Biblia Todo Logo
Bib sou entènèt

- Piblisite -




Yoˇhaˬ 17:25 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

25 Tsaq-awr dawr-eu Aqda-or! Mirtsaqzaq, nawq-anr maq siqnya-eu khawf, ngar, nawq-anr siqnya ma. Nawq nae ngaq-anr khaerghae lef-euq mae laer tsawrhaq heudeuq siqnya-eu mae.

Gade chapit la Kopi

Akha

25 Tsaˬ dui dawˇ dui dui-eu Aˬda-oˇ, miˇ tsaˬ zaˬ deuˬ nawˬ-ahˇ maˬ siˬ nya kʼawꞈ, ngaˇ nawˬ-ahˇ siˬ nya-awˇ, nawˬ neh ngaˬ-ahˇ kʼehˇ gʼeh leꞈ-euˬ meh lehˇ tsawˇ haˬ heu deuˬ siˬ nya meh.

Gade chapit la Kopi




Yoˇhaˬ 17:25
37 Referans Kwoze  

Nymq-mr nae nar-aq, ngar, mirtsaq-euq khoertav maqpar jawrni nawr jawr-eu gar ghoflar ma. Aerkhawf, aqyawf maf-aq, mirtsaq-euq khoertav yajawr-eu mae. Shawr-eu Aqda-or! Arnyaf lof-aer aqyawfmaf khawf nuima tiqsiq taef-aer taqnya larni, nawq-euq tsawrmyanr-anr ghoe-awr, nawq nae ngaq-anr bifnaeq laf-euq tsawrhaq deuq-anr bosav naeq-awq.


Aqjeq mirnae aernar-aq, nawq nae ngaq-anr bifnaeq laf-euq dawq, ngar, aqyawf maf-anr bif-awr, aqyawfmaf khawf dawq khoerdeuq-anr hageuf-euq mae. Khoeruqtaf, ngar, nawr jawr-eu gar nae oe-euq ngar-a laer aqyawfmaf siqduq-awr, nawq nae ngaq-anr khaerghae lef-euq ngar-a laer khawf aqyawfmaf jan-eu mae.


Aerkhawf, ngaq-euq tsawrmyanr baqda’nae, khoerdeuq dawqtawvluf, aqyawfmaf, nawmaf-anr janrlar taef-a. Aqjeq mirnae aernar-aq, aqyawfmaf, ngaq-anr khaerghae lef-euq ghaq-anr maq siqnya-a.


Aerkhawf, ngar-aq, aqyawf-anr siqnya ma. Aqjeq mirnae aernar-aq, aqyawf, ngaq-anr khaerghae lef-awr, ngar-aq, aqyawf jawr-eu gar nae oe-euq ma.”


Ngar, Aqda jawr-eu gar nae oe-euq mae laer nawmaf jan-awr, ngaq-anr gaq-eu mirnae, Aqda, aqyawfghaq khawf nawmaf-anr gaq-eu mae.


Khoerngae, aqyawfmaf tiqghaq-iq yawqha-euq dawqpae jawr-eu tsawrhaq hawr-eu yawqha-euq aqyuif aqnyir-anr, ‘Sanqpaq Miqyaer-anr siqnya lar-awq’ laer maqya maeq-ar. Aqjeq mirnae aernar-aq, aqyawfmaf, nyirdzaeq-eu tiq ghaq-anr nae huiqdzaeq-eu tiq ghaq-anr keuvni, yawqghaq navluf, ngaq-anr siqnyajir taef-a.


Maqjan-eu tsawrhaq-anr Miqyaer-euq shaevdzeuf pyeuf-eu Kali-euq yawshaef khanqsaer byadov lef-eu guiqlanqdawq, maqbi bya’naeq-eu gharduq, heuzir-euq miqyaer, aqyawf maf-euq nuima-euq myavnuiv bibaef-ir taq-euq mae.


Khoerlof-aer durni, Aqda, ngaq-anr siqnya-awr, ngar khawf Aqda-anr siqnya-eu ma. Ngar, ngaq-euq daefzir yawrdeuq-euq gharduq shirdan peuq-eu ma.


Nawmaf, aqyawf-anr maq siqnya-aq. Aerkhawf, ngar, aqyawf-anr siqnya ma. ‘Ngar, aqyawf-anr maq siqnya nya’ laer aer lawnmr-aq, ngar khawf nawmaf lof-aer jaqmyawf myawf-eu tsawrhaq pyeuf-eu mae. Ngar, aqyawf-anr siqnya-awr, aqyawf-euq dawq-anr mrcaw-eu ma.


