-eu jeq-euq lafkhoer jawr-awq.

HeˬByehˇ 2:12

Aqyawf aer-eu, “Ngar, ngaq-euq maernmr deuq-anr, nawq-euq tsawrmyanr dzawrgaq ma. Armur uiqler-awr jawr-eu ghanrcae, ngar, nawq-anr car-awr jaceuq ma.” (Jc 22:22)

Yoˇhaˬ 15:15

Aqkar nar-aq, ngar, nawmaf-anr zaqkhav laer maqpar kur ma. Aqjeq mirnae aernar-aq, zaqkhav-aq, yawsanr aqjeq mrluf-eu la laer maq siqnya-a. Aerkhawf, ngar, nawmaf-anr cawq laer kur ma. Aqjeq mirnae aernar-aq, ngar, ngaqDa-anr nae kharya gaq-euq yawqjeq navluf nawmaf-anr aernaeq-eu ma.

Yoˇhaˬ 14:20

Khoerngae nan keuvle nar-aq, ngar, Aqda-euq lafkhoer jawr-awr, nawmaf, ngaq-euq lafkhoer jawr-awr, ngar khawf nawmaf-euq lafkhoer jawr-eu gar nawmaf yasiq taef-a.

Jaceuq 22:22

Ngar, ngaq-euq maernmr deuq-anr, nawq-euq tsawrmyanr dzawrgaq ma. Armur uiqler-awr jawr-eu ghanrcae, ngar, nawq-anr car-awr jaceuq ma.

Yoˇhaˬ 15:4

Nawmaf, ngaq-euq lafkhoer jawr-awq. Ngar khawf nawmaf-euq lafkhoer jawr ma. Cirni nizaq-aq, cirni nima-anr maq tsoftsaf nar-aq, aqyawxyawf arsiq maq siqle nya-eu lof-aer, nawmaf khawf ngaq-euq lafkhoer maqjawr nar-aq, arsiq maq siqle nya-a.

Eˇpeˇsu 5:32

Heu-aq, zaftaq-euq huiq duidui-eu tiqjeq pyeuf-eu mae. Aerkhawf, ngar-aq, Kali hawr-eu Kalizaq armur-anr taf-eu garkawv aermawf-eu ma.

Eˇpeˇsu 5:30

Aqjeq mirnae aernar-aq, aqdui-aq, aqyawf-euq mawrdo-euq arsaer pyeuf-awr, aqyawf-euq shiqshaq hawr-eu aqyawf-euq shaqyoeq deuq ma.

Yoˇhaˬ 14:23

Yeqsur, aqyawf-anr heulof-aer aerkhof naeq-euq mae, “Aqgeu ghaq maqkaq, ngaq-anr gaq nar-aq, ngaq-euq dawq-anr mrcaw taef-a. Khoeruqtaf, ngaqDa khawf aqyawf-anr gaq-awr, nga’nyaf Dazaq, aqyawf jawr-eu gar oe-awr, aqyawf naeq-aer jawr ma.

Yoˇhaˬ 8:50

Ngar, ngaq-euq yawshaef khanqsaer za’ni maqpov. Aerkhawf, ngar yawshaef khanqsaer za’ni sharpov-awr yarkhaq dar-eu tiq ghaq jawr-eu mae.

1 Yoˇhaˬ 3:24

Miqyaer nae aqdui-anr bif-euq dawq-anr narhaq geuf-eu tsawrhaq-aq, Miqyaer-euq lafkhoer jawr-awr, Miqyaer khawf aqyawf-euq lafkhoer jawr-eu mae. Miqyaer nae biflef-euq Muiq-eu Saflar baqda’nae, Miqyaer, aqdui-euq lafkhoer jawr mae laer aqdui siqnya-eu ma.

2 Teˇsaˬloˇni 2:16

Aqdui-euq Sanqpaq Yeqsur Kali hawr-eu aqdui-euq Aqda Miqyaer, aqdui-anr gaq-awr, aqyawf-euq guiqlanq yawdzanr baqda’nae, li-eu maqbaw-eu nuima sar-eu jeq hawr-eu muiq-eu noeqtmq-eu jeq aqdui-anr bifnaeq laf-awr,

Gawˇlawˇsehˇ 3:11

Tsawrhaq yawshuif pyeuflar-euq lafkhoer, Heqlaqsar hawr-eu Yurdav tsawrhaq, bawkhov maeqdzaq yaeq-euq hawr-eu bawkhov maeqdzaq maqyaeq-euq tsawrhaq, yarsaq tsawrhaq hawr-eu Siqtiv tsawrhaq, zaqkhav hawr-eu buq-ir-euq tsawrhaq laer maqbaw-a. Kali-aq, dawqtawvluf pyeuf-awr, dawqtawv luf-euq lafkhoer jawr-eu mae.

