Yoˇhaˬ 17:15 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Mirtsaq-euq khoertav nae aqyawf maf-anr sheuqdov ghae-awq laer ngar, nawq-anr shar-eu maqngeur. Aerkhawf, aqyawfmaf, yawdoer ghaq-anr nae yabuq-ir ni hawpir naeq-awq laer shar-eu ma.

Akha

¹⁵ Aˬ yawꞈ maꞈ-ahˇ miˇ tsaˬ heu kʼoeˇ taˆ maˬ paˇ bi jawˇ ni sheuˬ doˆ-eu gʼaˇ duˬ, ngaˇ nawˬ-ahˇ shaˇ-eu maˬ ngeuˇ. Ehˇ kʼawꞈ, Haiˬ dui dui-eu Gʼaˬ-euˬ laꞈ-ahˇ maˬ ya bi ahˇ-iˇ ni haw lahˇ nehˬ-awˬ lehˇ shaˇ-eu ma.

Yoˇhaˬ 17:15 Referans Kwoze

Jaceuq 121:7

Yawdoer jeq dawqtawv luf-anr nae, Ya’we Miqyaer, nawq-anr hawpir naeqlaf-awr; Aqyawf, nawq-euq nuima saflar-anr hawpir naeqlaf taef-a.

1 Yoˇhaˬ 5:18

Miqyaer-euq zaq tiqghaq-iq iqbax mrmr-aer maqdaef-a laer aqdui siqnya ma. Miqyaer-anr nae daefle-euq tsawrhaq-aq, yawqhar yawqha yawmuiq-aer bosav-eu mirnae, yawcawv ghaq, aqyawf-anr maq toeqciv nya-a.

2 Teˇsaˬloˇni 3:3

Aerkhawf, Sanqpaq Miqyaer-aq, sarjax zif-eu mae. Aqyawf, nawmaf-anr bi ziflar-awr, yawdoer ghaq-anr nae yabuq-ir ni, aqyawf, nawmaf-anr hawpir naeqlaf taef-a.

Gaˬlaˬtiˆ 1:4

Zawr doer-eu heuzir-anr aqdui yabuq-ir ni, Kali-aq, aqdui-euq Aqda Miqyaer nuima tsaq-eu lof-aer, aqdui-euq iqbax-euq gharduq aqyawf-euq mawrdo lawrnaeq-euq mae.

Maꞈtehˬ 6:13

Iqbax murjur jur-eu maeqnan nga’maf-anr taqbi ir laf. Yawdoer jeq-anr nae nga’maf-anr bidzeur-ir laf. Uvlanr-eu jeq, baoq hawr-eu yawshaef khanqsaer dawqtawvluf, mqmaq maqbyav yarzir nawq-euq mae. Aqmeq.

Luˇkaꞈ 11:4

Nga’maf-euq iqbax-anr pyaeqnaeqlaf. Aqjeq mirnae aernar-aq, nga’maf khawf nga’maf-anr mrbanq-euq dzirdzov dav-eu yawqghaq navluf-anr pyaeqnaeq-euq ma. Iqbax murjur jur-eu maeqnan nga’maf-anr taqbi ir naeqlaf. Yawdoer ghaq-anr nae nga’maf-anr bibuq-ir naeqlaf.”

Jaceuq 30:9

“Ngar, duqkhanq-anr ir ngae, ngaq-euq shiq aqjeq gardanr tsoeq-eu la? Mirtsaq-euq shaqjaev nawq-anr jaceuq taef-a lor? Nawq-euq yawtsaq yawdawr-euq garkawv dawqdzawr mrnya taef-a laq?

2 Tiˆmoˇseˬ 4:8

Nymq-mr tsaq-awr dawr-eu uqdzanq ngaq-euq gharduq laeqhmq taq-euq mae. Arnan khoernan keuvle ngae, tsaq-awr dawr-eu lafkhoer yarkhaq dar-eu ghaq pyeuf-eu Sanqpaq Yeqsur-aq, uqkhov khoersiq ngaq-anr bifnaeqlaf taef-a. Ngaq-anr taef-aer maqngeur-eu aqyawf zafka le-eu gar gaq-eu tsawrhaq yawqghaq navluf-anr khawf bifnaeq taef-a.

Maꞈtehˬ 5:37

Nawq-euq dawq-aq, ngeur nar-aq, ‘Ngeur ma,’ maqngeur nar-aq, ‘Maqngeur’ laer taef-aer aer-awq. Khoertaf-aer dzaeq-ir-euq nar-aq, yawdoer ghaq-anr nae oe-euq mae.

Luˇkaꞈ 22:32

Aerkhawf, nawr jan-eu jeq maqya byaerdzaeni, ngar, nawq-euq gharduq guiqlanq shar-euq ma. Nawr, ngar jawr-eu gar ghofkhoflar ngae, nawq-euq cawq zaqlanr nuideuq-anr ghaq bi khavlar-awq.”

1 Yoˇhaˬ 5:19

Aqdui-aq, Miqyaer-euq zaqdeuq pyeuf-awr, mirtsaqzaq dawqtawvluf yawcawv khoerghaq uvlanr-eu uqmov jawrluf-eu mae laer siqnya ma.