Heudeuq dawqtawvluf ngaqDa nae, ngaq-anr bifnaeq laf-euq mae. Aqda maqngeur nar-aq, Zaqyo aqsur ghaq-a laer tiqghaq-iq maq siqnya-a. Zaqyo hawr-eu Zaqyo panmaeqnaeq mawf-eu tsawrhaq maqngeur nar-aq, Aqda aqsur ghaq-a laer tiqghaq-iq maq siqnya-a.”


Mqbae mirbae bae ngae nae, bisaef-euq Yawrzaq-euq Daef-eu jeq bif-eu sanqbof-euq lafkhoer, tsawrmyanr maq bofanr taq-euq mirtsaq-euq khoertav jawr-eu tsawrhaq dawqtawvluf, jeqzaq heumawr-anr uqduqtanq taef-a.


Aqdui yawqha-euq iqbax yawqha aerdov nar-aq, Miqyaer-aq, sarjax zif-awr dawr-awr tsaq-eu lafkhoer, aqdui-euq iqbax pyaeqnaeq laf-awr, aqdui-euq maqtsaq maqdawr-eu dawqtawv luf-anr tsiqshawr naeqlaf-eu mae.


Miqyaer-anr maq siqnya-eu tsawrhaq-anr hawr-eu aqdui-euq Sanqpaq Yeqsur-euq guiqlanq dawq-anr maq narhaq geuf-eu tsawrhaq-anr yarkhaq darnaeq taef-a.


Nawmaf, tsaq-awr dawr-eu paw uqnoeq beurlar-awr, iqbax taqmr. Aqjeq mirnae aernar-aq, tsawrhaq tiqpavnav deuq Miqyaer-anr siqnya-eu tsawrganr maqanr nga. Ngar, nawmaf bi shafdawr-eu laer heulof-aer aer-eu ma.


Miqyaer, aqyawf-euq zaqsiq tsawrganr-euq lafkhoer noeqtsaev taq-euq lof-aer nar-aq, mirtsaqzaq, yawqha-euq zaqsiq tsawrganr-anr ghoe-awr nae Miqyaer-anr siqnya larni maqngeur-a. Zaqsiq tsawrganq maqanr-eu gar dur-eu, guiqlanqdawq maeq-eu gar jan-eu tsawrhaq deuq-anr kakhof-eu Miqyaer nuikhanr shir-eu mae.


Khoer-aq, aryamq heu-euq lafkhoer, aqyawf-euq tsaq-awr dawr-eu jeq panmaeq naeq-eu gharduq mae. Aqyawf-aq, tsaq-awr dawr-eu ghaq pyeuf-awr, Yeqsur-anr kharjan-eu tsawrhaq-anr mrshawr-eu ghaq pyeuf-eu ngar-a laer bi dovlar-eu gharduq mae.


Ghovshaw nya-eu tsawrhaq tiqghaq-iq maqjawr-aer, Miqyaer-anr sharpov-eu tsawrhaq khawf tiq ghaq taef-aer khawf maqjawr-a.


Aqyawfmaf dirdaq-aer Miqyaer-anr maq siqnya mawf-eu lof-aer, maq noeqsiq maq noeqmawr nya-eu nuima bi anrlar-awr, maqtsaq-eu jeq mrni, Miqyaer, aqyawf maf-anr pyaeqnaeq-euq mae.


Aqyawf maf-euq myavnuiv pannaeq-awr, yawzanr-euq lafkhoer nae yawshaef jav-eu gar bilar-awr, naef Saqdaq-euq baoq-euq uqmov jawr-eu gar nae Miqyaer jawr-eu paw bi ghoflar-eu uqtaf, ngaq-anr jan-eu baqda’nae, Miqyaer, aqyawf maf-euq iqbax pyaeqnaeq-awr, muiqlar shawrlar-euq tsawrhaq naeq-aer jeqbir za’ni, ngar, nawq-anr aqyawfmaf jawr-eu gar bi’ir-eu ma.’ ”


Aqjeq mirnae aernar-aq, ngar doedoe-aer can-awr, nawmaf uqduq tanq-eu jeq-anr haw ngae: NGA’MAF MAQ SIQNYA-EU MIQYAER-EUQ GHARDUQ laer bofmyanq taq-euq lawrduq tiq tsanr-anr ngar mawr-euq ma. Khoermirnae, nawmaf maq siqnya-eu khawf uqduq tanqluf-eu Miqyaer heughaq-euq garkawv, ngar, nawmaf-anr ja’maeqnaeq mawf mir-a:


Ngar, aqyawf maf-euq lafkhoer jawr-awr, nawr, ngaq-euq lafkhoer jawr-eu mirnae, aqyawfmaf nuima taf-awr gm-eu byanlar taef-a. Khoerngae, nawq nae ngaq-anr khaerghae lef-awr, nawr, ngaq-anr gaq-eu lof-aer, aqyawf maf-anr khawf gaq-eu ngar-a laer, mirtsaqzaq siqnyalar taef-a.