Gawˇlawˇsehˇ 2:10

Nawmaf, aqyawf-euq lafkhoer byanlar-euq mae. Aqyawf-aq, mqsanr deuq hawr-eu aryaq deuq dawqtawv luf-euq khoertav uqduq pyeuf-eu ghaq mae.

Gawˇlawˇsehˇ 1:27

Zaftaq-euq heujeq, yawshaef khanqsaer arnavni sanr-eu garkawv, Miqyaer, aqcawq tsawrjeuq tsawrca-euq ghanrcae jawr-eu aqyawf maf-anr bi siqnya mawf-eu mae. Zaftaq-euq jeq heu-aq, Kali, nawmaf-euq lafkhoer jawr-eu mirnae, nawmaf, yawshaef khanqsaer za’ni noeqtmqduq pyeuf-eu mae.

Eˇpeˇsu 3:17

Nawmaf jan-eu mirnae, Kali, nawmaf-euq nuima-euq lafkhoer jawrle-eu uqtaf, nawmaf gaq-eu jeq-euq lafkhoer, duqcir ka’naf ghae-awr, dawqpaeq bi ziflar law.

Eˇpeˇsu 1:6

Aqdui, aqyawf-euq guiqlanq yawdzanr-euq yawshaef khanqsaer-anr bi jaceuq-eu laer Miqyaer, aqyawf zawr gaq-eu ghaq-anr ghoe-awr, aqdui-anr hageuf naeqlaf-euq mae.

Gaˬlaˬtiˆ 2:20

Ngar, Kali naeq-aer lafyaq-euq khoertav bi taftaeq-euq ma. Khoermirnae, nymq-mr ngar daefluf-eu-aq, ngar daef-eu maqngeur. Kali, ngaq-euq lafkhoer daefluf-eu mae. Khoeruqtaf, nymq-mr ngar shiqshaq paw yawdaef daefluf-eu-aq, Miqyaer-euq Zaqyo-anr jan-eu lafkhoer daefluf-eu ma. Aqyawf, ngaq-anr gaq-awr, ngaq-euq gharduq aqyawf-euq mawrdo lawrnaeq-euq mae.

1 Gawˇliˬtu 12:12

Mawrdo tiq do taef khawf arsaer ghawqmya’ni tsof-eu mae. Mawrdo-euq arsaer deuq ghawqmya’ni tsof-eu khawf, dawqtawvluf mawrdo tiq do taef-aer pyeuf-eu lof-aer, Kali khawf khoerlof-aer dur-eu mae.

1 Gawˇliˬtu 1:30

Aerkhawf, Miqyaer-euq baqda’nae nawmaf, Yeqsur Kali-euq lafkhoer ya jawrlar-euq mae. Kali-aq, aqdui-euq gharduq Miqyaer-euq zaqsiq tsawrganr, tsaq-awr dawr-eu jeq, lavshawr-eu jeq hawr-eu kakhof-eu jeq pyeuflar-euq mae.

Lormav 8:10

Kali, nawmaf-euq lafkhoer jawr nar-aq, iqbax-euq baqda’nae mawrdo shir-euq khawf, tsaq-awr dawr-eu jeq-euq baqda’nae, muiq-eu Saflar-euq lafkhoer yadaef taef-a.

Yoˇhaˬ 6:56

Ngaq-euq shaqjir dzaq-awr ngaq-euq shiq dawr-eu tsawrhaq-aq, ngaq-euq lafkhoer jawr-awr, ngar khawf aqyawf-euq lafkhoer jawr-eu ma.

Yoˇhaˬ 17:8

Aqjeq mirnae aernar-aq, nawq nae ngaq-anr bifnaeq laf-euq dawq, ngar, aqyawf maf-anr bif-awr, aqyawfmaf khawf dawq khoerdeuq-anr hageuf-euq mae. Khoeruqtaf, ngar, nawr jawr-eu gar nae oe-euq ngar-a laer aqyawfmaf siqduq-awr, nawq nae ngaq-anr khaerghae lef-euq ngar-a laer khawf aqyawfmaf jan-eu mae.