Yoˇhaˬ 17:22 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Aqyawfmaf, arnyaf lof-aer, nuima tiqsiq taef-aer taqnya larni, nawq nae ngaq-anr biza-euq yawshaef khanqsaer khoer, ngar, aqyawf maf-anr biza-euq ma.

Akha

²² Aˇ nyaꞈ Da zaˬ nui ma tiˬ siˬ tehꞈ-ehˇ taˬ-eu loꞈ-ehˇ, aˬ yawꞈ maꞈ kʼawꞈ nui ma tiˬ siˬ tehꞈ-ehˇ taˬ nya laˇ ni, nawˬ neh ngaˬ-ahˇ biꞈ-euˬ yaw shehꞈ kʼahˬ sehˇ kʼoeˇ, aˬ yawꞈ maꞈ-ahˇ ngaˇ biꞈ-eu ma.

Yoˇhaˬ 17:22 Referans Kwoze

2 Gawˇliˬtu 3:18

Aqdui yawqghaq navluf-euq myavpyawq-anr saqpar maq daeqkaqni, pyawqhaw-anr hawluf-eu lof-aer, Sanqpaq Miqyaer-euq yawshaef khanqsaer-anr hawluf-eu ma. Aqdui, Sanqpaq Miqyaer-euq shaevdzeuf-anr durlarni, Sanqpaq Miqyaer-euq Saflar-euq baqda’nae, yawshaef khanqsaer tiqtiv sair tiqtiv javdzaeqlar luf-eu ma.

Yoˇhaˬ 14:20

Khoerngae nan keuvle nar-aq, ngar, Aqda-euq lafkhoer jawr-awr, nawmaf, ngaq-euq lafkhoer jawr-awr, ngar khawf nawmaf-euq lafkhoer jawr-eu gar nawmaf yasiq taef-a.

Yoˇhaˬ 1:16

Aqyawf byan-eu lafkhoer, aqdui yawqghaq navluf guiqlanq yawdzanr tiqjeq sair tiqjeq za-euq ma.

Eˇpeˇsu 2:20

Nawmaf-aq, ghaqkhaer deuq hawr-eu Miqyaer gharduq ngaeqdan-eu deuq nae dawqpaeq baetaq-euq gar tsovtsaf davlef-euq nymr mae. Yeqsur Kali-aq, lafcoer-euq lozif pyeuf-eu mae.

1 Yoˇhaˬ 3:24

Miqyaer nae aqdui-anr bif-euq dawq-anr narhaq geuf-eu tsawrhaq-aq, Miqyaer-euq lafkhoer jawr-awr, Miqyaer khawf aqyawf-euq lafkhoer jawr-eu mae. Miqyaer nae biflef-euq Muiq-eu Saflar baqda’nae, Miqyaer, aqdui-euq lafkhoer jawr mae laer aqdui siqnya-eu ma.

2 Gawˇliˬtu 6:1

Nawmaf, Miqyaer-euq guiqlanq yawdzanr hageuf-euq khoer yawqngaef-aer taqbi pyeuf laer Miqyaer-euq gar mrcawq pyeuf-awr mrluf-eu nga’maf, nawmaf-anr tanqshar-eu ma.

2 Gawˇliˬtu 5:20

Khoermirnae, nga’maf-aq, Kali-euq danzar geufluf-eu ma. Miqyaer, nga’maf-anr ghoe-awr nawmaf-anr sharluf-eu gar dur-eu mae. Miqyaer-anr tsaqler dzoerler-awq laer nga’maf, Kali-euq danzar geuf-awr, nawmaf-anr tanqshar-eu ma.

Yoˇhaˬ 1:14

Dawq khoer-aq, shiqshaq pi-awr aqdui naeq-aer jawrle-euq mae. Aqyawf-euq yawshaef khanqsaer-anr aqdui ya’mawr-euq ma. Yawshaef khanqsaer khoer-aq, Aqda-euq Zaqyo tiq ghaq taef-euq yawshaef khanqsaer mae. Zaqyo heughaq-aq, guiqlanq yawdzanr hawr-eu yawtsaq yawdawr jeq byan-eu mae.