Nawq nae ngaq-anr khaerghae lef-euq ngar-a laer mirtsaqzaq janlarni, Aqda-or! Nawr, ngaq-euq lafkhoer jawr-awr, ngar, nawq-euq lafkhoer jawr-eu lof-aer, aqyawfmaf dawqtawvluf nuima tiqsiq taef-aer taqnya larni, aqyawfmaf, arnyaf-euq lafkhoer bijawr-awq.


Nawq nae ngaq-anr mirtsaq-euq khoertav khaerghae lef-euq lof-aer, ngar khawf aqyawf maf-anr mirtsaq-euq khoertav khaerghae-euq ma.


Nawr, tiq ghaq taef-aer aqdir aqmar Miqyaer pyeuf-awr, Yeqsur Kali-aq, nawq nae khaerghae lef-euq mae laer siqnya-eu khoer-aq, mqmaq maqbyav yarzir daef-eu jeq pyeuf-eu mae.


Tiqghaq-iq nawq-anr tiqjeq-iq narhaq-eu laer maqya ghaeni, nawr yawqjeq navluf-anr siqnya nga laer nymq-mr nga’maf siqduq-euq ma. Khoermirnae, nawr, Miqyaer jawr-eu gar nae oe-euq ngar-a laer nga’maf jan ma.”


Aqyawfmaf, Aqda-anr maq siqnya-aer, ngaq-anr khawf maq siqnya-euq mirnae, nawmaf-anr khoerlof-aer janrlar taef-a.


Khoerngae, aqyawfmaf, aqyawf-anr aernaeq-eu, “NawqDa aqgeugar jawr-eu la?” Yeqsur aerkhof naeq-eu, “Nawmaf, ngaq-anr maq siqnya-a, ngaqDa-anr khawf maq siqnya-a. Nawmaf, ngaq-anr siqnya lawnmr-aq, ngaqDa-anr khawf siqnya taef-a.”


Aqyawfmaf smq lotsov, oeq lotsov byanni lawq heughae-euq nar-aq, Yeqsur, lan-euq khoertav cancan-aer lawq-euq dawqpae cantae mirle luf-eu gar aqyawfmaf ya’mawr ngae, yawkhav-aer guv-ir-euq mae.


Aqjeq mirnae aernar-aq, mirtsaqzaq-anr yarkhaq bidar-eu laer Miqyaer, aqyawf-euq Zaqyo-anr mirtsaq-euq khoertav khaerghae lef-euq maqngeur-a. Mirtsaqzaq, aqyawf-euq baqda’nae kakhof-eu jeq za’nya’ni khaerghae lef-euq mae.


Tsawrhaq tiqghaq-iq tiqjawr-iq Miqyaer-anr maq mawrhaw-aq. Aqda-euq bawkhanr-euq lafkhoer jawr-eu Zaqyo tiq ghaq taef nae, Miqyaer-euq garkawv tsafgaq le-euq mae.


Khoerngae, Sirmoq Beqtuvluv aerkhof-eu, “Nawr-aq, daefluf-eu Miqyaer-euq Zaqyo pyeuf-eu Kali mae.”


Yawqjeq navluf ngaqDa nae ngaq-anr a’naeq laf-euq mae. Aqda Miqyaer maqngeur nar-aq, Zaqyo-anr tiqghaq-iq maq siqnya-a. Zaqyo hawr-eu Zaqyo panmaeqnaeq mawf-eu tsawrhaq maqngeur nar-aq, Aqda Miqyaer-anr tiqghaq-iq maq siqnya-a.


Khoerngae, ngar, ircuf-euq mqtav ghaqkhaer heulof-aer aer-eu gar, yagaq-euq ma, “Arhu nae daef-eu nymq-mr keuvni daefluf-awr, aqkar keuvni daef-eu Sanqpaq Miqyaer-or! Nawr heulof-aer yarkhaq dar-eu-aq, tsaq-awr dawr-eu mae.


Swiv nou:

Piblisite


Piblisite