Maˬkuˆ 6:7

Khoerngae, Yeqsur, ghaqkhaer 12 ghaq-anr kurlaf-awr, danqbae-awr nyiq ghaq tiqpaw, nyiq ghaq tiqpaw-aer bi’ir ngae, aqyawf maf-anr naef yawjawf deuq-anr ghaqler-eu aryaq bifnaeq-euq mae.

1 Yoˇhaˬ 1:3

Nawmaf khawf, nga’maf naeq-aer cawq ya cawqni, nga’maf ya’mawr yagaq-euq deuq nawmaf-anr ja’maeq-eu ma. Aqdui cawq cawqtaf-eu-aq, Aqda Miqyaer hawr-eu aqyawf-euq Zaqyo Yeqsur Kali naeq-aer cawq cawqtaf-eu jeq pyeuf-eu mae.

Gʼaˬkʼehˇ 5:41

Miqyaer, aqyawf maf-anr Yeqsur-euq tsawrmyanr baqda’nae shafdawr-eu jeq-anr daq-eu geux-eu tsawrhaq laer sawxnaeq-euq mirnae, ghaqkhaer deuq, khavma armur-euq maeqshi nae laqkhaq caertavni dov-ir-euq mae.

Yoˇhaˬ 17:24

“Aqda-or! Mirtsaq maqbae-euq minav-aer nawr, ngaq-anr gaqluf-eu mirnae, nawq nae ngaq-anr bifnaeq laf-euq yawshaef khanqsaer khoer-anr aqyawfmaf ya’mawrni, nawq nae ngaq-anr bifnaeq laf-euq tsawrhaq-anr ngar kharjawr-eu gar aqyawfmaf khawf bi jawrmawf mir-a.

Luˇkaꞈ 22:30

Heulof-aer bif-eu-aq, nawmaf, ngar uvlanr-eu mirkhanq-euq lafkhoer, ngaq-euq hawqje-anr jawq-awr, dzaqtaf dawrtaf-awr, dzoeqdzaq-euq nuirmanq-anr nuir-awr, Irsaqleqlav tsawrjeuq 12 jeuq-anr yarkhaq bidar-eu gharduq ma.”

Panmaeq 21:14

Meuq-euq lanr khoerlanr-aq, zeurdanr khaqlo 12 siq-euq khoertav ciqtaq-euq mae. Zeurdanr khaqlo-euq khoertav, Yawrzaq-euq ghaqkhaer 12 ghaq-euq tsawrmyanr boftaq-euq mae.

Gawˇlawˇsehˇ 1:24

Nymq-mr ngar, nawmaf-euq gharduq shaqzanq ya daqluf-eu khawf, laqkhaqcaer mir-a. Aqjeq mirnae aernar-aq, Kali, aqyawf-euq mawrdo pyeuf-eu Kalizaq armur-euq gharduq maqya daqjir-euq shaqzanq deuq daqbyanni, ngar, ngaq-euq shiqshaq-euq lafkhoer daqluf-eu ma.

Piˇliˇpiˆ 1:29

Aqjeq mirnae aernar-aq, nawmaf, Kali-anr janni taef-aer maqngeur-eu, aqyawf-euq gharduq daqnya’ni khawf guiqlanq bifnaeq taq-euq mae.

Lormav 8:30

Khoeruqtaf, yawbae ngae nae aqyawf nae tserdov taq-euq tsawrhaq-anr aqyawf kur-euq mae. Aqyawf nae kur-euq deuq-anr mrshawr-euq tsawrhaq bi pyeuflar-euq mae. Aqyawf nae mrshawr-euq deuq-anr aqyawf-euq yawshaef khanqsaer biza-euq mae.

1 Yoˇhaˬ 4:17

Yarkhaqdar ngae nan, aqdui nuima zifdanni ghaenya’ni, aqdui-euq lafkhoer gaq-eu jeq byanlar-euq mae. Aqjeq mirnae aernar-aq, mirtsaq-euq khoertav, aqdui khawf, Yeqsur lof-aer pyeufluf-eu ma.